Малпас: Кризата во учењето бара нов пристап - Канал 5

Живот

Малпас: Кризата во учењето бара нов пристап

За повеќето деца, десеттиот роденден е возбудлив момент. Тие сознаваат повеќе за светот и ги прошируваат хоризонтите. 

Малпас: Кризата во учењето бара нов пристап

Но, многу деца – повеќе од половина од сите 10-годишни во земјите со низок и среден приход – не знаат да читаат и разберат едноставна приказна. Се наоѓаме во центарот на глобална криза во учењето која ги задушува можностите и аспирациите на стотици милиони деца. Тоа е неприфатливо.

Во октомври ги објавивме податоците за да ја поддржиме новата цел во учењето: до 2030 година, сакаме да го намалиме, барем за половина, глобалното ниво на сиромаштија во учењето.

Особено важна вештина е да се научи читање: тоа отвара многу можности и претставува основа врз која се гради останатото учење – вклучително броењето и науката. Елиминирање на сиромаштијата во учењето – дефинирана како процент на деца кои не знаат да читаат и разберат едноставна приказна до 10-годишна возраст – е итна состојба. Тоа е клучно за елиминирање на сиромаштијата генерално и поттикнување на заедничкиот (споделениот?) просперитет. Тоа е клучно за да се помогне децата да го постигнат својот потенцијал.

Но, во последните години, прогресот во намалување на сиромаштијата во учењето стагнира. Глобално, помеѓу 2000 и 2017 година, подобрувањата на резултатите од учењето за учениците од основно образование изнесуваше само 10 проценти. Ако тоа темпо продолжи, 43 проценти од 10-годишните деца нема да бидат во можност да читаат до 2030 година.

Во Македонија, неодамнешните резултати од Програмата за меѓународно оценување на учениците (ПИСА), што ја мерат способноста на 15-годишните ученици да го користат нивното знаење во читање, математика и наука, како и вештини потребни да се соочат со предизвиците во реалниот живот, покажуваат дека земјата значително ги подобрила резултатите во сите три предмети. На пример, резултатите по читање се подобрени за 41 ПИСА бодови, што е еднакво на една година школување. Сепак, во Македонија речиси половина од студентите не се во состојба да ги покажат основните компетенции потребни за читање, математика и наука споредено со просекот од еден на тројца студенти од земјите од регионот на Европа и Централна Азија.

Најголемите јазови остануваат помеѓу групите со најголем и најмал приход, т.е. учениците од пониската приходна група заостануваат за 90 ПИСА бодови, што е еднакво на две години школување.

Добрата вест е, децата кои ќе наполнат 10 години во 2030 година ќе бидат родени следната година. Ако итно делуваме, постои можност да се намали тој тренд.

Целта која ја поставивме е амбициозна, но може да се постигне – и би требало да ја поттикне акцијата кон постигнување на (одржливата развојна цел број 4) СДГ4 – обезбедување квалитетно образование за сите. Ќе биде потребно речиси тројно да се зголеми стапката на прогрес ширум светот, што може да се направи доколку секоја земја може да го мери резултатот со земјите кои постигнаа најголем прогрес во периодот 2000 и 2015 година.

Примерот на неколку земји покажува дека тоа е возможно. Во Кенија, националната програма за читање на Владата за три пати го зголеми процентот за читање на учениците од второ одделение на соодветно ниво. Тоа беше остварено преку технологија за обука на наставници, упатства за наставници и испорака на една книга по дете.

Во Виетнам, чистата, ефективна наставна програма гарантира дека се опфатени основните работи, дека има темелно учење на основните вештини и сите деца имаат материјали за читање. Резултатите од учењето на виетнамските ученици до најсиромашните 40 проценти од приходната скала, се високи или повисоки од просечен ученик во земјите со висок приход.

Предизвиците за намалување на сиромаштијата во учењето ќе се разликуваат помеѓу земјите и регионите. Во некои земји, пристапот до образование останува огромен проблем – 258 милиони млади луѓе глобално беа надвор од училиште во 2018 година. Во други земји, учениците се во училници, но не учат. Со одредување на глобална цел, Светска банка може да работи заедно со земјите во дефинирање на нивните национални цели на образование. Намалувањето на сиромаштијата во учењето на половина до 2030 година претставува само половина од целта. Нашата амбиција е да работиме со владите и развојните партнери да достигнеме нула сиромаштија во учењето.

Како најголем финансиер на образованието во земјите со низок и среден приход, Светска банка ќе работи со земјите во промовирање на вештината на читање во основните училишта. Политиките вклучуваат обезбедување детални водичи и практична обука на наставниците, обезбедувајќи пристап до повеќе и подобри текстови прифатливи за возраста и настава за учениците на јазик кој го користат дома.

Светска банка, исто така, работи со владите и развојните партнери во подобрување на севкупните образовни системи, така што напредокот на писменоста може да биде одржлив и зголемен. Тоа значи да се обезбеди дека децата доаѓаат во училиште подготвени и мотивирани да учат; наставниците се ефективни и ценети, и имаат пристап до технологија; училниците обезбедуваат простор добро опремен за учење; училиштата се безбедни и инклузивни; и образовните системи се добро управувани.

Амбициозната агенда за мерење и истражување ги поддржува овие напори и вклучува мерење на резултатите од учењето и нивните двигатели, континуирано истражување и иновации и паметна употреба на нови технологии за тоа како да се изградат основни вештини.

Кризата во учење не само што го троши потенцијалот на децата, туку штети на целата економија. Тоа негативно ќе влијае врз идната работна сила и економската конкурентност – како што покажува Индексот за човечки капитал на Светска банка, дека на глобално ниво, продуктивноста на просечното дете родено денес се очекува да биде само 56 проценти од она што би било доколку земјите инвестираат доволно во здравството и образованието .

Елиминирање на сиромаштијата во учењето мора да биде приоритет, исто како ставањето крај на гладот и екстремната сиромаштија. Нема да биде лесно, но не можеме да се повлечеме од овој предизвик. Тоа го должиме на децата низ целиот свет, да ја поставиме нашата цел високо, за да можат и тие истото да го направат.

Дејвид Малпас, претседател на Групацијата Светска банка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Тинејџерка среде погреб стана од мртовечкиот ковчег пред шокираното семејство (ВИДЕО)

Во Гватемала, 15-годишно девојче за кое се верува дека е мртво ги шокираше семејството и пријателите кога се разбуди во ковчегот на сопствениот погреб. 

Тинејџерка среде погреб стана од мртовечкиот ковчег пред шокираното семејство (ВИДЕО)

Видеото од тој момент стана вирално, а „Њујорк пост“ пишува за неверојатниот настан.

Таа беше прогласена за мртва од нејзиниот татко

Сè започна минатата сабота наутро, кога тинејџерката Јулеиди Икскотоак се онесвести додека нејзиниот татко Абрахам ја возел во медицинскиот центар. Таткото, евангелистички пастор, го запре автомобилот и го провери нејзиниот пулс и дишење. Бидејќи не почувствува витални знаци, ја прогласи за мртва на самото место.

„Таа едноставно престана да постои, почина на пат“, изјави Икскотоак за локалните медиуми. „Видов дека повеќе не дише и не можев да го почувствувам нејзиниот пулс на зглобовите. Ситуацијата беше многу тешка за мене. Не стигна до болницата.“

Будење среде погребот

Смртта никогаш не беше официјално потврдена од лекар, ниту беше издадена смртна потврда. Семејството, следејќи го локалниот обичај за брз погреб, веднаш купило ковчег. Погребот се одржа во семејниот дом во руралното село Ел Џокот само осум часа откако девојчето се онесвестило.

Видеото од погребот покажува луѓе собрани околу дрвен ковчег. Мајката на Јулеиди, Лесвија Риос, се наведна над ковчегот и ја забележа нејзината ќерка како се движи. „Постојано велев дека е жива, не е мртва“, рече мајката. „Додека плачев над нејзиниот ковчег, го отворивме малото прозорче и таа се движеше. Се будеше и одеднаш седна.“

На чудење на присутните, тинејџерката се исправи во ковчегот и почна да зборува. Семејството ѝ помогна да излезе и ѝ даде чаша вода, а тагата се претвори во прослава со извици „алелуја“.

Закрепнување и поделени реакции

Јулејди се сети на моментите пред да ја изгуби свеста. „Срцето почна многу да ме боли, се чувствував тешко, а потоа паднав, како да сум се онесвестила“, рече таа. 15-годишната девојка сега се опоравува дома, е свесна и вели дека „му благодари на Бога“ што е жива.

Видеото од настанот се прошири на социјалните мрежи и предизвика стотици коментари. Додека многумина зборуваат за „чудо“, други изразуваат загриженост дека девојката веројатно е трауматизирана.

Некои се обидоа да направат шега од целата ситуација. „Потсетник за иднината - не паѓајте во несвест во Гватемала“, напиша еден корисник. Други беа изненадени од брзината со која беше организиран погребот: „Колку брзо успеаја да ја стават во ковчегот?!“. Имаше и коментари како: „Затоа сакам кремација, за секој случај да не се разбудам под земја“ и „Моментот кога ирационалните стравови повеќе не се ирационални“.

Здравствените власти во Гватемала сè уште не го коментираа инцидентот.

Тагови: погреб тинејџерка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Му ги запалиле роговите и му ги пресекле гласните жици за да не испушта крици- Полворин го преживеал „toro embolado“ (ВИДЕО)

Спасен бик, одгледуван исклучиво за борба со бикови, е жив доказ дека секое животно заслужува сочувство, а не суровост. 

Му ги запалиле роговите и му ги пресекле гласните жици за да не испушта крици- Полворин го преживеал „toro embolado“ (ВИДЕО)

Приказната, која ја сподели Лук Барит, директор на кампањата во Network for Animals, е за бик кој одамна требало да биде мртов. Бикот се вика Полворин и е „toro embolado ', шпанска раса за борба со бикови одгледувана за индустријата во која биковите се провоцираат, исцрпуваат, рануваат и убиваат пред разбеснетата толпа. Најмалку 7.000 бикови се убиваат во Шпанија секоја година за време на традиционалните борби со бикови и фестивали. Полворин речиси стана еден од биковите што не ја преживеале традицијата. На локалниот фестивал „торо емболадо“ (бик со оган) во Мединасели, Шпанија, роговите на бикот се палат: топки од запалив материјал се прицврстуваат на роговите.

Со пламен што пламти само на неколку сантиметри од нивните очи и жешки парчиња што паѓаат врз нивните тела, биковите трчаат во паника, гонети од толпа што вреска и се смее на нивниот страв. Полворин беше предодреден за истата судбина: беше принуден да трча сè додека не се сруши од исцрпеност. Доби тешки изгореници на грбот и го изгуби видот на едното око. Неговите мачители му ги пресекоа гласните жици за никој да не може да ги чуе неговите вресоци, а кога заврши фестивалот, тој не беше поштеден, туку беше предодреден за колење.

Но, приказната на Полворин не заврши трагично. Бикот беше спасен и однесен во засолништето „Ла Кандела“ во Андалузија, со кое соработува Мрежата за животни. И за прв пат во неговиот живот, никој не се обиде да му наштети на Полворин. Кога волонтерите го посетија Полворин, тие стоеја само неколку метри од неговото огромно тело од 850 килограми. Никој не чувствуваше страв, дури ни Барит, директорот на кампањата, кој го гледаше бикот како полека оди низ оградениот простор - смирен и љубопитен, повеќе заинтересиран за храна отколку за луѓе. Полворин беше она што навистина е: нежен џин, жив, безбеден и конечно слободен да ужива во сонцето, тревата и мирот што суровоста и колењето се обидоа да му ги одземат.

На Полворин му беше дадена втора шанса за живот, шанса што многу малку бикови ја добиваат во индустријата за борби со бикови. Но, спасувањето не е само момент, туку ветување што мора да се одржува секој ден. Организацијата „Мрежа за животни“ сака Полворин да ја добие потребната грижа до крајот на животот: големи количини храна, специјализирана ветеринарна грижа и цврста и добро одржувана безбедносна ограда.

Поради овие трошоци, линијата никогаш не се повлекува и помошта во форма на донации од сите добротвори, и организации и богати поединци, е секогаш добредојдена.

Полворин веќе заборави дека бил жртва на индустријата за борби со бикови. Никогаш не смееме да го заборавиме ова: затоа организацијата Мрежа за животни одлучи да стави крај на тортурата врз биковите, а на 14 ноември, од 18:00 часот, Плаза Мајор во Мединасели, во шпанската покраина Сорија, ќе стане почетна точка на борбата и ќе започне меѓународна кампања на социјалните мрежи за да се стави крај на страдањето на биковите што горат поради оваа сурова традиција.

Тагови: рогови

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Не се намалува поддршката за крајната десница во Франција- Марин ле Пен во голема предност во првиот круг претседателски избори

Лидерката на француската крајнодесничарска партија Национален митинг, Марин Ле Пен и натаму има убедлива предност во првиот круг од претседателските избори што ќе се одржат следната година.

Не се намалува поддршката за крајната десница во Франција- Марин ле Пен во голема предност во првиот круг претседателски избори

Лидерката на француската крајнодесничарска партија Национален митинг, Марин Ле Пен и натаму има убедлива предност во првиот круг од претседателските избори што ќе се одржат следната година, а во вториот круг би ѝ се придружил и лидерот на левицата Жан-Лук Меланшон, според најновата анкета, пренесува денеска Bfmtv.

Антисемитските изјави што му се припишуваат на Жордан Бардела, сепак, не ја запреа динамиката на партијата Национален собир, покажува истражувањето на агенцијата „Толуна Харис интерактив“ за М6 и РТЛ.

Според резултатите од истражувањето, меѓу 35 и 37 отсто од француските гласачи би гласале за кандидатот на Националното собрание, според пет сценарија тестирани од агенцијата за испитување на јавното мислење.

Во сите варијанти, лидерот на Неосвоена Франција, Жан-Лук Меланшон, би ѝ се придружил во вториот круг од изборите, освојувајќи меѓу 18 и 19 отсто од гласовите.

Тој на тој начин би го надминал Едуард Филип од централно-десничарската партија Хоризонти, кој би добил меѓу 13 отсто, доколку Габриел Атал исто така бил кандидат, и 17 отсто од гласовите, доколку центристичкиот блок има само еден кандидат.

Атал, лидерот на партијата Ренесанса, би освоил меѓу 5 и 12 отсто од гласовите.

Рафаел Глуксман, неодамна назначениот социјалдемократски кандидат, се предвидува дека ќе освои меѓу 10 и 11 отсто од гласовите. Од друга страна, се проценува дека лидерот на централно-десничарската Републиканска партија Бруно Ретахо би освоил меѓу 7 и 10 отсто од гласовите.

Ова истражување, исто така, покажува дека откритијата на Медиапарт во врска со антисемитските изјави кои му се припишуваат на Жордан Бардела од неговата младост не му наштетиле на Националното собрание, но донекаде го нарушиле неговиот имиџ во споредба со оној на Марин Ле Пен.

Додека претходните истражувања покажаа дека нема разлика во перцепцијата на јавноста кога станува збор за овие двајца партиски лидери, се чини дека Жордан Бардела сега изгуби дел од довербата, па Марин Ле Пен изгледа поубедлива отколку што беше минатиот јули.

Имено, 51 отсто од Французите сметаат дека Марин Ле Пен би била добар претседател, што е зголемување за 6 процентни поени во однос на почетокот на летото, додека 47 отсто од нив имаат исто мислење за Жордан Бардела.

Тагови: Марин Ле Пен Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер