Македонија

Македонија и Бугарија заеднички ќе го градот железничкиот тунел кој ќе ги поврзе

Македонија и Бугарија се договорија – со постоечкиот технички проект доставен од македонска страна, заедно ќе го градат прекуграничниот тунел помеѓу Деве Баир и Ѓуешево – дел од железничкиот коридор 8

Македонија и Бугарија се договорија – со постоечкиот технички проект доставен од македонска страна, заедно ќе го градат прекуграничниот тунел помеѓу Деве Баир и Ѓуешево – дел од железничкиот коридор 8, но пред тоа ќе се потпише и меѓувладин договор. Ова произлегло на вчерашниот состанок во Брисел меѓу двете земји, на кој една од главните теми била коридорот 8. Но пред да се стави потпис на договорот, двете земји, според информациите од министерството за транспорт до крајот на месецов треба да фомираат работни групи чија задача ќе биде да го финализираат текстот на меѓувладиниот договор во кој ќе се утврдат обврските на двете страни за техничките, финсиските, градежните и оперативните аспекти. Меѓувладиниот договор споре днајавите треба да биде потпишан есенва, а со тоа би се отворил патот за започнување на градежните актвиности на почетокот на следната година.

„Двете страни се согласија да продолжат со активностите за изградбата на прекуграничниот тунел, кој ќе биде изграден во согласност со постоечкиот технички проект доставен од страна на Македонија. Се обврзаа да ги истражат најсоодветните можности за заедничко аплицирање за финансирање од ЕУ или од партнерските финансиски институции за заедничка изградба на тунелот.“ – велат од министерството за транспорт.

Дополнитлено, според договорот, до крајот на годинава, Македонија ќе треба повторно да го објави и тендерот за делницата од Крива Паланка до влезот на тунелот. Премиерот Мицкоски задоволен што како што рече можеме да изградиме консензус кога станува збор за заеднички интерес и очекува проектот да биде финансиран од ЕУ.

„Ние да ја завршиме пругата од Крива Паланка до влезот во тунелот, од излезот на тунелот до приклучувањето на постоечката пруга 2 или 3 км и тоа да го направи Бугарија и вкулчитлено и модернизација на целата пруга,а тунелот да биде заеднички прокет кој ќе биде финансисран од ЕУ ова се концептите кон кои треба да конвертира решението.“- - Христијан Мицкоски – претседател на Влада.

Двете земји изминативе месеци меѓусебно се обивнуваа за блокада на проектот за изгрдабата на железничката пруга на Коридор 8. Во март годинава соседна Бугарија наместо да ја реконстуритра пругата од Ѓуешево до Софија, дел од Коридорот 8 што значи и поврзување со Македонија, одлучи да ги пренамени средствата за други железнички проекти. Во земјава пак, првиот дел од пругата Кумоново Бељаковце е веќе пуштен во употреба, во моментов се работи на изградба на втората фаза.

Тагови: Коридорот 8 Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Јеменската војска соопшти дека го „обезбедила“ водниот пат во Црвеното море

Јеменските провладини сили поддржани од Саудиска Арабија велат дека го „обезбедиле“ теснецот Баб Ал-Мандаб на јужниот крај од Црвеното море, на почетокот на големата офанзива што ја презедоа против Хутите, поддржано од Иран.

Јеменската војска, исто така, во соопштението наведе дека го освоиле градот мока на Црвеното море со помош на саудиските воздушни напади.но, во спротивставени извештаи, неименувани јеменски владини и воени извори за новинските агенции „Ројтерс“ и „АФП“ изјавија дека силите стигнале само до периферијата на градот.

Хутите рекоа дека го нападнале меѓународниот аеродром во Ријад и други локации, но не коментираа во врска со Мока.Саудиска Арабија ги осуди нападите и ги повтори повиците до постојаните членки на Советот за безбедност на ОН да ја поддржат владата на Јемен.

Владата на Јемен соопшти дека операциите започнале и на други фронтови вклучувајќи го и главниот град сана, кој падна во рацете на Хутите на почетокот на граѓанската војна пред 12 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Европска кошаркарска вечер во Аеродром, МЗТ домаќинна Ираклис во ФИБА еврокупот

Кошаркарите на македонскиот шампион МЗТ Скопје Аеродром вечерва го пречекувааат грчки Ираклис во рамките на ФИБА Еврокупот.

Кошаркарите на македонскиот шампион МЗТ Скопје Аеродром вечерва го пречекувааат грчки Ираклис во рамките на FIBA Europe Cup, а пред натпреварот посетителите ги очекува богата забавна програма пред СЦ „Јане Сандански“.

Аеродром ќе биде во знакот на европската кошарка. МЗТ Скопје Аеродром пред својата публика го пречекува реномираниот грчки состав Ираклис, во првиот домашен натпревар од новата европска сезона во FIBA Europe Cup.

Европскиот дуел ќе биде повеќе од кошаркарски натпревар. Со почеток од 17:00 часот, на просторот пред СЦ „Јане Сандански“ ќе биде организирана преднатпреварувачка фан-зона, со музика, храна, пијалоци и забавни активности за посетителите од сите генерации.

Во 19:00 часот фокусот се префрла на паркетот, каде МЗТ Скопје Аеродром ќе се соочи со Ираклис во европски натпревар кој носи посебна тежина за клубот, но и за цел Аеродром.

Општина Аеродром ги повикува граѓаните, љубителите на кошарката и сите поддржувачи на МЗТ да бидат дел од европската кошаркарска вечер и со своето присуство да му дадат поддршка на клубот.

Аеродром е сино-бел. Аеродром е МЗТ.

Тагови: МЗТ Скопје Аеродром

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Focus on the Road“- Засилени контроли за користење мобилни телефони и електронски уреди во сообраќајот

Кампањата истовремено се реализира во 34 европски држави, со заедничка цел – намалување на ризиците предизвикани од одвлечено внимание и поголема безбедност за сите учесници во сообраќајот.

Од 5 до 11 октомври, во рамки на меѓународната кампања на ROADPOL „Focus on the Road“, Министерството за внатрешни работи спроведува засилени сообраќајни контроли насочени кон непрописна употреба на мобилни телефони, слушалки и други електронски уреди при учество во сообраќајот.

Кампањата истовремено се реализира во 34 европски држави, со заедничка цел – намалување на ризиците предизвикани од одвлечено внимание и поголема безбедност за сите учесници во сообраќајот.

Пишувањето пораки, телефонските разговори, проверувањето известувања или користењето социјални мрежи додека управуваме возило го одвлекуваат вниманието од патот. Доволни се само неколку секунди невнимание за возачот да пропушти навреме да забележи опасност и да реагира.

Министерството за внатрешни работи апелира до сите учесници во сообраќајот да бидат одговорни и целосно фокусирани на патот.

Не дозволувајте еден поглед кон екранот да биде причина за сообраќајна трагедија.

Возете внимателно – гледајте го патот. Телефонот оставете го за подоцна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.