Маж на српска пејачка учествувал во реално шоу, но тоа завршило неславно

Пејачката Тина Ивановиќ е во брак со Звездан Анчиќ долги години, кој своевремено се обиде како учесник во реалните шоуа.

Звездан учествуваше во „Фарма“ во 2015 година, но неговиот престој на имотот во Лисовиќ заврши неславно. Имено, Звездан се скарал со пејачката Маја Николиќ, која ја навредувала неговата сопруга Тина и тврдела дека таа го изневерува. Анџиќ во тоа време бил толку бесен што се заканил дека ќе го запали имотот. Потоа избегал, поради што беше дисквалификуван од реалното шоу, и како што пишуваа медиумите, во таа прилика нападнал една од репортерките на продукцијата.

Инаку, Тина Ивановиќ веќе била мажена во раната младост и од тој краток брак го има синот Даниел, кој денес има 29 години. Денес таа е во добри односи со него, но не можеше да го види 10 години, бидејќи нејзиниот поранешен сопруг ñ забрануваше.

Како што истакна за медиумите, нејзиниот сегашен сопруг Звездан í помогнал да воспостави контакт со нејзиниот син.

Извор: srbijadanas.com

Левица:Незастарување на кривичните дела на функционери – единствен излез од правната криза

Незастарување на кривичните дела на јавните функционери – единствен излез од правната криза СДСМ-ДПМНЕ-ДУИ, се наведува во реакцијата на Левица. 

Пред една година, помпезно најавениот обвинителски процес (кој беше претставен од Костадин Костадинов како огромен успех на СДСМ во насока на наводните реформи во правосудниот систем), против поранешниот претседател на Врховниот суд, Јово Вангеловски заврши со резолуција во која се наведува дека обвинителството не утврди дека постојат основи на сомнение дека било извршено кривично дело кое се гони по службена должност.

Со резолуцијата, за триесетината предмети „заборавени во фиока“, никој кривично нема да одговара. Со оглед дека Јово Вангеловски беше избран за претседател во времето на владеењето на ДПМНЕ, а добива кривично правно „помилување“ за своите дејствија во време на СДСМ, станува јасно дека владеењето на СДСМ е само продолжена рака на ДПМНЕ со исти аршини на делување, кои апсолутно не се во насока на владеење на правото, она за што впрочем сегашната владеачка гарнитура гласно говореше пред изборите.

Што доколку тие тиресетина предмети вклучуваа економски кривични дела, или во постапувањата на поранешниот претседател на Врховниот суд во иднина се утврди дека постојат основи на сомневање за сторено економско кривично дело, како дело со кое се повредува економскиот систем, како и економските интереси!?

На овој начин се поттикнува вакви слични поведенија во иднина да станат пракса без одговорност. Впрочем, сегашното позитивно право предвидува и нивна застареност, а од друга страна економскиот систем на државата со сите негови институции трпи незастарливи и неотстранливи последици кои на крај паѓаат на товар на граѓаните.

Затоа Левица во својата програма предвидува мерка Незастарување на кривичните дела поврзани со т.н. економски криминалитет и корупција извршени од страна на јавните функционери. Со оваа мерка ќе се делува превентивно во насока на демотивирање за сторување на ваков тип криминалитет.

Политичка партија Левица

Мерцедес го претстави болидот за новата сезона на Ф1 (ФОТО)

Мерцедес денеска го претстави болидот за новата сезона во Формула 1, што почнува овој месец.

Како и минатата година, болидот на Мерцедес е црн и ќе се вози од ланскиот состав - светскиот шампион Луис Хамилтон и Валтери Ботас.

Мерцедес ќе се обиде да ја освои осмата титула по ред во пласманот на екипите во автомобилот наречен Mercedes-AMG F1 W12 E Performance.

Новата сезона започнува со трката во Бахреин на 28 март.

Стоилковски: Заев и Пендаровски се соработници на Радев во понижувањето на Македонија

Како поинаку да се нарече државна политиката која што премолчува закани и изјави од соседна држава,рече Наум Стоилковски, портпарол на ВМРО-ДПМНЕ.

Како поинаку да се нарече државна политиката која што премолчува закани и изјави од соседна држава, изјави и закани од претседател на соседна држава, за активирање и испраќање на разузнавачки служби, полициски структури и други во политиката опишани како непријателски дејствија, освен како понизна, полтронска, адржавна, колонијална, потчинета на странски интереси?

Дали не е понижувачко премолчувањето и немањето соодветна реакција на Македонија- поточно на Зоран Заев и на Стево Пендаровски, дали официјалниот молк, подвитканата кичма од нив кон заканите од бугарскиот претседател Румен Радев, не се понижувачки за цела држава Република Македонија?

Токму таквата потчинета и адржавна политика, му остави место на бугарскиот претседател Румен Радев директно да се меша во внатрешните работи на Македонија. Притоа, Македонија се именува како „држава од двете страни на Вардар“, како да се работи за неименувана територија. Се упатуваат закани, се одржуваат средби на разузнавачки служби, полициски структури, бугарската армија можеби, за да се делувало во Македонија.

Румен Радев организираше состанок со безбедносни и разузнавачки структури, за акција за наводно штитење на бугарско малцинство во Македонија. А Зоран Заев со еден потпис се откажа од Македонците во Бугарија. Сега Заев, дали гледаш колку ти е свиткана кичмата?

Секоја нормална држава во ваков случај веднаш би ги презела сите дипломатски механизми кои што и стојат на располагање, механизмите на ЕУ, на НАТО, на Обединетите Нации, механизми кои што барем декларативно стојат на страната на нападнатите бидејќи според дипломатски речник- ова е напад!

Македонија тоне на меѓународна сцена заради понижувањето прво од Заев, па од Пендаровски, па од сите надолу во власта. Со изјавата на Радев и изостанувањето на официјална реакција, дипломатска нота, повикување на амбасадор во МНР е уште едно заево виткање на кичмата.

Зоран Заев ја загрози државноста. Загрозен е и Уставот и суверенитетот на државата. Погазено е начелото на сувереност гарантирано со меѓународното право, но и начелото на немешање во внатрешните односи на други држави, исто така гарантирано со меѓународното право.

Погазени се и принципите на НАТО. Што би рекла Шекеринска ова е прва директна закана за испраќање на странски разузнувачки служби да делуваат во Македонија откако сме членки на НАТО. И тоа од кого од Бугарија, партнер на Македонија во НАТО!?

Со официјалниот молк и неубедливите настапи, Заев и Пендаровски не се ништо повеќе од полтрони и соработници на Радев во понижувањето на Македонија.


притисни ентер