Лојд Остин поради болеста нема да оди во Брисел , но ќе присуствува на важен состанок на НАТО

Американскиот секретар за одбрана Лојд Остин, кој повторно е хоспитализиран поради рак, нема да патува во седиштето на НАТО во Брисел, туку преку видео повик ќе присуствува на виртуелен состанок на контакт групата за одбрана на Украина.

За потсетување, Остин повторно помина извесно време во болница, но се очекува денеска да се врати на редовните обврски.

"Секретарот за одбрана Лојд Остин беше подложен на нехируршки процедури под општа анестезија за да се реши проблемот со мочниот меур. Очекуваме успешно закрепнување и внимателно ќе го следиме во текот на ноќта. Не се очекува да има продолжен престој во болница. Очекуваме министерот да може утре да продолжи со своите должности, неговите вообичаени должности“, се вели во вчерашното соопштение на Пентагон.

За потсетување, Остин (70) во неделата бил однесен во Воениот медицински центар „Волтер Рид“ поради „симптоми кои укажуваат на проблем со мочниот меур“, а должностите ги префрлил на својата заменичка Кетлин Хикс.

Тој беше хоспитализиран на 22 декември поради лекување на рак на простата, а на 1 јануари се врати во болница поради компликации, вклучително и уринарни инфекции.

Заврши драмата во Италија: По 44 часа закана, момче се откажа до намерата да скокне од балкон

Млад човек (23) од Пескара, Италија, кој се заканувал дека ќе скокне од терасата на својот стан, по 44 часа преговори се откажал под изговор дека е уморен.

„Доста ми е, уморен сум“, им рекол на полицајците и се симнал од оградата на терасата на која балансирал речиси два дена, објави АНСА.

Момчето од 28 февруари во 14 часот и 30 минути стоело на работ од оградата на терасата, а причините се уште не се познати.

Откако се симнал, влегол во куќата и им ја отворил вратата на специјалците на кои им рекол дека му е доста. Го завиткале во ќебе и заедно со кучето го извадиле од станот.

Екипата на итната помош му пружила соодветна нега и тој е префрлен во болница.

Георгина направи фустан од дресот на Роналдо и прошета по модната писта (ФОТО)

Георгина Родригез, партнерката на португалскиот фудбалер Кристијано Роналдо, привлече големо внимание на Модната недела во Париз поради изборот на облека во која прошета по пистата.

Оваа шпанска убавица вчера вечер беше на модната писта, на ревијата на Vetements, облечена во фустан од дресот на Роналдо со потпис и посебна посвета на актуелниот играч на Ал Наср.

Медиумите пишуваат дека овој фустан е пример за „блоккор“ кој комбинира спортска мода со урбана облека, а на задната страна пишувало:

- За љубовта на мојот живот, Георгина и Ветементс - потпишан од Кристијано Роналдо.

На Георгина, инаку, не и е непозната Модната недела, бидејќи претходно присуствувала на некои од најголемите модни ревии. Сепак, ова е прв пат да прошета со некој од брендовите. Сите се согласуваат дека нема да и биде последен настап.

Во сообраќајка кај Колари синоќа загина 46 годишник од Скопје, со возилото излетал од патот

Во сообраќајна несреќа вчера околу 18 часот на магистрален пат Кичево – Гостивар кај селото Колари животот го загуби 46 годишник од Скопје, откако со возилото што го управувал излетал од патот. 

Во сообраќајката со тешки повреди се здобила малолетна сопатничка во автомобилот.

-На 01.03.2024 во 18.20 часот во полициската станица Кичево, пријавено е дека на магистрален пат Кичево – Гостивар, кај селото Колари, патничко возило „форд“ со скопски регистарски ознаки, управувано од В.Н.(46) од Скопје, излетало од коловозот. Притоа, тој од здобиените повреди починал на местото на настанот, а смрт констатирал лекар од Итна медицинска помош. Со тешки телесни повреди се здобила малолетна сопатничка, констатирани во болницата во Кичево, информираше СВР Охрид.

Увид на местото извршила увидна екипа од Одделението за внатрешни работи Кичево.

притисни ентер