Меѓународниот олимписки комитет предложи Бах да се избере за трет мандат - Канал 5

Други спортови

Меѓународниот олимписки комитет предложи Бах да се избере за трет мандат

Неколку членови на Меѓународниот олимписки комитет (ИОК) предложија да се избере актуелниот претседател на организацијата, Томас Бах, за трет мандат.

Меѓународниот олимписки комитет предложи Бах да се избере за трет мандат

Предлогот беше изнесен од Алжирецот Мустафа Бераф за време на редовната седница на ИОК, што се одржува викендов во Мумбај, Индија. Него го поддржаа Парагваецот Камило Перез Лопез Мореира и Доминиканецот Луис Мехија Овиедо.

-Во име на олимписките комитети на африканските земји, предлагаме да се направат промени во релевантните документи за Томас Бах да биде реизбран во трет мандат како претседател на ИОК, бидејќи под негово водство организацијата успешно минува низ тешки времиња, изјави Бераф.

Потпретседателот на ИОК Џон Коутс истакна дека овој предлог, кој вклучува промена на Олимписката повелба, може да биде поднесен на разгледување од страна на извршниот комитет на организацијата.

Бераф, исто така, предложи да им се дозволи на Русите и Белорусите да учествуваат на Олимписките игри, но под одредени услови.

Бах е на чело на ИОК повеќе од 10 години. Шеесет и деветгодишниот Германец прв пат беше избран за претседател на организацијата на 10 септември 2013 година./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

УЕФА: Сите натпревари ќе почнуваат со минута молчење

Европската фудбалска асоцијација (УЕФА) денеска објави дека пред претстојните натпревари од првото коло на Лигата на шампионите ќе се одржи минута молчење во спомен на загинатите во поплавите во Непал.

УЕФА: Сите натпревари ќе почнуваат со минута молчење

Натпреварите од првото коло на Лигата на шампионите ќе се играат од вторник до четврток.

„Како знак на солидарност и поддршка, пред почетокот на сите натпревари од Лигата на шампионите ќе биде одржана минута молчење и ќе биде истакнат транспарент на кој ќе пишува: „Не си сам, Непал“, соопшти УЕФА.

Според најновите бројки, повеќе од 1.300 луѓе загинаа во поплавите во Непал, кои ја погодија земјата на 26 август, додека околу 5.000 се водат како исчезнати.

„Целото европско фудбалско семејство е обединето пред натпреварите што се играат оваа недела за да изразиме најдлабоко сочувство и поддршка до народот на Непал. Им посакуваме сила и упорност да се опорават од оваа голема трагедија и нејзините последици“, изјави претседателот на УЕФА, Александар Чеферин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Се урна кат од зграда во центарот на Рим- спасувачите извлекуваат преживеани од урнатините (ВИДЕО)

Во центарот на Рим, се урна кат од деловна зграда, но за среќа четири лица беа спасени, соопштија властите.

Се урна кат од зграда во центарот на Рим- спасувачите извлекуваат преживеани од урнатините (ВИДЕО)

Зградата на Виа Кола ди Риенцо, во која се наоѓаат продавницата „Норт Фејс“ и хотелот „Консоли“, моментално е затворена поради несреќата, според агенцијата „АднКронос“.

Хотелот е во процес на реновирање.

Директорката на противпожарната служба, Беатрис Танци, изјави дека таванот помеѓу приземјето и првиот кат делумно се урна. Иако четири лица беа спасени, екипи со кучиња трагачи и специјалисти кои го пребаруваат подрачјето сè уште бараат.

Таа додаде дека во тек се работи за реновирање во хотелот „деи Концоли“ и истакна дека не е исклучено „натрупаниот материјал“ на градилиштето да ги „преоптоварил подовите“.

Тагови: зграда Рим

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсена е скопјанка, која запалила тревна површина во центарот на градот

Лишена од слобода скопјанка, предизвикала пожар во централното подрачје на Скопје.

Уапсена е скопјанка, која запалила тревна површина во центарот на градот

На 06.09.2026 во 13:05 часот во Скопје, на подрачјето на Центар, полициски службеници од СВР Скопје ја лишија од слобода Ш.И.(51) од Скопје, поради постоење основи на сомнение дека со запалива материја предизвикала пожар, при што опожарени биле поголема тревна површина со дрва, а биле зафатени и две бандери.

По целосно документирање на случајот, ќе следува соодветен поднесок, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер