Свет

Лондон: Илјадници демонстранти бараа заштита на природата и климата

Илјадници луѓе денеска учествуваа на демонстрациите во Лондон поддржани од еколошката организација Extinction Rebellion и WWF, за да ги повикаат политичарите да донесат одлуки кои ќе ги заштитат природата и климата.

Британската актерка Ема Томпсон и британскиот водител Крис Пакам ги предводеа овие демонстрации повикувајќи „секој да се сврти кон природата сега“.

Демонстрантите го напуштиле Хајд паркот во добра атмосфера и пешачеле до министерската област. На демонстрациите, на кои им се приклучија учесници од целата земја, беа вклучени и некои облечени во животински костими.

„Нема живот без диви животни“, „Нема копче за ресетирање“, пишуваше на транспарентите.

„Престанете да бидете толку неодговорни. Не можам да верувам колку не се посветени на климата за време на изборната кампања“, изјави Ема Томпсон обраќајќи им се на политичарите.

Крис Пакам рече дека „не е многу импресиониран од содржината на програмите“ на различните британски политички партии.

„Кога станува збор за решавање на вистинските големи проблеми, нема суштина, посветеност или решителност да се решат. И тоа е навистина разочарувачки“, рече тој.

Демонстрациите се одржаа точно две недели пред парламентарните избори закажани за 4 јули.

Анкетите во пресрет на изборите покажуваат дека лабуристите имаат поголема поддршка, па затоа се предвидува загуба на конзервативците, кои беа на власт во последните 14 години.

Шоу биз

Фото: Нивес сними спот за новиот хит

Пејачката и актерка Нивес Целзијус (42) претходно го откри малку чудниот текст на нејзината нова песна „Моја пила“, која за многу кратко време влезе во главата на многу обожаватели,

Сега таа ги извести своите фанови дека снимила спот за тој хит.

„Брм, брм! Снимивме видео за Пила!“, напиша таа во описот на објавата на Инстаграм, каде објави три фотографии на кои позира во кроп топ кошулата на која пишува: „Брм, Брм“.

Обожавателите едвај чекаат да излезе спотот на нејзината песна.

После тоа, таа на својата инстаграм приказна објави дел од видеото во кое стои пред автомобилот и држи црево во раката и го прска во воздух.

Да потсетиме, Нивес по објавувањето на стиховите на песните не престана да ги пее на своите објави, а набргу потоа објави дека направила и маички со дел од стиховите. „Маичките се готови“, напиша тогаш Нивес на на Инстаграм.

Извор: Аваз

Фудбал

Реал Мадрид го купи Хоселу и го испрати во Катар

Реал Мадрид ја активираше откупната клаузула на Хоселу, официјално објави неговиот поранешен клуб Еспањол.

Напаѓачот ја мина претходната кампања како позајмен на „Сантијаго Бернабеу“ и импресионираше со своите игри, постигнувајќи 17 голови во сите натпреварувања и беше клучен за пласман во финалето на Лигата на шампионите.

Веќе неколку недели е познато дека Хоселу, кој моментално е дел од репрезентацијата на Шпанија на ЕП 2024, речиси сигурно следната година ќе биде дел од катарски Ал-Гарафа. Токму во врска со тоа се и постапките на раководството на Реал Мадрид, бидејќи од „лос бланкос“ ќе инкасираат иста сума од азиските претставници.

Во пракса, тие му прават услуга на играчот, кој имаше сериозна загриженост дека Еспањол може да се обиде да го искомплицира потенцијалниот договор со Ал-Гарафа, поставувајќи им многу посериозни финансиски барања.

„Папагалите“ повторно ќе бидат дел од Ла Лига по една сезона во „егзил“ во второто ниво на шпанскиот фудбал. /МИА

Регион

Радев нема да ја предводи бугарската делегација на Самитот на НАТО

Претседателот на Бугарија, Румен Радев не го прифати предлогот на Советот на министри да ја предводи бугарската делегација на Самитот на НАТО во Вашингтон, што ќе се одржи од 9 до 11 јули.

Како што објави БТА, одлуката на Радев е поради тоа што тој „не прифаќа некои одредби од рамковните позиции усвоени од Советот на министри, кои се однесуваат на обврските што нашата земја ги презема во однос на војната во Украина“.

Министерскиот совет вчера ги одобри рамковните позиции на Бугарија за Самитот на НАТО. Со истата одлука се предлага претседателот Радев да ја предводи бугарската делегација и да ги презентира прифатените рамковни позиции. По одбивањето на Радев, бугарската делегација ќе ја предводи премиерот и министер за надворешни работи Димитар Главчев.

Радев е поранешен генерал и пилот на борбен авион. Тој уште првиот ден ја осуди руската агресија врз Украина, но постојано ја критикува воената поддршка на бугарската Влада за Киев. /МИА

притисни ентер