Маск повикува на отповикување на судии заради „обнова на владеењето на народот“ во САД - Канал 5

Свет

Маск повикува на отповикување на судии заради „обнова на владеењето на народот“ во САД

Шефот на Оддело за ефикасност на Владата на САД (ДОГЕ) Илон Маск повторно повика на отповикување на судии во САД, откако администрацијата на претседателот Доналд Трамп загуби три правни битки во врска со распуштањето на федерални агенции.

Маск повикува на отповикување на судии заради „обнова на владеењето на народот“ во САД

Во рок од 90 минути, судии во Вашингтон, Колумбија и Сиетл ги блокираа наредбите на Трамп за замрзнување на федерални грантови и заеми, наложувајќи враќање на исплатите за странска помош преку Американската агенција за меѓународен развој (УСАИД).

„Единствениот начин да се обнови владеењето на народот во Америка е да се отповикаат судиите. Никој не е над законот, вклучувајќи ги и судиите“, напиша Маск на мрежата Икс.

Тој додаде дека „тоа е потребно за да се подобри ситуацијата во Ел Салвадор“ и дека „истото важи и за Америка“, алудирајќи на разрешувањето на петмина судии од Врховниот суд и главниот обвинител во таа латиноамериканска земја во 2021 година од страна на парламентот контролиран од авторитарниот претседател Најиб Букеле, што наиде на критики од неколку земји, вклучително и САД, пренесува Индепендент.

Подоцна, Маск напиша: „Ако кој било судија може да блокира секоја претседателска наредба, тогаш немаме демократија, туку судска тиранија“.

Претседателот на Ел Салвадор, Букеле, го поддржа ставот на Маск и на Икс напиша: „Ако не ги отповикате корумпираните судии, не можете да ја поправите државата“.

Ова не е првпат Маск да бара отповикување на судии.

Претходно овој месец, федерален судија привремено го блокираше американското Министерство за ефикасност на владата да пристапи до платните системи на Министерството за финансии, откако 19 држави го тужеа претседателот Доналд Трамп и Министерството за финансии.

Маск беше лут поради одлуката и на социјалните мрежи изјави дека „Коруптивен судија ја штити корупцијата“. Треба веднаш да биде отповикан!“

Според американското законодавство, само Конгресот има овластување да отповикува и разрешува федерални судии, по сослушувања во Сенатот и со одлука поддржана од двотретинско мнозинство, што се случило само 15 пати во американската историја./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Монтреал Канада, денеска се оддржува самитот ЕУ-Канада

Во Монтреал Канада, денеска се оддржува самитот ЕУ-Канада каде се очекува подетална разработка на партнерството кое иницијално беше наречено придружно членство на Канада во ЕУ,

Во Монтреал Канада, денеска се оддржува самитот ЕУ-Канада

Во Монтреал Канада, денеска се оддржува самитот ЕУ-Канада каде се очекува подетална разработка на партнерството кое иницијално беше наречено придружно членство на Канада во ЕУ, меѓутоа, Германија, Италија, Франција и Грција се спротивставија на оваа формулација, наведувајќи дека создава правна несигурност и преседан за други земји.

Сепак, на овој самит се очекува да се прошири соработката во повеќе клучни и стратешки области, вклучувајќи ја безбедноста и Арктикот, трговијата и инвестициите, со што Канада би ја заменила досега традиционалната улога на Соединетите Американски Држави како најголем партнер на ЕУ надвор од Европа.

И Канада и ЕУ се обидуваат да создадат алтернативни партнерства без САД под водство на претседателот Доналд Трамп, со оглед на неговите закани за царини кон ЕУ но и реториката дека ќе ја претвори Канада во 51-та држава на САД, што силно ги потресе добрососедските односи меѓу двете северноамерикански држави.

Тагови: ЕУ канада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Четворица италијански државјани загинаа при уривање на воен хеликптер на ЕУФОР во Босна и Херцеговина

Четворица италијански државјани загинаа вчера при уривање на воен хеликоптер на ЕУФОР во близина на градот Горице во Босна и Херцеговина.. 

Четворица италијански државјани загинаа при уривање на воен хеликптер на ЕУФОР во Босна и Херцеговина

Мисијата ЕУФОР потврди дека нивниот авион се урнал за време на рутинска операција во областа Брчко..

Повредени се 12 лица.

Во несреќата не е оштетен цивилен имот или инфраструктура и нема повредени цивили.. Од ЕУФОР најавија целосна и темелна истрага за инцидентот и ќе објават повеќе информации откако ќе се утврдат сите факти.

Во исто време, ги повикаа граѓаните да ги следат само официјалните канали за да избегнат дезинформации..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Во Собранието продолжува расправата за ребалансот на буџетот

Во Собраниската комисија за финансирање и буџет денеска продолжува расправата за вториот ребаланс на буџетот за 2026 година. Поднесени се вкупно 124 амандмани.

Во Собранието продолжува расправата за ребалансот на буџетот

Со новите проекции, приходите се намалуваат на 374,2 милијарди денари, а расходите на 420,5 милијарди денари. Најголемото намалување е кај акцизите, од 34,1 на 30,4 милијарди денари.

Буџетскиот дефицит останува 46,3 милијарди денари, односно 4,1 процент од бдп.

Тагови: ребаланс на Буџетот собрание

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер