Мецола: Проширувањето на ЕУ веќе не е благородна амбиција, туку геополитичка неопходност - Канал 5

Свет

Мецола: Проширувањето на ЕУ веќе не е благородна амбиција, туку геополитичка неопходност

- Да не се залажуваме, проширувањето сега веќе не е само благородна амбиција, сега, цврсто верувам, дека тоа е геополитичка неопходност. Сепак, за жал, во последнава деценија загубивме повеќе членки, отколку што примивме, рече Мецола. 

Мецола: Проширувањето на ЕУ веќе не е благородна амбиција, туку геополитичка неопходност

Во услови на зголемено руско мешање и обиди за влијание во Молдавија, Грузија и на Западниот Балкан, проширувањето на ЕУ станува директен предизвик за европската колективна безбедност, порача денеска претседателката на Европскиот парламент, Роберта Мецола во обраќањето на Годишната конференција на амбасадорите на Европската Унија, насловена „Надворешна политика на ЕУ што испорачува“, што се одржува во Брисел.

- Да не се залажуваме, проширувањето сега веќе не е само благородна амбиција, сега, цврсто верувам, дека тоа е геополитичка неопходност. Сепак, за жал, во последнава деценија загубивме повеќе членки, отколку што примивме, рече Мецола.

Според неа, ЕУ не смее да продолжи да го развлекува процесот на проширување и расправата за него да ја префрла од еден на друг самит, со усвојување на заклучоци кои понекогаш имаат 27 или дури 27 плус 3 различни толкувања.

- Ако продолжиме да го направете сето ова, тогаш други ќе се појават за да ја пополнат празнината, порача Мецола.

Говорејќи за односите на ЕУ со САД, Мецола истакна дека никој нема корист од трговските војни, па затоа прв приоритет на Унијата мора да биде нивно избегнување, но таа во исто време е подготвена да одговори на секаков предизвик и ќе зборува од позиција на сила.

- Одделно ние сме мали играчи, но заедно сме сила на која треба да се смета. А тоа не го кажуваме доволно, рече Мецола.

Таа посочи дека САД се едни од најстарите и најсилните сојузници на Европа и меѓусебната трговска размена 1.500 милијарди евра е премногу важна, за да се воведат меѓусебни царини, кои би им наштетиле на компаниите и луѓето од двете страни на Атлантикот.

Според неа, денес живееме во време каде најгласниот глас привлекува најмногу внимание, каде насилството го задушува дијалогот, каде што спектаклот ја победува суштината, каде што се дава предност за изолационизмот, наместо на мултилатерализмот.

- Во овој свет на нетрпеливост, никогаш не била поважна долгата напорна работа на дијалогот, демократија и дипломатијата. За тоа сте неопходни вие амбасадорите, а вашите тимови и делегации. Вие сте лицето и гласот на Европа. Вие ги браните нашите вредности, возвраќате на лажните наративи, се грижите кога зборува Европа да не слушаат, почитуваат и да ни веруваат, истакна Мецола.

Според неа, целта на дипломатијата не е да се надвика најгласниот или по секоја цена да се остваруваат брзи победи, туку, многу често, дури и бавно да се најдат заеднички основи и да се постигнат вистински резултати.

- Кога работиме заедно, сработуваме многу повеќе, изјави Мецола, додавајќи дека иако според Договорот на ЕУ, дипломатијата не директна надлежност на Европарламентот, сепак тој има важна улога во контакти со земјите ширум светот, особено во делот на соработката со националните парламенти.

Мецола истакна дека кого станува збор за нејзината визија за иднината на Европа за наредните години таа може да се сведе на „реалистичен оптимизам“.

- Оптимизам, затоа што Европа има ресурси, вештини и влијание да биде лидер. Ние сме најголемиот единствен пазар во светот и главен трговски партнер на повеќе од 80 земји. Ние сме бастион на човековите права. Но, исто така, и реализам, затоа што лидерството бара храброст, храброст да се предизвикаме себеси, храброста да бидеме првите што ќе кажеме дека направивме грешки и дека работите треба да се направат подобро, рече Мецола.

