Живот

Македонски полжави се извезуваат и во услови на пандемија

Македонски полжави се извезуваат и во услови на пандемија, како лани, така и оваа година, иако количините на откупени полжави оваа пролет се помали споредено со претходните години.

Но, откупните цени се зголемени, за разлика од периоди пред коронавирусот. Оваа информација денеска за МИА ја потврди Васко Стевковски од Скопје, откупувач и извозник на ливадски полжави. Извозот е во Србија, Босна, Грција, кадешто се прават специјалитети од полжавите.

Тој информираше дека некогаш се откупувале и по околу илјада тони во државата за една сезона, од сите откупувачи, а сега околу 350 до 400 тони.

Инаку, во Тиквешко деновиве после дожд, можат да се сретнат лица од најразлична возраст кои собираат полжави, или пржајки, како што овде се нарекуваат. Ако продаваат на мало, цената е 30 денари за килограм. На големо, таа изнесува 40 денари. Може да се сретнат и цели семејства кои трагаат по полжави, дури и во градскиот парк во Кавадарци.

Во изјава за МИА, некои рекоа дека собираат полжави за дополнителен приход во домашниот буџет, а други, за да ги приготват и да уживаат во нивниот вкус.

Наместо да ја проколнуваат сиромаштијата, голем број тиквешани по дождот ги сретнавме како собираат полжави. Пешачеле како што ни кажаа и по неколку километри, за да ги наполнат вреќите и кофите. Мажи, жени и деца беа растрчани наоколу. Вреќата на рамото на едно момче изгледаше како да е потешка од него.

-По секој дожд, задолжително излегувам по пржајки. Има, како нема, само треба да ги бараш. Со парите од продажбата крпиме по некоја дупка, што се вели. Се мачиме, ама без мака ништо не бидува. Со кукање не се полни стомакот. Од лежење нема аир. Мора некако да се снаоѓаме, рече еден од оние кои редовно собираат полжави после дожд.

Има и такви полжавари што ги собираат за да ја збогатат семејната трпеза. Велат дека откриле дека месото од полжавите е вкусно и здраво, па ги собираат за да ги јадат. Ако соберат повеќе, ги чистат, ги замрзнуваат во фрижидер за подоцна на неколку пати да се гостат со нив. Ги приготвувале со ориз или ги консумирале варени па пржени или печени. Но, велат дека највкусно е кога од нив ќе се направат ќофтиња.

-Нема повкусно нешто од ќофтиња од мелено месо од полжави. Тоа ни е специјалитет на куќата и нема гостин што ни дошол, а да не бендисал, се пофали тиквешанец.

Искусните полжавари точно знаат каде се бавните животинки кои може да им донесат некој денар плус во домашниот буџет.

-Собирачите на полжави се пример кој ја потврдува старата мудрост дека природата никогаш не ги остава гладни трудољубивите, можете да слушнете во Тиквешко. /МИА

Македонија

Спасовски: Минимална пензија од 20.000 денари и просечна пензија од 30.000 денари

Носителот на листа на кандидати за пратеници од Изборна единица 2, предводена од СДСМ и Коалицијата за европска иднина, Оливер Спасовски, оствари средба со пензионерите од Куманово.

„Во спектарот на еднаквите можности за сите е и грижата за нашите највозрасни граѓани – пензионерите. Токму затоа, не се откажуваме! Продолжуваме со подобрување на животниот стандард на пензионерите. Во следниот мандат предвидуваме минимална пензија од 20.000 денари и просечна пензија од 30.000 денари. СДСМ и коалицијата “За европска иднина” продолжуваат да вложуваат на вистинскиот пат, патот кон Европа каде нашата земја ќе продолжи да се развива со нови работни места, повисоки плати, повисоки пензии и подобар животен стандард за сите”, истакна Спасовски, се наведува во партиското соопштение.

Свет

Маж се заканувал со експлозив во иранскиот конзулат во Париз, уапсен е

Париската полиција уапси маж кој претходно беше осомничен дека се заканувал дека ќе активира експлозив во иранскиот конзулат во Париз.

Француската телевизија БФМ претходно објави дека непознато лице влегло во конзулатот, како што претходно изјавиле очевидци.

Мажот наводно бил виден со експлозивна направа, граната и се заканувал со експлозив.

Мобилизирани се специјални сили, а од безбедносни причини сообраќајот во областа, како и на една линија на метрото е прекинат.

Македонија

Сајкоски од Битола: Платформата 1198 се обврзува на 150 милиони евра за домашното стопанство

Битола е на највисоко ниво на агендата што ќе ја предводи владата на ВМРО-ДПМНЕ во следниот период.

Битола ќе добие економски развој, Битола ќе добие нова инфраструктурна мрежа. За Битола се предвидени голем број на инвестиции.

Денеска бевме во посета на стопанствениците во Битола од кои што слушнавме и со кои што разговаравме за проблемите со кои што се соочуваат.

Ние како луѓе кои што ќе работиме во идната влада која што ќе ја предводи Македонија сакаме да им изразиме гаранција дека ќе приоѓаме кон секој нивни проблем, ќе работиме за решавање на секој нивен проблем.

Исто така заедно со градоначалникот укажавме на компаниите и на стопанствениците дека и локалната самоуправа стои на располагање на битолското стопанство.

Укажуваме дека идната влада предводена од ВМРО-ДПМНЕ ќе инвестира 150 милиони евра во стопанството.

Почитувани ова е начин да се помогне стопанството, да се помогне да не се иселуваат луѓето, да го подобриме квалитетот на живот, и да имаме подобар живот и во Битола и во цел наш регион, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5.

притисни ентер