Фудбал

Македонските фудбалери го очекуваат противникот за мундијалскиот бараж

Најдобрата фудбалска репрезентација на Македонија е на само два чекора од нов историски пласман на едно големо натпреварување.

Црвено жолтите по премиерното учество на едно Еуро сега се многу блиску и до виза за најголемата смотра на фудбалот Светското првенство.

Фудбалската репрезентација на Македонија за прва пат во историјата ќе биде дел од еден бараж за пласман на Мундијалот.

Нашиот национален тим вечерва на ждепката во Цирих која стартува во 17 часот ќе го добија противникот за комплицираниот бараж.

Изабраниците на селекторот Благоја Милевски се меѓу 12 репрезентации кои ќе атакуваат на посакуваниот пласман на Мундијалот во Катар.

Според пропозициите 12 селекции во баражот ќе бидат поделени во две квалитативни групи, Македонија е во втората квалитативна група, а при ждрепката не може да добие противник од својата група.

Евентуални противници на Македонија од првата група се селекциите на Италија, Португалија, Русија, Шкотска, Шведска и Велс а во вториот барабан покрај нашиот национален состав се и репрезентациите на Австрија, Чешка, Полска, Турција и Украина .

Селекторот Милевски убеден е дека нашиот тим рамноправно може да се носи со сите противници но како ривали единствено не ги посакува великаните Италија и Португалија. .

При ждрепката ќе се формираат три групи од по 4 селекции и само победниците од групите ќе обезбедат виза за Шампионатот во Катар.

Поради познатите политички причини Русија и Украина во баражот не може да се најдат во иста група.

Бараж дуелите ќе се играат во март следната година, полуфиналето е на програмата на 24 а финалето ќе биде на 29 март. Во полуфиналето предноста на домашниот терен ќе биде на страната на подобро рангираните селекции, а финалето пак ќе се игра кај послабо рангираната селекција.

Свет

Американска сенаторка е уапсена под сомнение дека извршила кражба во куќа (ВИДЕО)

Сенаторката на американската сојузна држава Минесота,  Никол Мичел (49) од градот Вудбери е уапсена под сомнение за кражба, соопшти полицијата на округот Детроит Лејкс.

Диспечерите примиле повик околу 4:45 часот во понеделникот од сопственикот на куќата, кој пријавил „провална кражба во тек“, а полицијата пристигнала на местото и ја уапсила Мичел, пренесува ABC News.

Не е познато дали Мичел имала задржано адвокат, а таа е уапсена додека Сенатот е на одмор до вторник поради празникот Пасха.

Според ABC News, нејзиното апсење дојде во незгодно време за демократите во Сенатот, кои имаат предност од еден сенатор во однос на републиканците, така што нејзиното отсуство може да биде проблем во донесувањето на законите доколку недостига поддршка од двете партии.

Пред да биде избрана за сенатор во 2022 година, Мичел работела како метеоролог за Армијата на САД, како и за ТВ КСТП и Јавното радио на Минесота.

Таа сè уште има чин потполковник во Воздухопловната национална гарда и е командант на метеоролошката единица.

Маќеата на Мичел живее на истиот блок куќи во Детроит Лејкс, каде што била уапсена сенаторката, според ABC News.

Македонија

Агелер: Ништо нема да се постигне со негласање

Амбасадорката на Соединетите Американски Држави во Македонија Анџела Агелер на официјалниот фејсбук профил на Амбасадата упати порака до граѓаните да излезат на гласање и да гласаат за кандидат кој ги одразува нивните очекувања за иднината.

-Граѓаните и гласачите на оваа земја треба да поставуваат тешки прашања на кандидатите, а потоа тие гласачи... мора да гласаат. Тие мора да излезат таму и да го изберат кандидатот што ги одразува нивните соништа за иднината, и ништо нема да се постигне со негласање, стои во пораката на aмбасадорката Агелер.

Во земјава утре ќе се одржи првиот круг од Претседателските избори, на кои во трката за Вила Водно се седум кандидати. Вториот круг заедно со Парламентарните избори ќе се одржи на 8 мај.

Живот

Брачна двојка се пофалиле со патување од соништата, па добиле телефонска сметка од 134.000 евра

Рене Ремунд и неговата сопруга ќе го паметат своето патување во Швајцарија, не само по магичните и колоритни пејзажи, туку и по телефонската сметка што ја добиле при враќањето дома.

Сопружниците често патуваат, а тврдат дека секогаш го известуваат мобилниот оператор пред да ја напуштат земјата. Велат дека истото го направиле и овој пат.

Рене наведува дека истиот оператор го користи веќе 30 години.

„Отидовме во филијалата и го изготвивме планот за патување. Рекоа дека сме покриени. Што и да значи тоа, вие сте покриени“, изјави тој за локалните медиуми.

Сопружниците пристигнале во Швајцарија, посетувале различни локации и испраќале пораки/фотографии до пријателите и семејството за да се покажат.

Откако се вратиле на Флорида, каде што живеат, добиле телефонска сметка, пренесува ABC Action News.

На почетокот Рене мислел дека пишува 143 долари, но неколку дена подоцна ја открил вистинската сума. Компанијата му наплатила 143.000 долари, бидејќи користел 9,5 гигабајти во странство, односно за роаминг.

„Се јавив на операторот и му кажав што е проблемот. Ме ставија на чекање, а потоа ме известија дека сметката е добра. Што сакаш да кажеш под добра, прашав. Ми одговорија дека толку должам“, изјавил Рене.

Човекот ангажирал адвокат кој директно му пишал на претседателот на компанијата, но тврди дека не добил одговор. Потоа контактирале со медиумите.

Новинарите се јавиле кај операторот и го објасниле случајот, а Рене добил уште еден повик неколку дена подоцна.

„Тие рекоа дека ќе ја кредитираат целата сума и да не се грижам“, рече Рене, заблагодарувајќи им се на медиумите за помошта.

Мобилниот оператор испратил и официјално соопштение во кое се вели:

„Препорачуваме клиентите да ги проверуваат информациите додека патуваат, како што е меѓународниот роаминг на податоци. Ако сте на постар план кој не вклучува меѓународен роаминг, ќе треба да користите Авионски режим и Wi-Fi за да бидете сигурни дека вашиот уред не е поврзан на странска мрежа“.

притисни ентер