Таа порача дека граѓаните насекаде низ ЕУ на изборите за членови на Европскиот парламент лани во јуни јасно кажале дека сакаат поголема безбедност, пристап да работни места и домување и во суштина полесен, поправеден и посигурен живот.

- Тоа е тој реализам и таа храброст што не предизвикуваат да размислуваме глобално и да дејствуваме со цел нашите граѓани да бидат задоволни со она што го правиме и за да почувствуваат дека правиме нешто за нив. Сега прашањето од сето ова е едноставно: Ќе водиме или ќе не водат, истакна претседателката на ЕП.

Мецола се осврна и на случувањата во Украина, посочувајќи дека поддршката за земјата е поддршка за алтруизмот и за самоодржувањето, бидејќи ако во војната победи рускиот претседател Владимир Путин, никој нема да биде безбеден, ниту Украина, ниту Европа, па дури ниту САД.

Според неа, ЕУ не се откажува од заложбите за мир, но тој мора да биде искрен и да се заснова на принципот дека не може ништо да се решава за Украина без Украина.

- Но, исто така, мора сериозно да се занимавате и со нашата сопствена одбрана. Русија целата своја економија ја претвори во воена економија и Путин и неговите сојузници не предизвикуваат со различни хибриди закани. Европа сега нема опција, нема време за одлагање во одговорот на распространетата закана. Ова е прашање на итност, додаде Мецола.

Затоа, според неа, потребно е зголемување на одбранбеното производството и на трошоците за одбрана и подобра координација во заштитата на критичната инфраструктура, контролата на границите и зајакнувањето на кибер безбедност.

Мецола порача и дека ЕУ мора да преземе по стратешки пристап кон Индо-пацификот и за зајакнување на партнерствата со земјите од регионот во повеќе сфери, од безбедноста, преку технологијата, па до климата.

Таа се осврна и на состојбите на Блискиот Исток, нагласувајќи дека постигнувањето на договорите за ослободување на заложниците и за прекин на огнот претставува напредок, но се уште има многу предизвици за остварување на траен мир.

- Решението за двете држави, колку и да е тешко остварливо, е единствен начин за гарантирање на безбедноста на Израел и за перспективите на палестинскиот народ. Европа мора да биде повеќе од гледач во тој процес. Ние всушност мораме да бидеме катализатор на помошта за создавање услови тоа (решение) да стане реалност за долгорочен одржлив мир и стабилност, додаде Мецола.

Според неа, ЕУ конечно треба да престане да ја третира Африка како проблем, туку како рамноправен партнер, затоа што 12 од 21-та растечките економии во светот се од африканскиот континент и додека Европа дебатира за потребите за инвестирање, други веќе инвестираат таму.

Таа додаде и дека истото важи и за Латинска Америка, со која ЕУ мора да ги зајакнува трговските односи и соработката со земјите со кои споделува исти вредности и за одбрана на демократијата онаму каде што е загрозена.

- Кога станува збор за темата „Надворешна политика на ЕУ што испорачува“, кога светот гледа кон Европа, мора да биде во позиција да види лидерство кое испорачува мир, безбедност и просперитет. Но, тоа можеме да постигнеме само ако работиме заедно, заклучи Мецола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Уапсена е поранешна турска министерка за членство во криминална организација

Поранешната турска министерка Фатма Бетул Сајан Каја е уапсена во рамките на истрага за трансакции на пазарот на капитал, под сомнение за кршење на Законот за пазари на капитал и членство во криминална организација.

Уапсена е поранешна турска министерка за членство во криминална организација

Поранешната турска министерка Фатма Бетул Сајан Каја е уапсена во рамките на истрага за трансакции на пазарот на капитал, под сомнение за кршење на Законот за пазари на капитал и членство во криминална организација, објави денес обвинителството во Истанбул.

Според документот на обвинителството, Каја е осомничена дека имала информации што можеле да влијаат на цената на акциите на „Озата Денизчилик“, објави „Анадолу“.

Истражителите изјавија дека поранешната министерка ги купила акциите на компанијата во април 2026 година и ги продала на 16 септември, денот пред одлуката за ликвидација на средствата.

Обвинителството се сомнева дека Каја знаела за претстојната ликвидација и дека ги префрлила акциите на „Тера Јатирим Менкул Дегерлер“, која ѝ ја исплатила нивната вредност истиот ден, наместо парите да бидат исплатени во вообичаените два работни дена.

Поранешниот претседател на Одборот на пазарите на капитал, Ибрахим Омер Ѓенул, и Илијаш Каја беа ослободени под мерки на судски надзор, кои вклучуваат редовно пријавување кај властите и забрана за патување.

Тагови: министерка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џенифер Лопез позира без облека, а косата никогаш не ѝ била посветла (ВИДЕО)

Џенифер Лопез избра костим од Барбарела за овогодинешниот Ноќ на вештерките, ликот што Џејн Фонда го играше во истоимениот филм од 1968 година. 

Џенифер Лопез позира без облека, а косата никогаш не ѝ била посветла (ВИДЕО)

За таа пригода, таа беше трансформирана со помош на прекрасна руса фризура моделирана по познатата актерка, а носеше и реплика од проѕирниот боди со светки од филмот. Таа дополнително го адаптираше костимот за Ноќта на вештерките со солзи и детали што имитираат крв.

Пејачката и актерка често експериментирала со фризури во текот на својата кариера, од природни кадрици од деведесеттите до медено руси прамени, пишува Харперс Базар.

Најсветлата нијанса досега

Иако Ноќта на вештерките заврши, се чини дека Лопез сè уште не е подготвена да се збогува со својот нов изглед. Нејзиниот фризер Крис Аплтон објави претходно невидени фотографии на Инстаграм на кои пејачката е речиси непрепознатлива.

На фотографиите, Лопез позира целосно гола, а посебно внимание привлекува нејзината екстремно светла руса коса, најсветлата нијанса што некогаш ја носела. „Бомбастични боцки“, напиша Аплтон во описот на објавата, алудирајќи на Барбарела и нејзиниот костим. Тој ја обликуваше нејзината коса во луксузни, волуменозни кадрици, со дополнителен волумен нагласен на темето.

Фризерот одговорен за бројни трансформации

Аплтон стои зад многу фризури на Џенифер Лопез, вклучувајќи го и нејзиното неодамнешно „фенирање од милион долари“. Станува збор за луксузно стилизирана коса со костенливи прамени и шишки што го врамуваат лицето.

@jlo

Her specialty is LOVE ❤️ Barbarella 🚀 Happy Halloween everybody!

♬ original sound - JLO

Перика или трајна промена?

Дали Лопез ќе ја задржи новата боја на косата сè уште не е познато. Не е ни јасно дали носи перика на фотографиите. Имено, Аплтон е позната по големите трансформации на изгледот на неговите познати клиенти, вклучувајќи ги Ким Кардашијан и самата Џенифер Лопез. Затоа, останува да се види дали ова е потрајна промена или само привремен експеримент.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Ширење паника или паника кај Мицкоски

Мицкоски сега ја обвинува опозицијата за ширење паника.

СДСМ: Ширење паника или паника кај Мицкоски

Како шири паника СДСМ кога уште пред една година алармиравме да не се дозволи ова со банката?

Дали СДСМ ширеше паника во Европа и во Црна Гора каде што е одбиена оваа банка и забранет е велз на нејзиниот сопственик?

Дали СДСМ ширеше паника во Србија каде што се отворени истраги за криминал, каде е приведен Мацура и прогласен стечај на Алта банка?

Прашањето е едноставно, дали СДСМ ширеше паника во Европа, Црна Гора, Србија или Мицкоски е во паника затоа што знае дека ќе одговара затоа што ја донесе Вучиќевата пералница на пари во Македонија?

Еве ја хронологијата. Факти, не шпекулации.

