Меси, Рамос, Нејмар и сите други на роденденска забава, освен Мбапе - Канал 5

Фудбал

Меси, Рамос, Нејмар и сите други на роденденска забава, освен Мбапе

Андер Херера организира прослава на 32. роденден по саботниот натпревар на ПСЖ против Стразбур во првото коло од шампионатот.

Меси, Рамос, Нејмар и сите други на роденденска забава, освен Мбапе

Фотографијата од забавата, која ја објави на Инстаграм и под која напиша „Благодарам, одличен тим“, го покажува играчот од средниот ред на ПСЖ со голем број соиграчи.

Серхио Рико, Вајналдум, Ахраф, Данило, Бернат, Рафиња, Икарди, Верати и Меси стојат, додека Серхио Рамос, Кејлор Навас, Ди Марија, Нејмар и Паредес клечат.

Навивачите и новинарите на ПСЖ веднаш забележале дека Килијан Мбапе не е меѓу гостите и истакнале дека ова е уште еден во серијата докази дека заминува.

Веројатно најдобриот млад (22) фудбалер во светот, кој дојде во ПСЖ од Монако пред три години со компензација од 180 милиони евра, минатата година одби голем број понуди од клубот за продолжување на неговиот договор, кој завршува следното лето, а цело време флертува со Реал.

Тој рече дека ќе остане во ПСЖ доколку таму се формира победниќки тим во Лигата на шампионите.

Претседателот Ал-Келаифи за време на презентацијата на Лео Меси му рече дека сега нема повеќе изговори и дека клубот го направил тоа што го побарал.

Сепак, Мбапе се уште нема потпишано нов договор, а Ливерпул се вклучил во борбата за него.Затоа навивачите на ПСЖ ја исвиркаа младата sвезда на саботното претставување на новиот тим.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кина бара од Иран да влијае врз Хутите, целта е да се спречи натамошното ширење на конфликтот во Црвеното море

Кина побарала од Иран да го искористи своето влијание врз јеменските Хути. Целта е да се спречи натамошното ширење на конфликтот во Црвеното море.

Кина бара од Иран да влијае врз Хутите, целта е да се спречи натамошното ширење на конфликтот во Црвеното море

Барањето следело по апелот на Саудиска Арабија до Пекинг..Хутите во изминатата недела ги засилија активностите долж брегот на Црвеното море.

Тие напредуваа и во близина на стратешкиот теснец Баб Ел-Мандеб.Кина јавно повика на воздржаност, дијалог и безбедна пловидба.според ирански извори, Техеран смета дека стабилноста зависи од завршувањето на конфликтот.

Пекинг е загрижен за безбедноста на клучните енергетски и трговски маршрути.Кина е најголем трговски партнер на Иран и значаен купувач на неговата нафта.

Пекинг во 2023 година посредуваше и во приближувањето на односите меѓу Иран и Саудиска Арабија.

Сепак, не е јасно дали Техеран ќе постапи според барањето на Кина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и потопло, со дневна температура до 32 степени

Времето денес ќе биде сончево со мала до умерена локална облачност. Ќе дува слаб до умерен ветер од југоисточен правец, информираат од УХМР.

Сончево и потопло, со дневна температура до 32 степени

Минималната температура ќе биде во интервал од 8 до 16, а максималната ќе достигне од 26 до 32 степена.

Во Скопје, сончево со мала облачност. Ќе дува слаб ветер од југоисточен правец. Минималната температура ќе се спушти до 13, а максималната ќе достигне до 31 степен.

До сабота ќе се задржи претежно стабилно време. Во недела и понеделник ќе има повремени врнежи од дожд и услови за нестабилност со пороен дожд, појава на грмежи и засилен ветер. Од вторник поради продор на постуден воздух од север ќе има опаѓање на дневната температура.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува судењето за „Државна Лотарија“, поранешниот директор Бајрами на обвинителна клупа

Во Основниот кривичен суд Скопје денеска треба да продолжи судењето за „Државна лотарија“ откако на истражните органи во земјава минатата недела им се предаде првообвинетиот Перпарим Бајрами, поранешен директор на Државна лотарија.

Продолжува судењето за „Државна Лотарија“, поранешниот директор Бајрами на обвинителна клупа

Откако побегна од земјава, за Бајрами беше распишана меѓународна потерница. На 9 септември сам се предаде на граничниот премин „Блаце“, по што беше спроведен во затворот во Скопје на издржување на претходно определената мерка притвор.

Покрај Бајрами, во случајот се обвинети и поранешниот вицепремиер, Артан Груби, Методија Димевски, Скендер Мехмети, Бојан Јанев, Фатмир Рамадановски, Александар Димитриоски и Башким Авдиу.

Обвинението, кое го застапуваат јавните обвинители Даниел Коцев и Александар Давчевски, се однесува на дејства преземени во текот на 2023 и 2024 година, со кои обвинетите ги пречекориле службените овластувања и предизвикале штета на „Државната лотарија“ во износ од 596.125.511 денари.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер