Ќе се заложам за подобри услови и плати, почитување на стекнатите права, но и за враќање на достоинството на просветниот работник, порача на осмиот конгрес на СОНК Стојко Рамов кој како единствен кандидат го заменува Јаким Неделков, кој по 16 години минати на претседателското место се повлекува од челната синдикална позиција.

-Приоритет ќе ми биде склучување на колективниот договор за основно и средно образование, но и да се потпише колективен договор за детска заштита, нов колективен договор за култура. Сметам дека во идниот период следува доста работа, се надевам дека ќе наидеме на разбирање од социјалните партнери и дека ќе успееме да го подобриме економскиот и социјалниот статус на просветните и културните работници во Република Македонија,- -Стојко Рамов.

Го скршивме мразот на замрзнатите плати, а трасираниот пат кон успехот треба да продолжи бидејќи навистина има уште многу работи што треба да се завршат, порача Неделков истакнувајќи дека за најголемо достигнување и гордост сепак го смета тоа што не дозволил разни струи од надвор да влезат во редовите на Синдикатот.

-Во овој мандатен период најмалото зголемување во дејностите детска заштита и образование е над 70 %, а највисокото зголемување на платите во високото образование и наука е околу 100 %. Мојата најголема гордост е што не дозволив разни „струи“ од надвор кои имаат интерес го ослабнат СОНК, да влезат во нашите редови и да го ослабнат или растурат Синдикатот. Највистина сум горд што нашето членство остана единствено,- - Јаким Неделков.

Министерката за образование и наука Весна Јавска која присуствуваше на Конгресот порача дека очекува да продолжи партнерскиот дијалог и подвлече дека тешката реформа, што инаку вклучува затворање на голем број на училишта ширум земјава, или „оптимизацијата во образованието“ нема да остави ниту еден наставник без работа.

„Оптимизација“ значи подобрување на образовниот процес. Во принцип, генерално, најголемата корист ќе биде за учениците, но тоа не значи дека и наставниците нема да се чувствуваат подобро кога работат во подобри услови и поголеми групи. Овој процес, кажав, би требало да трае најмногу 4 години, во кои ниту еден наставник нема да го загуби работното место, но нови вработувања во овој период нема да има. - Весна Јаневска.

По 16 години, СОНК добива нов претседател, Рамов го презема претседателското место како единствен кандидат на осмиот конгрес, а до изборот беше еден од двајцата потпретседатели на СОНК и претседател на регионален огранок на синдикатот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Вонредните избори доаѓаат по ненадејната смрт на градоначалникот Јовица Илиевски во јуни годинава.

Владејачките коалициски партнери ВМРО-ДПМНЕ и ВРЕДИ настапуваат со посебни кандидати, а ЗНАМ дава поддршка на кандидатот на најголемата владејачката партија. На митинзите во Брвеница кандидатот на ВМРО-ДПМНЕ, Стојанчо Радичевски најави посветена и транспарентна работа за развој на општината, а поддршка доби и од премиерот и партиски лидер Мицкоски, кој кажа дека очекува убедлива победа во недела.

Со одделни кандидати ќе настапат и опозициските партии СДСМ и ДУИ. Кандидатот за градоначалник на СДСМ, Јовица Радевски на синоќешниот митинг во Брвеница вети нов инфраструктурен развој и економски раст за општината. Партискиот лидер Филипче, пак, со поддршка и порака до Мицкоски и власта дека време е за промени, а СДСМ, како што рече е неуништлив.

Во кампањата и кандидатите Јакуп Хусеини од ВРЕДИ и Аркин Јахији од Националната алијанса за интеграција пред жителите на Брвеница ветија проекти за развој на општината, поддршка за младите и за локалната економија.

Со сопствени програми, приоритети и визија за Брвеница настапија и двајцата независни кандидати Душан Богдановски и Арифе Идризи. Поради поголемиот број кандидати проценките се дека можен е и втор круг гласање кој треба да се одржи за две недели, на 1 ноември.

Според заклучениот избирачки список на Државната изборна комисија, право на глас имаат вкупно 16.256 запишани избирачи, кои ќе гласааат на 24 избирачки места..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

По синоќешната двочасовна дебата произлезе заклучок, кој со ништо не упатува на промена на пристапот кон земјите кандидатки.

„Европскиот совет го зема предвид Соопштението на Комисијата за „Подготовка за поширока Унија“ и го повикува Советот да ги анализира сите насоки и, врз основа на оваа анализа, да продолжи со работата.“ , се вели во заклучоците на Европскиот Совет.

Најавена полноќна прес-конференција беше откажана. Најјасен беше белгискиот премиер кој појасни дека практично и немало што да се каже.

-Постојат разлики на маса за проширувањето. Позицијата на мојата земја е прилично едноставна, пристап заснован на заслуги. Единствено достигнавме ниво на „прелистување“. Многу, многу сме далеку од финална одлука. , изјави Барт де Вевер, премиер на Белгија

Најсвеж пример дека дел од земјите – членки во моментов не се подготвени да ги тргнат настрана билтералните прашања, како што предвидува и самиот документ, е Хрватска, која сега практично ја спушта рампата на амбициите на Подгорица наскоро да ги заокружи преговорите, потег кој може да го загрози целиот процес на проширување, со оглед дека Црна Гора веќе беше видена како 28-ма земја членка. Премиерот Пленковиќ се пофали дека успеал значително да ги смени заклучоците за Црна Гора, а во кои сега се вели:

„Советот ја нотира намерата на ирското претседателство со Советот да работи на привремено затворање на преостанатите преговарачки поглавја, а на место довчерашната формулација (до крајот на годината), сега е вметнат терминот„под услов Црна Гора да ги спроведе соодветните реформи“.

-Ги изменивме на наша иницијатива заклучоците, кои испратија една реална порака, порака до колегите од Црна Гора. Повеќе пати во изминатите години ги претставивме очекувањата, која треба да се решат и ги решаваме онака како што треба да се решат и сигурен сум дека соседите не разбраа. , изјави Андреј Пленковиќ, премиер на Хрватска.

Пленковиќ вчера и испорача список од осум услови на Црна Гора, кои во најголем дел се однесуваат на спорови наследени од војните во 90-тите, како имотни прашања, обесштетување на жртвите и истраги за воени злосторства. Пленковиќ вчера вчера изјави дека Хрватска досега била толерантна кон Црна Гора, за разлика од на пример Грција и Бугарија кон Македонија, за кои рече дека ѝ одзеле 21 година на патот кон ЕУ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.