Mercedes, BMW и VW се откажаа од амбициозен план- последиците ќе бидат големи - Канал 5

Автомобилизам

Mercedes, BMW и VW се откажаа од амбициозен план- последиците ќе бидат големи

Целта беше амбициозна: Mercedes-Benz планираше да произведува само е-автомобили од 2030 година.

Mercedes, BMW и VW се откажаа од амбициозен план- последиците ќе бидат големи

Целта беше амбициозна: Mercedes-Benz планираше да произведува само е-автомобили од 2030 година, а веќе во следната година германскиот производител планираше да продаде ист број чисти е-автомобили и plug-in хибриди како оние возила со мотор со внатрешно согорување.

Но, Мерцедес е многу далеку од постигнување на таа цел. Стратегијата „Само електрични“ ја „погреба“ лично шефот на Мерцедес, Ола Калениус, веќе во февруари оваа година, а компанијата од Штутгарт го суспендираше воспоставувањето на нова платформа само за електрични возила.

„Во наредните години ќе ги има и двете: електрични автомобили и ултрамодерни електрифицирани модели со внатрешно согорување. И ако побарувачката е доволно висока, ќе биде длабоко во 2030-тите“, рече Келениус пред две недели на Генералното собрание на компанијата – и со тоа всушност уште еднаш јавно ја призна можеби најголемата погрешна пресметка во поновата историја на Мерцедес, пишува Дојче веле.

Имено, бројките на продадени електрични возила стагнираат. Уделот на целосно електричните автомобили во вкупниот број регистрирани нови возила во првиот квартал од годинава во Мерцедес изнесува околу десет проценти - исто како и лани. Со хибридите, е-автомобилите во Mercedes имаат удел од околу 10% во глобалниот биланс, што е многу далеку од прокламираната цел (50%) до 2025 година.

И ова има последици: компанијата го запре развојот на нова платформа за електрични возила. Во автомобилската индустрија, платформите се нешто како градежни комплети, врз кои се создаваат нови автомобили. Досега платформите за електрични возила и класичните модели со внатрешно согорување беа исти - без разлика дали беа бензински, дизел, електрични модели или хибриди, се работеше на иста подвижна лента, основната конструкција беше иста за сите модели , а во зависност од типот на возилото, во нив е вграден соодветен погон.

Платформата „MB.EA-Large“ требаше да го промени тоа: за прв пат требаше да овозможи дури и големи луксузни модели да се склопуваат од темел во верзија со е-мотор и тоа со зголемување на ефикасноста, на пример во доменот на подобра, посилна батерија. Тоа беше амбициозен проект, инвестиција во иднината на компанијата - но и скап проект. Премногу скап за сегашните податоци за (слабата) продажба на електрични модели.

За јавниот медиумски сервис SWR од Mercedes беше потврдено дека компанијата во секој случај сака да инвестира во е-мобилност во иднина. Во моментов, како што е официјално соопштено, под прашалник е само споменатата платформа, но не и е-автомобилите како такви. Mercedes, како што е потврдено, ќе продолжи со понатамошен развој на батерии, мотори или софтвер.

Mercedes всушност само го следи трендот во автомобилската индустрија. Дури и BMW, по сопствено признание, не се откажува од моторите со внатрешно согорување, слична е ситуацијата и со VW. И тоа и покрај фактот што бројките на Volkswagen (продадени возила) се значително подобри од оние на Mercedes. Дали е загрозен крајот на планираната зелена транзиција во секторот за е-мобилност?

Производителите на автомобили реагираат само на желби на клиентите, вели автомобилскиот експерт Фердинанд Дуденхофер во интервју за tagesschau.de. А клиентите во моментов се несигурни, и тоа многу - поради политичките дејствија, вели тој. „Има многу негативни пораки кои доаѓаат од политичкиот домен, поради овие пораки клиентите станаа повнимателни“, вели Дуденхофер.

Како пример, тој го наведува наглото суспендирање на субвенциите за е-автомобили од федералната влада непосредно пред Божиќ минатата година. Односно, медиумската помпа што уследи по најавата на шефицата на Европската комисија, Урсула фон дер Лајен, дека треба да се преиспита веќе донесената забрана за продажба на бензински и дизел мотори од 2035 година во Европската унија. Сето тоа негативно се одразува на продажбата на е-возила, додава германскиот експерт.

А дополнително, во автомобилската индустрија владее неизвесност поради заканувачкиот трговски конфликт со Кина. САД веќе воведоа казнени тарифи од 100% за е-возилата од Кина, поради можно нарушување на пазарната конкуренција. Во ЕУ има се погласни барања да се следи примерот на Американците. Експертите, од друга страна, предупредуваат на можноста за таканаречена „спирала на казнени тарифи“: доколку Кина воведе и специјални царини, тоа би можело да има значителни последици за германските производители на автомобили. Имено, Кина е можеби најважниот единствен пазар во моментов - особено во секторот за електромобилност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

НАСА на Марс откри подрачје прекриено со чудни шестоаголни форми (ФОТО)

Роверот „Кјуриосити“ на НАСА на Марс откри невидена површина покриена со полигонални шари. 

