Мајкл Фокс оди во пензија: Не можам да работам по 12 часа и да памтам седум страници текст

Познатиот американско-канадски актер Мајкл Џ. Фокс (59) најпознат по трилогијата „Враќање во иднината“ , наводно, ќе се повлече повторно заради здравствени проблеми, пренесува Си-Ен-Ен.

Актерот, кому му беше дијагностицирана Паркинсонова болест пред скоро три децении, пишува во својата нова книга „Нема време како иднината“ за токму тоа прашање.

Фокс неодамна имал дополнителни здравствени проблеми, а во 2018 година хируршки му бил изваден бениген тумор од 'рбетот.

„Неможноста да се запаметат и повторат напишаните зборови е последниот проблем со кој се соочив“, напиша Фокс. "Има време за сè. Не можам повеќе да работам 12 часа на ден и да паметам седум страници дијалог. Барем така е сега".

Фокс се стекна со слава глумејќи во серијата „Семејни врски“, и стана планетарно популарен кога го играше Марти Мекфлај во трилогијата „Враќање во иднината“. Публиката добро го познава и од серијата „Спин Сити“.

Иако Фокс пишува дека ќе забави, тоа не значи дека неговата кариера е завршена. „Од почит кон продуцентите, режисерите, уредниците, сценаристите и актерите кои сакаат да работат малку побрзо, се повлекувам во втор пат“, напиша Фокс во книгата.

"Тоа може да се промени затоа што сè се менува. Но, ако ова е крајот на мојата актерска кариера, тогаш нека биде така".

Шпанскиот крал во самоизолација поради ризичен контакт

Шпанскиот крал Фелипе VI се самоизолирал откако стапил во контакт со лице кое имало позитивен тест на Ковид-19, објави палатата.

„Лицето со кои бил во контакт вчера денес е позитивно на Ковид-19“, се наведува во соопштението од кралската палата во кое се додава дека 52 годишниот крал ги суспендирал сите службени актривности на 10 дена.

„Согласно здравствените правила, тој 10 дена ќе помине во превентивен карантин“, се вели во сооштението, пренесе „АФП“.

Кралицата Летиција и ќерките на кралскиот пар Леонор и Софија ги продолжуваат своите активности.

Престолонаследничката Леонор (15) помина две недели во самоизолација во септември, откако беше откриена инфекција со Ковид-19 меѓу нејзините колеги. Подоцна таа била негативна.

Шпанија е меѓу најтешко погодените земји од пандемијата на коронавируси со повеќе од 1,5 милиони заразени и над 43.000 смртни случаи.

Трамп на кратко се појавил пред новинарите, не зборувал за изборите

Многу сум возбуден за тоа што се случува на полето на развојот на вакцината против Ковид-19, рекол Трамп.

Претседателот на САД Доналд Трамо денес на кратко се појави на конференција за новинари во Белата Куќа и не проговорел ниту збор за изборите, пренесе сајтот „ Politico“.

Индустрискиот индекс на Њујоршката берза Дау Џонс денес скокнал за повеќе од 500 поени, надминувајќи ја границата од 30.000 бодови, за што говорел и Трамп.

-Тоа се свети бројки. Никој не помисли дека некогаш ќе се видат тие бројки, рекол кратко Трамп, пренесе „Танјуг“.

Претседателот на САД не одговарал на новинарски прашања, а едиствено ја прокоментирал вакцината против Ковид-19.

- Многу сум возбуден за тоа што се случува на полето на развојот на вакцината против Ковид-19. Тоа е апсолутно неверојатно, рекол Трамп.

Видео: Младоженец случајно ја удри невестата и ја уништи венлавката

Еден младоженец случајно ја уништи сопствената венчавка кога ја удрил со нога својата сопруга директно во лице додека изведувал танц за неа.

Овој невообичаен танц кој младоженецот Адам Гаудет реши да и го приреди на неговата сопруга Микаела заврши неочекувано. Тој ја удри во лица и на тој начин ја уништи соспствената свадба.

Тие се решиле да го споделат видеото на социјалната мрежа Тик Ток под наслов „Како мојот сопруг ја уништи нашата венчавка“ каде што тоа стана вирално.

притисни ентер