Маричиќ: Онлајн судењата за 60 проценти ја зголемуваат ефикасноста и транспарентноста

Пандемијата, посочи тој, беше катализатор на процесот кој е од суштинско значење за подобрувањето на ефикасноста на работата на судиите и судска администрација, а тоа е дигитализацијата.

Анализите укажуваат дека преку дигитализацијата, судењата на далечина или онлајн судењата за 60 проценти ја зголемуваат ефикасноста и транспарентноста, а дополнително, на овој начин се намалуваат и трошоците, порача министерот за правда Бојан Маричиќ, на отворањето на Конференцијата за ефикасност на работата на судиите и судската администрација.

Пандемијата, посочи тој, беше катализатор на процесот кој е од суштинско значење за подобрувањето на ефикасноста на работата на судиите и судска администрација, а тоа е дигитализацијата.

– Дигитализацијата, за жал во некои сегменти во општеството наидува на отпор. Судството секако нема да биде заобиколено. Се надевам дека набрзо ќе бидеме сведоци на целосна дигитализација на 187 судници и 34 судови низ државата, изјави Маричиќ.

На ова, нагласи тој, имаме директна финансиска и стручна помош од ОБСЕ, Европската Унија, САД и Норвешката влада.

– Нема посигурен начин да се намали можноста од човечки грешки, отколку да се дигитализира сè што може. Со визија и макотрпна работа веќе чекориме по патот на модернизацијата, пат којшто дава уште поголема ефикасност и подобар квалитет на испорачување на правдата, но и доследно спроведување на законот и заштита на странките во постапките, така како што бараат современите европски стандарди, изјави Маричиќ.

Судската служба, порача тој, е моторот на овие реформи, и верувам дека до крајот на годината ќе се реши проблемот и ќе се зголемат нивните плати и статусот на судската служба.

Маргарита Цаца Николовска од ИЧП, на отворањето рече, дека во рамките на 30-месечните активности на проектот биле спроведени пет работилници за одговорност, транспарентност и ефективност со судии, обвинители и адвокати.

– Работилниците беа водени од експерти со акцент на размена на практични искуства, изјави Николовска.

Во рамките на проектот, посочи таа, беше изработен заеднички протокол за унифицирано спроведување и работење на судската служба, како и проектната публикација.

Судијата во Врховниот суд Џемали Саити, и претседател на Здружението на судии, рече дека ефикасноста како важен сегмент за пристапот до правда во изминатиот период бележи напредок, но и дека е важно и понатаму да се работи на унапредување на судската служба и судиите.

Претседателот на Здружението на судска администрација Сашо Темелкоски, порача дека ефикасноста на судовите е од големо значење во генерирање доверба од граѓаните.

– Опсегот на работни задачи на судската служба почнува од приемот, водењето и архивирањето на судските списи и предмети. Таа не завршува тука и се однесува и на самото спроведување на судењата и одржување на судската зграда. Ефикасноста при извршувањето на работните задачи од судската служба, ќе придонесат и за зголемување на целокупната ефикасност на судовите, нагласи Темелкоски.

Мерливоста за ефикасноста, посочи тој, може значително да се прави преку Акмис системот, кој генерира податоци за спроведените судските предмети.

Конференцијата се одржува во рамки на проектот „Заедничка заложба за подобри достигнувања во судството", финансиран од страна на Европската Унија и кофинансиран од Британската амбасада во Скопје, а спроведен од Центарот за правни истражувања и анализи (ЦПИА) во соработка со Институтот за човекови права (ИЧП) и професионалните здруженија на судии и судска администрација. /МИА

За термин за пасош се чека и месеци и половина, МВР вели на ден има и по 3.000 барања за нови

Доколку денеска за ѕвоните на телефонскиот број 072 92 92 92, мали се шансите да добиете оператор за да закажете термин за издавање на пасош.

