Македонија со поддршка од трибините до триумф против Бугарија

Најдобрата фудбалска репрезентација на Македонија вечерва од 20-45 часот на арената Тодор Проески во Скопје ги завршува натпреварите во цегментот Ц од Лигата на нации. 

Последен противник на црвено жолтите е стариот долшжник селекцијата на Бугарија.

На синоќешната пресконференција селекторот Милевски најави дека неговите избраници вечерва размислуваат само на победа со која би покажале дека неуспеѓот во Тбилиси бил незаслужен. Нашиот предводник воедно истакна и дека вечерва на нашиот најголем стадион не е потребно влијанието на политиката туку дека треба да се размислува само спортстки. Милевски порача дека политиката да им се остави на политичарите а спортот на спортистите. Слично размислува и капитенот Енес барди.

-Да бидеме јасни, политиката е на страна, ние сме спортски работници и не интересира само тоа. Мора да најдеме начин да победиме на теренот. Нè интересира само спортскиот аспект. Цврсто сум убеден во мојот личен став и на федерацијата дека гледаме само на спортот. И јас ја повикувам публиката да биде фер и коректна“.Очекувам како и на секој натпревар да се потрудиме да победиме. Што ќе донесе играта ќе видиме. Момците се спремни да покажат дека незаслужено загубивме во Тбилиси.Имаме стратегија, тоа е создавање на тим кој ќе биде конкурентен во наредните 4-5 години. Здравствениот билтен ќе биде појасен по денешниот тренинг кој претстои. Што се однесува до теренот, тој не е во многу добра состојба. На мое барање стадионот триесет дена не се користеше. истакна Благоја Милевски - селектор на македонската А репрезентација:

Капитенот Барди на пресот пред вечерашниот дуел против Бугарија истакна дека тој и неговите соиграчи вечерва ќе докажат и покажат дека ресулатот против Грузија не бил вистинска слика на тоа што се случуваше на теренот.

„По поразот во Грузија со таква игра, беше тешко. Фудбалот се игра на резултат, не е добро кога ќе загубиш, ама одиме напред. Имаме уште една шанса, да покажеме дека тој резултат во Грузија не беше вистинска слика и со три бода можеме да извадиме позитивен момент.Ја знаеме сопствената цел, тоа е пласман на Европското првенство. Мора да чекаме, потребно им е време на младите да се адаптираат. Ние постарите имаме искуство, а останатите се под мала тензија. Потребна е поддршка, сметам дека сме добра генерација и ќе направиме големи работи“, заклучи Енис Барди - капитен на македонската А репрезентација:

Пред последното коло во групата 4 од сегментот Ц македонија е на втората позиција во групата со 7 бодови , Бугарија е трета со 6, убедливо на вврвот со 13 подоби е тимот на Грузија кој веќе обезбеди место во плејофот за пласман на Европскиот шампионат.

Поранешната сопруга на Илон Маск открива зошто два пати се мажела за него

Поранешната сопруга на Илон Маск, Талула Рајли, откри зошто одлучила да се омажи за шефот на Твитер не еднаш, туку двапати.

Британската актерка двапати се омажила за извршниот директор на Tesla и SpaceX. Првиот пат биле во брак од 2010 до 2012 година, а вториот пат од 2013 до 2016. Сега таа откри зошто двапати се омажила за Маск.

„Претпоставувам дека причината поради која повторно се венчавме беше само тоа што беше глупаво да бидеме заедно невенчани откако се венчавме. Знаете, тоа е како навика. Велевме: „Ова е мојот сопруг“ и „Ова е мојата сопруга“. „О, не, чекај, ние веќе не сме такви. Подобро да бидеме повторно такви. Беше глупаво да се каже „ова е моето момче“ откако се венчавме. Затоа повторно се венчавме“, рече таа во интервју за „Индипендент“.

Додека била во врска со деловниот магнат, Рајли се грижела за неговите пет деца од претходниот брак со Џастин Маск, рече таа. Сепак, таа инсистира дека тоа „не била традиционалната улога на домаќинка“.

„Мислам, имаше ракети и автомобили, и имаше работи што експлодираа... се случуваше многу - многу од тоа беше многу стимулативно. Нејзините и децата на Маск беа многу вклучени во она што се случува. Тоа беше групен напор. Семеен напор“, објаснува Рајли.

„Илон беше одличен. Ме помина низ сето тоа. Така што не бев заглавена во замок во Бел Ер како трофејна сопруга, што не би било забавно. Сведок сум на тоа кај други, се разбира. Но, за среќа , тоа не беше мојата судбина“, додаде таа.

Германците загрижени: Се зголемува бројот на млади, кои умираат од дрога

Бројот на млади луѓе кои починале поради консумирање дрога во Германија е повеќе од двојно зголемен од 2016 година, известува јавниот сервис НДР, повикувајќи се на сопствено истражување.

„Во Германија вкупно 131 лице помладо од 22 години починало како последица на консумирање дрога во 2021 година“, објави НДР по истражувањето спроведено во надлежните институции на германските сојузни покраини.

Три деца помлади од 13 години биле меѓу оние кои починале минатата година, а вкупниот број на смртни случаи по консумирање дрога се искачил на рекордни 1926 во 2021 година. Експертите моментално не ја знаат причината за наглото зголемување на жртвите на конзумирање дрога кај младите луѓе.

"Оваа бројка, иако не е официјална, покажува дека е потребна нова насока во борбата против зависноста. Зависноста од дрога повеќе не смее да биде табу тема. На зависниците им е потребна помош, а не исклучување од општеството", рече Буркхард Блиенрт, комесар на федералната влада..

Истрагата на НДР беше покрената по неколку смртни случаи на млади луѓе на нелегални рејв забави. Според искуствата на учесниците на овие забави, потрошувачката на дрога е зголемена во последните години, како и бројот на малолетни учесници на овие нелегални собири.

Истовремено, намален е степенот на подготвеност да им се помогне на лицата кои ќе се најдат во акутна опасност поради конзумирање на дрога. Така, смртта на 20-годишно момче на рејв забава во Келн е поврзана со тоа што никој од присутните долго време не сакал да повика брза помош.

Министерот за здравство Карл Лаутербах одбил да го коментира истражувањето на јавниот сервис НДР. Актуелната влада неодамна воведе реформа на законот за опојни средства со која ќе се легализира консумацијата на канабис. Владата сака да ја легализира потрошувачката на канабис со цел да се намали криминализацијата на потрошувачите и полесно да се контролира трговијата и употребата на марихуана.

Џулија Робертс со ретка фотографија од децата го одбележа нивниот 18. роденден

Близнаците Хејзел и Финеус наполнија 18 години.

Децата на Џулија Робертс се полнолетни, а нивната славна мајка го одбележа полнолетството со ретка фотографија со нејзините деца на Инстаграм.

„18. Ве сакам“, напиша таа покрај фотографијата од минатото на која едното бебе го држи во раце, додека другото седи на нејзиниот стол.

Актерката ги роди двете најстари деца во 2004 година, две години откако се омажи за Дени Модер. Три години подоцна пристигна синот Хенри. Робертс и нејзиниот 53-годишен партнер отсекогаш ја чувале својата приватност во своите четири ѕида и ретко давале јавни изјави за своите деца.

За да се посвети на воспитувањето на своите деца, Робертс направи 20-годишна пауза од актерството. Таа води мирен и нормален семеен живот и напорно работи за да одржува рамнотежа. Нејзините деца ѝ помагаат во домашните работи како што се местење на креветот и перење алишта затоа што, според актерката, тоа се важни животни вештини.

притисни ентер