Во 2023 и 2024 Алта група на Давор Мацура се обидува да ја преземе Addiko банка во повеќе земји, вклучувајќи Црна Гора.

Европската централна банка и австрискиот регулатор реагираат.

Во август 2024 ECB привремено го суспендира правото на глас поради тајно заедничко дејствување.

Во септември австрискиот регулатор изрекува санкција.

Financial Times пишува за проверки околу потеклото на капиталот и контролите против перење пари.

Формалниот сопственик е човек што до вчера држеше менувачница во Земун. Нема банкарско искуство. Има сомнежи за капиталот.

Во октомври 2025 Централната банка на Црна Гора го одбива преземањето на Addiko.

Гувернерката Ирена Радовиќ потврдува дека имало притисоци кога го одбиле планот.

Мацура планирал по Addiko да влезе уште во две банки. Алта не добива банкарска дозвола во Црна Гора.

Регулаторот вели: интегритетот на пазарот е поважен.

Во истиот период, октомври 2025, Алта банка АД Белград ја купува Стопанска банка Битола со одобрение на НБРМ. 95 проценти од акциите.

Покрај банката, Алта група во 2026 ги купува и ЗОИЛ Македонија АД Битола - 100 проценти од осигурителната компанија.

Компанијата е преименувана во Алта осигурување АД Скопје.

Владата на Мицкоски праќа укажување на јавни претпријатија да одлучат за преземање акции од страна на Алта банка.

Мицкоски не само што ја турка банката во Македонија. Го турка и осигурувањето. Ја внесува целата група во Македонија.

Во октомври 2026 Мацура е вратен од аеродром во Подгорица. Забранет му е влез во Црна Гора од причини на национална безбедност.

По изборите во Србија паѓа СНС. Се појавуваат тврдења за големи одливи.

На 30 и 31 октомври Народната банка на Србија ја одзема дозволата на Алта банка АД Белград. Се отвора стечај.

Вучиќева гувернерка на Народната банка на Србија рече дека сè е во ред со банката, а веќе истата ноќ, во 2:30 часот по полноќ, ѝ беше одземена дозволата за работа.

Српското Обвинителство отвора истрага.

На 2 ноември е уапсен Мацура. Сомнеж дека изнел околу 380 милиони евра од трезорот - дел физички, дел преку фиктивно евидентирање.

На 3 ноември судот формално отвора стечај.

Во Македонија, гувернерот рече дека сè е во ред, а во рок од 24 часа беше воведена принудна управа во банката.

На 1 ноември НБРМ воведува присилна управа над Алта банка АД Битола. Одредуваат лимити за граѓаните. Штедачите не можат да дојдат до своите пари.

Вчера гувернерот на Народната банка на Македонија изјави дека токму Мицкоски бил тој што вршел притисок за дозволата.

Значи: во Европа има санкции и суспензии.

Во Црна Гора има одбивање и притисоци што не поминале.

Во Србија има стечај, апсење и истрага за 380 милиони евра.

Формалниот сопственик е човек од менувачница. Постојат сомнежи за потеклото на капиталот.

И покрај сето тоа, Мицкоски врши притисок за дозвола и ја внесува банката во Македонија.

Го внесува и осигурувањето. Ја внесува целата Вучиќева пералница на пари од криминал и корупција. Ја внесува со пари на јавни претпријатија и на граѓаните.

Сега, кога сè се одмотува, Мицкоски ја обвинува опозицијата за ширење паника.

Не ширевме паника во Европа. Не ширевме паника во Црна Гора. Не ширевме паника во Србија.

Фактите се на виделина.

Мицкоски е во паника затоа што знае дека ќе одговара. Затоа што знае дека документите и трансакциите се тука. Затоа што знае дека не може да се сокрие кој вршел притисок.

Обвинителството мора да реагира. Дадовте заклетва на граѓаните, не на оваа мафија. Ако продолжите да ја чувате бандата, ќе одговарате заедно со неа.

Паниката е кај Мицкоски. Вистината е во документите. Мицкоски мора да одговара!, се наведува во партиското сопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер