Макрон потврди дека Франција ќе ја признае Палестина како држава, Израел и Хамас веднаш реагираа - Канал 5

Свет

Макрон потврди дека Франција ќе ја признае Палестина како држава, Израел и Хамас веднаш реагираа

Верен на својата историска посветеност на праведен и траен мир на Блискиот исток, одлучив Франција да ја признае државата Палестина – вака преку социјалните мрежи, францускиот претседател Макрон ја соопшти одлуката.

Макрон потврди дека Франција ќе ја признае Палестина како држава, Израел и Хамас веднаш реагираа

Верен на својата историска посветеност на праведен и траен мир на Блискиот исток, одлучив Франција да ја признае државата Палестина – вака преку социјалните мрежи, францускиот претседател Макрон ја соопшти одлуката која многумина ја оценија како историска.

Во писмо кое го испратил до претседателот на Палестинската управа Махмуд Абас, Макрон открива и дека намерата е признавањето да се случи во септември на седницата на генералното собрание на Обединеите нации. Во објавата Макрон наведува дека мировно решение е можно и дека нема друга алтернатива. Наша одговорност како француски граѓани, покрај израелците, палестинците, нашите европски и меѓународни партнери е да докажеме дека мирот е возможен – пишува Макрон. Францускиот претседател одлукта практично ја соопшти уште пред две недели по средбата со британскиот премиер Стармер.

-Верувам во иднината на решение за две држави врз основа на регионалната безбедносна архитектура која би му дозволила на Израел да живее во мир и безбедност со своите соседи. Верувам во потребата да се здружат силите во Париз, Лондон и насекаде, да се признае држава на Палестинците и да се иницира оваа политичка динамика која е единствена што има перспектива за мир,- - Емануел Макрон – Претседател на Франција .

Веднаш по соопштувањето на одлуката, експресна и силна осуда стигна од американскиот државен секретар Марко Рубио, кој преку социјалните мрежи потегот на Макрон го нарече неодговорен и штетен.

Ова е шлаканица на жртвите од 7 октомври – напиша Рубио на Икс.

До сега од западно европските држави, само Шпанија и Ирска ја имаат признаено Палестина како држава, па оттаму дел од политичките аналитичари сметаат дека ова признавање по Франција, може да го следат голем број на држави...

-Гледате се повеќе држави како Франција кои беа силни поддржувачи на Израел, а станаа се повеќе критични кон израелците. Ова создава и мал моментум и имаше многу лобирање од французите да не бидат единствените или последните кои би ја признале Палестина за држава, туку да ги поттикнат и другите држави и прва во ред би можела да биде Обединето Кралство,- - Кетеван Горџестани – Политичка аналитичарка.

Палестина досега е признаена како држава од 147 земјите или нешто над 75 проценти од вкупниот број на членки во Обединетите Нации, но има статус само на набљудувач од 2012 година, поради противењето на САД и Велика Британија.. Објавата на Макрон инаку, доаѓа во период кога се погласни се реакциите за состојбата на цивилното население во Газа кое се соочува со глад. Хуманитарните услови во енклавата контиунирано се влошуваат, а од Обединетите нации предупредија дека едно од пет деца во Газа е неухрането.

Тагови: Емануел Макрон Палестина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и многу топло, попладне услови за изолирана појава на нестабилност

Од Управата за хидрометеоролошки работи информираат дека времето денеска ќе биде сончево и топло со мала до умерена локална облачност.

Сончево и многу топло, попладне услови за изолирана појава на нестабилност

Ќе дува слаб до умерен ветер од северен правец. Попладне ќе има услови за изолирана појава на нестабилност со пороен дожд и грмежи. Минималната температура ќе биде во интервал од 10 до 21, а максималната ќе достигне од 32 до 39 Целзиусови степени.

Во Скопје, исто така, сончево време со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи. Минималната температура ќе се спушти до 18, а максималната ќе достигне до 37 степени.

И во следните денови времето ќе биде сончево и топло со мала до умерена облачност. Во попладневните часови ќе има услови за локална појава на нестабилност со пороен дожд, грмежи и засилен ветер. Особено топло ќе биде во петок и за време на викендот кога температурите секаде ќе бидат над 32 степена.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 15. јули 2026 година

Дневен хороскоп за среда, 15. јули 2026 година. 

Дневен хороскоп за 15. јули 2026 година

Рак 22.6-22.7.

Љубов

Ќе бидете малку поопуштени и пријателски расположени , па ќе се отворите и ќе си го подобрите односот со саканата личност.

Кариера

Вашата работа ќе се развива на најдобар множен начин. Денеска анализирате и некои свои заслуги.

Здравје и совет

Игнорирајте ги провокаторите.

Лав 23.7-22.8.

Љубов

Ќе имате доверба во луѓето и на многумина ќе им дозволите да ви се приближат. За осамените ќе има одлични шанси.

Кариера

Не се двоумете околу сигурноста на вашата работа , но би сакале нешто да смените. Има простор за подобрување.

Здравје и совет

Не чепкајте таму каде што не треба.

Девица 23.8.-23.9.

Љубов

Ќе се засили умереноста кон она што не е видливо. Ќе читате меѓу редови и тука ќе ги наоѓате одговортие на вашите љубовни дилеми.

Кариера

Мало надмудрување со шефовите би можело да даде резултати, не ќе ви ги исцрпи нервите.

Здравје и совет

Опуштете се со она што го сакате.

Вага 24.9.-23.10

Љубов

Љубовните настани на работното место продолжуваат и денеска.Ако уште сте сами , отворете ги добро очите.

Кариера

Многумина ќе го следат вашиот пример зашто ќе препознаат дека вие сте се поставиле најадобро и знаете што работите.

Здравје и совет

Бидете она што сте.

Шкорпија 24.10-22.11.

Љубов

Ако се обидете да објасните нешто шта на вас ви е сосема јасно , нема да успеете , зашто другата страна мора да биде отоврена за такви измени. Добро ви оди и вака.

Кариера

Ќе посакате денеска да прекинете со една соработка , но првин размислете дали тоа е воопшто потребно.

Здравје и совет

Избегнувајте луѓе што сакаат да направат сцена.

Стрелец 23.11.-21.12.

Љубов

Вашиот љубовен живот денеска ќе се развива над очекувањата. Мали недоразбирања се можни само околу вашите фалбаџиски изјави.

Кариера

Ќе продолжите да ги промовирате своите амбиции и планови. ДФругите ќе треба да ве слушаат , но не би бикло лошо понекогаш да биде и обратно.

Здравје и совет

Бидете пореални.

Јарец 22.12.-20.1.

Љубов

Вашите љубовни освојувања ќе продолжат пред публика или пријатели. Тоа ќе ви биде дополнителна мотивација.

Кариера

Може да се впуштите во речиси секоја работа , зашто и ѕвездите ќе го поддржуваат развојот на вашата кариера.

Здравје и совет

Помалку јадете , движете се повеќе.

Водолија 21.1.-19.2.

Љубов

Разиграност , веселба и дружба во добро расположение се на повидок. Ако сте веќе во врска , ќе се подобри.

Кариера

Лекомислено ќа ја сфаќате работата денеска .Ќе бидете повеќе подготвени за забава , отколку за работа.

Здравје и совет

Не си поигрувајте со луѓето.

Риби 20.2.- 20.3.

Љубов

И натаму останува дека треба да се дистанцирате и на мир да чекате да завршат овие денови неповолни за љубов.

Кариера

Со својата ангажираност ќе направите надредените да се посрамотат. Подобри сте од нив, но не мора да им го потенцирате.

Здравје и совет

Не ги земајте работите при срце.

Овен 21.3-20.4.

Љубов

Вашата зборливост ќе ви помогне да ги надминете празнините во личниот живот. Ќе разговарате што недостига во емотивните односи.

Кариера

Денеска ќе водите интензивна кореспонденција со колегите. На повидок се многу меилови , телефонски повизци и пораки.

Здравје и совет

Поработете на својата спретност.

Бик 21.4- 20.5.

Љубов

Колку и да се трудите , денеска нема да добиете емотивно исполнување какво што очекувавте. Треба едноставно да издржите.

Кариера

Не мачете се себеси и другите со вашите сомневања. Постојат правила што треба да ги следите во деловниот живот. Внимавајте на нив.

Здравје и совет

Прошетајте се на свеж воздух.

Близнаци 21.5.-21.6.

Љубов

Сеуште не сте сфатиле дека светот не се врти околу вас и дека треба да покажете способност за почит кон другите. така ќе бидете посреќни.

Кариера

Стравот што понекогаш го чувствувате е последица на вашето его. не е секогаш лесно да се работи со вас. Размислете.

Здравје и совет

Луѓето не се играчки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Вечерва во „Само вистина“ гостин ќе биде Гордан Георгиев

Вечерва во „Само вистина“ гостин ќе биде Гордан Георгиев

Вечерва во „Само вистина“ гостин ќе биде Гордан Георгиев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер