Свет

Мелони внимателна за ограничениот прекин на огнот во Украина

Италијанската премиерка Џорџа Мелони денеска внимателно ја поздрави „хипотезата за прекин на огнот“ ограничена на енергетската инфраструктура во Украина, но изрази уверување во преговорите што ги иницираше американскиот претседател Доналд Трамп.

Трамп за време на двочасовниот телефонски разговор вчера се согласи со неговиот руски колега Владимир Путин за прекин на огнот ограничен на енергетската инфраструктура, како што се електрани, трансформатори или гасоводи.

Американскиот претставник Стив Виткоф синоќа изјави дека Вашингтон сака 30-дневно примирје, кое Киев допрва треба да го прифати, додавајќи дека прекинот на огнот ја вклучува целата инфраструктура.

Меѓутоа, Кремљ денеска објави дека прекинот на огнот се однесува само на енергетскиот сектор, а не и на другата инфраструктура.

-Можноста за делумен прекин на огнот ограничен на стратешката инфраструктура на Украина би претставувала многу мало отворање според она што го договорија Трамп и претседателот на Украина, Володимир Зеленски, рече италијанската премиерка во парламентот.

Украина, под притисок на Вашингтон, ја прифати идејата за безусловен 30-дневен прекин на огнот, што Москва го отфрли.

-Ги поддржуваме напорите на претседателот Трамп. Според мене, тој е силен лидер кој секако може да постави услови за да обезбеди праведен и траен мир, додаде италијанската премиерка, наведувајќи дека е важно да се добијат „безбедносни гаранции“ за Киев.

Џорџа Мелони е единствениот европски лидер кој присуствуваше на инаугурацијата на Трамп во јануари. Таа се обидува да избегне каква било критика кон него. Таа неодамна нагласи дека Италија нема да испрати сили за одбрана на можното примирје, оценувајќи дека тоа би било „ризично и не толку ефективно“./MИА

Македонија

Честит Велигден-Христос Воскресе

Канал 5 телевизија на сите христијански верници им го честита најголемиот празник Велигден. на вработените и на сите верници од православна вероисповед со желби за добро здравје и семејна благосостојба.

На сите верници од православна и католичка вероисповед со желби за добро здравје и семејна благосостојба им посакуваме Честите Велигден.

-Христос Воскресе -Навистина Воскресе!

Денес се слави најсреќниот христијански празник, симбол на нов почеток и вечен живот во верба и мир. Честит Велигден!

Живот

Видео: Истражувачи спуштија камера во најдлабоката пештера во САД

Група храбри истражувачи решиле да се спуштат во најдлабоката пештера во САД, а снимката е застрашувачка и неверојатна.

Имено, тие не само што се спуштија и се вратија, туку после тоа решиле и да го повторат неверојатниот подвиг.

Двајца Јутјубери од каналот ActionAdventureTwins споделија снимка од спуштање камера во пештерата на нивниот профил.

Ова е фантастичната јама во пештерата Елисон во округот Вокер, која се смета за најдлабока јама за слободен пад, со пад од неверојатни 179 метри.

Како што вообичаено се случува во современиот свет, истражувачите од каналот ActionAdventureTwins решиле таму да поминат „повеќе од 12 часа“, а со својата камера снимаа се, па со тоа ги одведоа своите претплатници во авантура која нема лесно да ја заборават.

На снимката се гледа како GoPro камерата се спушта во длабочините на темната пештера. На целата ситуација не ѝ помага ниту тоа што и камерата полека се ротира како резултат на тоа што е спуштена на долга жица закачена на електрична дупчалка.

Некои беа фасцинирани од длабочината на пештерата, додека други истакнаа дека само чекаат некое страшно суштество да се појави и излезе од длабочината на јамата.

Тагови: Пештера

Шоу биз

Фото: Долф Лунгрен на прошетка со 28 годишната сопруга и ќерките од 28 и 22 години

Долф ручал со сопругата 28 годишната Ема Крокдал и ќерките Ајда Лундгрен (28) и Грета Лундгрен (22) во медитеранскиот ресторан Авра во Беверли Хилс.

Сите биле во опуштени модни комбинации.

Долф носи фармерки и црна маичка, над која има кошула во иста боја. Неговата сопруга исто така носи фармерки и црна маица.

Инаку мајка на Ајда и Грета е Анет Квиберг, која беше во брак со шведскиот актер од 1994 до 2011 година.

Актерот познат по своите улоги во акциони филмски хитови инаку во брак е со 40 години помладата Ема од јули 2023 година додека водеше битка со ракот. на неговата битка со ракот.

Долф Лунгрен ја доби битката со тешката болест .

Во ноември 2024 година, Лундгрен на Инстаграм откри дека неговата битка со ракот е завршена.