НАСА на Марс откри подрачје прекриено со чудни шестоаголни форми (ФОТО)

Станува збор за структури кои личат на саќе, а научниците се изненадени од нивната распространетост. Дијаметарот на поединечните полигони е помеѓу пет и десет сантиметри, пишува „Фјутуризам“.

Таканаречените „полигонални пукнатини“ се забележани на Марс и претходно, но никогаш не го покривале пејзажот во таква мера. Роверот наишол на нив додека се искачувал на основата на планината Шарп, висока пет километри, која ја истражува од 2014 година.

„Ова море од полигони навистина нè импресионираше“

Масткамерата на „Кјуриосити“ го фотографирала теренот дел по дел додека роверот бил во долината Вале Гранде на Марс. Направени се вкупно 340 фотографии, кои подоцна биле испратени на Земјата и компјутерски комбинирани во една широка, панорамска слика. НАСА вели дека панорамата е направена на 19 и 20 јуни 2026 година, за време на 4930-тиот и 4931-виот марсовски ден од мисијата.

„Иако видовме многу фасцинантни глетки низ очите на Кјуриосити, ова море од полигони навистина нè импресионираше“, рече Ашвин Васавада, научник на проектот во Лабораторијата за млазен погон (JPL) на НАСА. „Внимателно ги мериме нивните форми и хемиски состав и се надеваме дека податоците ќе откријат индиции за тоа како се формирале овие структури“, додаде тој.

Полигоналните текстури на Марс обично се пукнатини од кал. Начинот на кој се формирале укажува на геолошката историја на планетата. Формите во облик на саќе можат да се формираат со сушење на водата, што предизвикува збивање на седиментите, или можат да се формираат со екстремни промени во температурата. Со проучување на овие феномени, научниците се надеваат дека ќе можат да откријат како течната вода некогаш ја обликувала површината на Марс.

Тагови: марс НАСА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

На Косово почна ископување во потрага по масовна гробница, се огласи Курти

Форензичарите денеска започнаа со ископ на локација на северот од Косово, барајќи масовна гробница во која би можеле да бидат пронајдени останките на околу дваесет жртви кои се водат како исчезнати од војната во 1990-тите, објави косовскиот премиер.

На Косово почна ископување во потрага по масовна гробница, се огласи Курти

Околу 13.000 луѓе, вклучувајќи 11.000 косовски Албанци, претежно цивили, беа убиени за време на косовската војна 1998-1999 година, во конфликтот меѓу српските сили и косовските Албанци. Речиси 1.600 луѓе сè уште се сметаат за исчезнати, објави Индекс.

Ископувањето на масовната гробница започна во селото Калудри во општина Зубин Поток на северот од Косово, изјави премиерот Курти. Властите се надеваат дека таму ќе ги пронајдат „останките на група од 23 интелектуалци од Митровица, лекари, професори и активисти за човекови права, кои беа киднапирани и се водат како исчезнати од 19 април 1999 година“, објави Курти на платформата X.

Пребарувањата на локацијата започнаа три дена по апсењето на двајца Срби од Зубина Поток, според обвинителството. Властите, исто така, претходно оваа недела посочија дека на местото на настанот се пронајдени човечки остатоци, без да откријат детали.

Обвинителот Блерим Исуфај денес за медиумите за време на посетата на местото изјави дека во оваа фаза од ископувањето е сè уште „прерано“ да се зборува за резултатите. „Идентификацијата бара време и почитување на строги процедури за пронаоѓање, а потоа и идентификација на секое тело преку ДНК анализа“, рече Исуфај.

Речиси три децении по војната, затегнатите односи меѓу Косово и Србија, која никогаш не ја призна независноста што нејзината поранешна покраина ја прогласи во 2008 година, исто така влијаат на процесот на барање исчезнати лица. Сепак, заедничка комисија од косовски и српски специјалисти се состана за прв пат во Брисел во јануари, повеќе од две години откако беше објавено нејзиното формирање.

Се очекува комисијата да иницира соработка меѓу Белград и Приштина за лоцирање на местата на масовни гробници. Меѓу исчезнатите, 1.100 жртви се косовски Албанци, додека околу 500 се Срби, Роми или припадници на други малцинства.

Тагови: Косово Курти

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ерупција на вулканот Етна на Сицилија (ВИДЕО)

Ерупцијата на вулканот Етна се случи денес по повеќе од три недели мир.

Ерупција на вулканот Етна на Сицилија (ВИДЕО)

Голем облак од пепел се издигна од кратерот на врвот на Ворагина, предизвикувајќи паѓање на пепел во градот Бронте на италијанскиот остров Сицилија.

Вулканската пепел предизвика привремени ограничувања на воздушниот простор над вулканот, додека операциите на меѓународниот аеродром во Катанија продолжија без прекин, според локалните власти.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер