Максим Димитриевски тврди дека нема разговори за смена на ресорот правда со земјоделие - Канал 5

Македонија

Максим Димитриевски тврди дека нема разговори за смена на ресорот правда со земјоделие

Сѐ поизвесно, реконструкцијата на Владата ќе биде поголема од една третина од министрите во кабинетот на Мицкоски... 

Максим Димитриевски тврди дека нема разговори за смена на ресорот правда со земјоделие

Лидерот на ЗНАМ, Максим Димитриевски во присуство на двајцата министри Минчев и Филков не откри повеќе детали околу преговорите со премиерот Мицкоски за владината реконструкција и повтори дека сите опции се маса. Димитриевски кажа дека е задоволен од работата на двајцата министри на ЗНАМ, но остави отворена опција и за можни рокади на ресори, без да ги потврди шпекулациите дека ги бара министерството за внатрешни, одбрана или финансии, во случај да треба да се откажат од Правда. Сепак, Димитриевски тврди дека министерството за земјоделство досега не е на маса во преговорите со Мицкоски, ресор кој, според досегашните брифинзи од владејачките партии, веќе е ветен на Вреди.

-Се уште нема такви предлози на маса така да не би сакал да шпекулирам. / Не би сакал да ги коментирам шпекулациите во јавноста, постојат многу медиуми коишто брифираат врз база на принципот „рекла-казала“ и не би сакал да се спуштам на тоа ниво. Првенствено во тој дел сите активности се менаџирани од премиерот и мандатарот кој има апсолутно свое право да посочи и укаже, да направи свои комбинаторики во делот на распределба на власта меѓу владините партнери, а наше е дали ќе се согласиме или не, изјави Димитриевски.

И додека Димитриевски демантира дека за земјоделие воопшто е разговарано, во јавноста како нов минстер веќе се споменува името на Борче Серафимовски од ЗНАМ, кој во моментов ја извршува функцијата државен секретар во истиот ресор.

Инаку, според информациите од досегашнито тек на разговорите, најмалку 6 министри, ќе ги напуштат функциите во претстојната реконструкција на Владата. Според информациите на Канал 5 , покрај во правда Мицкоски ќе направи промени во ресорите, здравсто, култура, спорт, односи меѓу заедниците, социјална политика и земјоделие, но не се исклучуваат и други.

Политичкиот аналитичар Петар Арсовски смета дека допрва ќе се види кадровскиот потенцијал на реконструираниот владин тим, но не верува дека евентуалните разлики меѓу владини партнери околу министерските места и ресори можат да предизвикаат посериозна дестабилизација на „Илинденска“.

-Во смисла на политичка оптика мислам дека реконструкцијата ќе биде малку поголема односно дека ќе оди со гласање на цела Влада во Собранието. Тоа што го видовме во медиумите за најавите за рокади и промени упатуваат на тоа дека нема да биде проста замена на министри. А какви ќе бидат новите, кој ќе седнат и дали ќе испорачаат тоа допрва ќе видиме. Мислам дека на крајот ќе се помират, не верувам дека владината коалиција е во фаза во која сака да ја растура прикаската и владината коалиција за едно министерстко место. На крај мислам дека ќе најдат заедничко решение бидејќи сепак се работи за кадровска промена, а не проблем во идеологија, изјави Арсовски.

Арсовски смета дека владината реконструција не може да биде вовед ниту контекст за предвремени избори, ако тие како опција се споменуваат дури за следната година.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руски државјанин прегази пешаци во Франција,еден загинат, десет повредени

Едно лице загина, а десет други се повредени синоќа во францускиот град Кан, откако возач намерно со автомобил удри во пешаци пред железничката станица. 

Видео: Руски државјанин прегази пешаци во Франција,еден загинат, десет повредени

Локалните власти го потврдија инцидентот во северна Франција, пренесува Ројтерс.

„Последиците се тешки. Имаме еден загинат; седум лица се во критична состојба, а тројца се сериозно повредени, но не им е загрозен животот“, изјави за новинарите Давид Клавиер, префект на департманот Калвадос.

Префектот потврди дека возачот бил уапсен кратко по нападот. Според достапните информации, мажот е роден во Русија и претходно не им бил познат на разузнавачките служби. Мотивите на напаѓачот засега остануваат непознати.

Во тек е полициска истрага која опфаќа детална анализа на снимките од безбедносните камери.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД ѝ продаваат ракети на Јужна Кореја. Пјонгјанг најавува силен одговор

Северна Кореја ја осуди одлуката на САД да ѝ продадат ракети на Јужна Кореја и најави силен и итен одговор на непријателските потези на Вашингтон. 

САД ѝ продаваат ракети на Јужна Кореја. Пјонгјанг најавува силен одговор

Овие пораки беа пренесени од севернокорејската државна агенција KCNA, пренесува Ројтерс. Оваа реакција од Пјонгјанг доаѓа во момент кога американскиот претседател Доналд Трамп повторно го повикува севернокорејскиот лидер Ким Џонг Ун на средба.

Трамп претходно овој месец изјави дека Ким одговорил на неговиот предлог, но аналитичарите велат дека официјален Пјонгјанг не покажува голем интерес за продолжување на разговорите.

„Уште еднаш се уверивме во отворено непријателскиот став на САД кон ДПРК“, се вели во изјавата на портпаролот на министерството, објавена од агенцијата KCNA. ДПРК е кратенка за Демократска Народна Република Кореја, официјалното име на Северна Кореја.

Реакцијата се однесува на одлуката на Стејт департментот на САД за можна продажба на тактички ракети „AIM-9X Sidewinder“ и придружна опрема на Јужна Кореја.

Пјонгјанг ја смета оваа зделка, вредна 125 милиони долари (107,25 милиони евра), за нова закана по својата безбедност. Северна Кореја, исто така, упати критики кон планот на САД за финансирање на документирањето на состојбата со човековите права и собирањето информации за земјата.

Тие тврдат дека тоа е дел од кампања насочена кон дестабилизација на нивниот општествен систем.

Портпаролот истакна дека оваа година Вашингтон веќе одобрил продажба на различни системи за вооружување на Јужна Кореја, како што се напредни тактички ракети, поморски и борбени хеликоптери, како и прецизни бомби. Тој додаде дека со тоа САД го охрабруваат Сеул да ги зајакне своите борбени капацитети.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

Многу претстави и гостувања во новата театарска сезона на Битолскиот театар

Со богат и разновиден репертоар, Народен театар Битола ја отвора новата театарска сезона во септември.

Многу претстави и гостувања во новата театарска сезона на Битолскиот театар

Публиката ја очекуваат претстави што екипата на Народен театар Битола ги создаде со љубов, претстави што веќе бројните посетители ги познаваат и сакаат, но и нови сценски приказни кои допрва ќе ги откриваме заедно.

Септември носи многу театар, многу приказни и многу причини повторно да се сретнеме во Битолски театар. Оваа сезона повторно ја создаваат за нивната верна публика, без која театарот не постои. На сцената нè очекуваат „Едмонд“, „Госпоѓа Бовари“, „Странецот“, „Унна“ - гостување на Ѕвездара театар од Белград,Србија, „Ричард III“, „Пламенка“, „Пинокио“, „Жиголо“, „На отворено море“, „Кориолан“ и „Секстет“.

Септември во НУ Народен театар Битола носи нови средби, големи приказни, врвна актерска игра и претстави како и гостувања што остануваат долго по последниот аплауз. Па така на 10 септември во Битола гостува „Ѕвездара театар“ од Белград со претставата „Унна“,а на 11 септември „Едмонд“ ќе биде изведена во рамките на ФКТ „Ристо Шишков“ во Струмица. На 18. септември „Пинокио“ гостува во ТФД „Силјан Штркот“ во Прилеп, а на 25 септември е предвидено гостување со „Кориолан“ на „Magical Nights in Bitrint“ во Саранда, Албанија.

Нека започне новата театарска приказна.

Ве очекуваме во Народен театар Битола.

Билетите можете да ги набавите онлајн, на следниот линк:👇

https://narodenteatarbitola.com/buy-tickets-repertoire/

Репертоар:

„ЕДМОНД“

Дејвид Мемет

Режија: Оливер Мицевски

3 септември, 20:00 ч.

4 септември, 20:00 ч.

11 септември, 19:30 ч. – ФКТ „Ристо Шишков“, Струмица

„ГОСПОЃА БОВАРИ“

Густав Флобер

Режија: Дејан Пројковски

7 септември, 20:00 ч.

9 септември, 20:00 ч.

„СТРАНЕЦОТ“

Адаптација и режија: Дамјан Читкушев

10 септември, 18:00 ч.

„РИЧАРД III“

Вилијам Шекспир

Режија: Мартин Мирчевски

12 септември, 20:00 ч.

„ПЛАМЕНКА„

Петре Димовски

Режија: Софија Ристевска Петрушева

14 септември, 20:00 ч.

21 септември, 20:00 ч.

„ПИНОКИО“

Карло Колоди

Режија: Деан Дамјановски

15 септември, 11:00 ч.

16 септември, 11:00 ч.

18 септември, 12:00 ч.ТФД.„Силјан Штркот“ Прилеп

„ЖИГОЛО“

Игор Кузмановски

Режија: Благој Мицевски

17 септември, 20:00 ч.

„НА ОТВОРЕНО МОРЕ“

Славомир Мрожек

Режија: Благој Мицевски

22 септември, 20:00 ч.

„СЕКСТЕТ“

Марк Камолети

Режија: Марјан Георгиевски

29 септември, 20:00 ч.

30 септември, 20:00 ч.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер