Балкан

Меѓу десетиците уапсени Хрвати во Грција се и лидер на навивачите на Динамо и носител на медали

Како што дознава „Јутарњи“, сѐ упатува на фактот дека на просторот на стадионот во Атина била договорена „блиска средба“ меѓу навивачите на Динамо и АЕК, а во тој конфликт и хаос загинал Михалис Качурис.

Семејството на еден од нив живее во околината на Загреб, а уапсениот бил регистриран на адреса во областа Риека и до неодамна бил во категорија Ц на ризични навивачи.

Како што потврдуваат од Јутарњи лист, меѓу уапсените во Грција е и Томислав Терзиќ, дипломиран инженер по електротехника и вработен во голема загрепска компанија, инаку претседател на Здружението на поддржувачи на Динамо, чие седиште е во Илица 37 во Загреб, каде што Се наоѓа и официјалното седиште на Здружението БББ.

Терзиќ учествувал и во масовната тепачка помеѓу Бојс и Торцида, која се случи на терасата на кафуле на плоштадот Трешњевачки во Загреб пред натпреварот помеѓу Хајдук и Локомотива.

Полицијата приведе вкупно 25 лица, а за вандализмот сведочат снимките од надзорните камери и граѓаните на кои се гледа како од терасата на кафулето, каде избил конфликтот, се фрлаат столчиња и маси. Меѓу уапсените во Атина е и уште еден актер на таа тепачка, Иван К. од околината на Загреб, но пријавен во Риека. Наводно, меѓу уапсените е и Драган К., со живеалиште во Виена, познат како еден од водачите на австриските навивачи на Рапид.

Меѓу уапсените е и Иван Лулиќ (25), помошник тренер во загрепскиот карате клуб Бушидо. Главниот тренер на тој клуб, Слободан Пуповац изјави:

- Да, точно е, а таа информација ја добив од неговиот најдобар пријател, кого го известила сестрата на Иван. Знам дека е страстен навивач на Динамо и дека патувал на натпревари во Лондон и Лисабон, а како кадет и јуниор освојувал турнири и бил репрезентативец. Тој е вработен, има девојка и сите сме изненадени во клубот каде што е омилен меѓу децата што ги тренира. Слушнав дека неговото семејство ангажирало адвокат во Хрватска и дека подготвуваат документација за сослушувањето во недела - изјави Пуповац.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ.Филипче е против корупција само кога тоа политички му одговара и партиски се пресметува

Филипче е против корупција само кога тоа политички му одговара и партиски се пресметува, скандалот со Петровска е доказ за тоа.

Случајот со Славјанка Петровска, кој Венко Филипче го отвори во јавноста дури во моментот кога Петровска стана дел од Платформата „12.05“ и почна јавно да бара промени во СДС, е доказ за двојните стандарди на Филипче.

Платформата „12.05“ јавно побара Филипче да се повлече од лидерската позиција, а Филипче потоа директно ја прозва Петровска во врска со наводите околу набавката на хеликоптери и договор за кој, според Филипче постоела разлика од дури 37 милиони евра.

Ако Филипче со години располагал со информации за овој случај, тогаш зошто молчел досега?

Зошто Филипче не ги доставил информациите до надлежните институции порано?

И зошто токму сега, кога Петровска стана негов политички критичар, Филипче го обелоденува случајот?

Преку овој случај на површина излезе целата хипокризија и двојните стандарди на СДС и Филипче.

Од една страна, Филипче постојано зборува за Европската Унија, европските вредности, владеењето на правото и борбата против корупцијата како услов за европскиот пат на Македонија. Од друга страна, кога станува збор за наводи за сериозни злоупотреби во сопствените редови во СДС, Филипче знаел и молчел се до моментот додека тоа политички му одговарало.

Европа не е само декларативна определба. Европските стандарди подразбираат одговорност, транспарентност и нулта толеранција кон корупцијата и кога сомнежите се однесуваат на сопствените редови, а не само кога можат политички да се искористат против противник.

Ако Филипче навистина располагал со информации за наводниот случај од 37 милиони евра, тогаш зошто досега молчел?

Не може од една страна да се бараат европски стандарди и европско обвинителство, а од друга страна да нема јасен одговор и да се молчи.

Ако европскиот пат значи владеење на правото, тогаш истиот принцип мора да важи за сите, и за политичките противници, и за сопствените редови.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Убавата Емили блесна на филмска премиера

Една од најубавите жени на светот, манекенката Емили Ратајковски ги воодушеви сите со својот изглед во тесен црн фустан со длабоко деколте и му даде силна поддршка на својот партнер на грчката премиера на неговиот нов филм „Sacrifice“.

Позната по своите провокативни пози, разголени модни изданија, а сега и по врската со Гаврас, Емили ужива во вниманието што го привлекува.

Францускиот режисер Ромен Гаврас се појави во поопуштено издание, во широк црн капут и сина кошула, при што цело време ја прегрнуваше Емили.

Емили ја надополни својата смела комбинација со чантичка со златен синџир и високи чевли што се врзуваат околу ногата, додека заедно пристигнуваа во културниот центар „Онасис Стеги“, пренесува „Дејли мејл“.

Премиерата на неговиот најнов филм „Sacrifice“ се одржа на Меѓународниот филмски фестивал во Торонто во септември.

Ова остварување претставува и негово деби на англиски јазик, а во главната улога се појавува Ања Тејлор-Џој како религиозен фанатик кој планира да жртвува тројца важни луѓе за да го спаси светот од уништување.

Тагови: Емили Ратајковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Жена без ниту една маана, Ријана воодушеви во секси долна облека

Светската музичка ѕвезда Ријана уште еднаш „покаже “ дека е Жена без ниту една маана.

Атрактивната Рири се соблече по гаќички и ги покажа своите бујни прекрасни облини.

Уште едно провокативно издание на Ријана остави многумина без зборови. Таа се соблече по долна облека и ги покажа своите прекрасни облини.

Иако не е активна во музичкиот свет, пејачката Ријана ја пронајде среќата во бизнисменките води. Таа е горда сопственичка на брендот за убавина и мода „Fenty“, а активна е и на социјалните мрежи. Редовно објавува фотографии од своето приватно опкружување и не е тајна дека го користи своето влијание на мрежите за да го промовира својот бренд.

Така, таа неодамна објави збирка фотографии кои за кратко време предизвикаа бројни реакции ширум светот. Како што може да се види, таа гордо позираше во црвена долна облека што ги истакнуваше нејзините атрибути.

Во преден план беа нејзините бујни гради и прекрасни облини, а не смее да се изостави ниту нејзината секси поза што ја заокружи оваа сензационална сцена.

Тагови: Ријана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.