Доколку денеска за ѕвоните на телефонскиот број 072 92 92 92, мали се шансите да добиете оператор за да закажете термин за издавање на пасош, а доколку ви се посреќи, првиот слободен по брза постапка е 6 јули, додека во редовна постапка, првиот термин е 5 август. Од МВР велат дека проблемот постои само во Скопје, додека во останатите градови закажуањето се одвива тековно. Велат обрасци и за пасоши и за лични карти има, но застојот е поради преголемиот интерес на граѓаните овој период.. Дневно, велат, за закажување се јавуваат и по 3000 луѓе.

-Оваа година интересот е енормно зголемен по олабавувањето мерките од пандемијата поради тоа што граѓаните претходниот период не ги обновувале документите, границите беа затворени поради ковид кризата па се случува сите оператори од надлежниот економски оператор да бидат зафатени во текот на денот,- Сузана Праниќ, МВР.

Дека интересот на граѓаните е зголемен беше забележливо и во една од управните служби за издавање на патни исправи и лични карти, каде се чекаше ред за подигнување на документите , но и за фотографирање.

-Со цел побрза услуга на граѓаните од МВР велат дека е продолжено работното времена централите за телефонско закажување од понеделник до сабота од 8 до 20 часот.

Минативе месеци, проблем се појави и со недостаток на возачки дозволи и регситарски таблички , но од МВР уверуваат дека состојбата следниот период ќе се нормализира..

-На 17 јули пред неколку денови склучена е ракмовната спогодба со економскиот оператор Квантум од Скопје со потпишаната рамковна спогодба веќе се решава застојот на табличките во наредниот период ќе следат тековни испораки на сите видови обрасци на регитарски таблички.- Сузана Праниќ, МВР

Првата пратка на таблички, од мвр ја најавуваат кон крајот на оваа недела

Утре без вода дел од Карпош

Прекин на водоснабдувањето утре од 9 часот ќе имаат корисниците од булевар „Партизански Одреди", на потегот од булевар „8 Септември" до улица „Франклин Рузвелт", непарни броеви, и корисниците од булевар „Партизански Одреди" број 48.

ЈП „Водовод и канализација" – Скопје информира дека корисниците ќе бидат без вода поради водоводен приклучок ф-100 мм на булеварот „Партизански Одреди" број 63.

Тивко во Скопје, Софија и Брисел пред утрешниот одлучувачки ЕУ состанок

Молк во Скопје, Софија и Брисел пред утрешниот Совет за општи работи во Луксембург, на кој барем според последните пораки, извесно е дека Македонија и овој пат нема да слушне добри вести. 

На официјалната веб-страница на Унијата само кусо е наведено дека министрите за надворешни работи ќе разменат мислења за проширувањето и процесот на стабилизација и асоцијација. За Симонида Кацарска од Институтот за европска политика утре се можни две сценарија, проширувањето воопшто да не биде споменато или да се изготви формулација која пред се би имала пораки на охрабрување.

И експертската јавност во Софија не гледа излез од актуелниот ќорсокак. Весела Чернева од Канцеларијата на Европскиот Совет за надворешна политика цени дека за враќање на односите во нормала, неопходно е и време и волја и повеќе од се, напуштање на праксата билатералното прашање да се користи во предизборни цели.

-Бугарско-македонските односи се во најлоша форма од кога и да е. Промената на тонот, според мене, е првата задача пред двете држави ако сакаат да имаат дијалог. Сега, бугарската дипломатија треба со мали чекори да излезе од овој ќорсокак за да може да се стигне до моментот да се крене ветото. Но, јасно е дека тоа без парламент не може да се случи., изјави во интервју за бугарската телевизија БТВ, Весела Чернева, директор на канцеларија на Европскиот Совет за надворешна политика во Софија

Бугарскиот претседател Радев за време на средбата со премиерот Заев пред четири дена порача дека од Македонија очекува прагматичен пристап со конкретни и неповратни резултати. Евроамбасадорот Дејвид Гир денеска изјави дека и натаму се посветени кон решенија за што е можно побрз старт на преговори за Македонија.

притисни ентер