Љубов сме – Jemi dashuri: Луѓето кои се соочуваат со рак во моментот се доведени во многу незавидна ситуација

Луѓето коишто седат дома не го прават тоа затоа што така сакаат како што мислат дел од граѓаните, туку за да се заштитат себеси и своите најблиски кои спаѓаат во ранливата група. 

Тие кои сакате да седите дома, останете си дома.Овој аргумент од граѓаните кои не веруваат во корнавирусот, односно во опасноста од него, повеќе пати проструи низ јавноста, па оттука е и реакцијата на групата Љубов сме – Jemi dashuri, која нуди помош и поддршка за пациентите со малигни заболувања. Имено, од групата реагираат на ваквите изјави бидејќи во луѓето кои остануваат дома додека сѐ уште е актуелна пандемијата со коронавирусот спаѓаат и оние кои се борат со канцер, или пак се бореле во минатото, но за жал и понатаму се вбројуваат во пациентите со хронични болести.

Луѓето коишто седат дома не го прават тоа затоа што така сакаат како што мислат дел од граѓаните, туку за да се заштитат себеси и своите најблиски кои спаѓаат во ранливата група. Колку повеќе не се почитуваат мерките што ги препорачуваат здравствените власти, толку повеќе се комплицира секојдневието на болните од рак.

Луѓето кои се соочуваат со рак во моментот се доведени во многу незавидна ситуација, бидејќи им се откажуваат контролните прегледи. Тоа откажување донекаде може да биде издржано со цел тие да се заштитат од вирусот, но кога тоа се пролонгира на долг рок може да доведе до компликации. На пример, пациентите и пациентките со рак на дојка во моментот се спречени да направат мамографски или ехо преглед и тоа ќе се пролонгира уште повеќе со непочитувањето на мерките од страна на одредени поединци – смета групата Љубов сме-Jemi dashuri.

Дел од овие пациенти примаат хемотерапија која создава болки во коските и мускулите, поради што докторите препорачуваат секојдневно пешачење, како активност која би можела да придонесе таквите нус ефекти да бидат поподносливи. Поради растот на бројот на заразени со коронавирус, овие пациенти се спречени во извршувањето на ваквата активност, која би можела добро да влијае врз нивното психофизичко здравје. Пациентите кои барем повремено излегуваат на прошетки ги почитуваат сите мерки носејќи маска и држејќи социјална дистанца, но тие повторно се доведени во ризик бидејќи вирусот може да им се пренесе од сограѓаните кои не ги практикуваат ваквите препораки од експертите.

Со непочитувањето на мерките поради скептицизмот кон вирусот, во ризик се доведени илјадници граѓани, ако се знае дека само на годишно ниво со рак се дијагностицираат по неколку илјади лица. Дел од нив се деца и токму тие, најневините се принудени да останат во своите домови на долг рок. Токму тие, за жал прерано се запознале со суровоста на животот па оттука Љубов сме-Jemi dashuri ги прашува граѓаните кои одбиваат да ги почитуваат мерките, дали вреди на едно дете да му се скратат крилјата, кога тоа и онака прерано било принудено да порасне?

Љубов сме-Jemi dashuri упатува порака до граѓаните кои не ги почитуваат мерките дека болните со рак може да живеат десетици години по воспоставувањето на дијагнозата, но доколку го добијат вирусот би можеле да бидат доведени во животозагрозувачка состојба. Оттука и апелот да се постапува посвесно и посовесно, а не според девизата „луѓето со хронични болести секако се во ризик и без вирусот“.

Групата која нуди поддршка на болните од канцер при тоа, рушејќи ги етничките и националните предрасуди во македонското општество апелира и до надлежните органи да ги засилат контролите и рестрикциите, со цел непочитувачите на мерките да бидат казнети, бидејќи во спротивно санкциите одат на грбот на луѓето од ризичните групи. Бидејќи се работи за група која нема механизми да постапува, се упатува уште еден апел и молба до сите да излегуваат што поретко, а кога ќе го направат тоа да носат маски и да одржуваат социјална дистанца, со цел крајот на пандемијата да дојде побргу, а со тоа да не се влошува здравјето на граѓаните кои прават сѐ за да го сочуваат истото, стои во соопштението од групата Љубов сме – Jemi dashuri.

Нацрт буџетот на ЕУ за идните седум години предвидува 12,6 милијарди евра за проширувањето

Во однос на земјите од проширувањето пак, за претпристапниот инструмент Мишел предлага 12,565 милијарди евра. 

Претседателот на Европскиот Совет, Шарл Мишел, ја презентираше последната верзија на неговиот предлог буџет за периодот 2021-2027, повеќето ставки се намалени, но за претпристапниот инструмент сликата е малку покомплексна, јавува дописничката на МИА од Брисел.

Во пресрет на самитот на ЕУ идната недела на кој лидерите треба да постигнат значаен напредок во преговорите за седумгодишниот буџет на Унијата, Шарл Мишел, чија улога е да го изгради крајниот компромис, денеска предложи буџет за 20 милијарди евра помал од тоа што беше понудено во февруари – од 1094 милијарди на 1074 милијарди евра.

Во однос на земјите од проширувањето пак, за претпристапниот инструмент Мишел предлага 12,565 милијарди евра. Претпистапниот инструмент, или ИПА 3 за периодот 2021-2027, се фондовите на ЕУ посветени на земјите од западниот Балкан и Турција за нивниот пат кон полноправно членство.

Оваа сума што ја предлага Европскиот Совет во пресрет на самитот претставува зголемување во споредба со тоа што Мишел го понуди во февруари, на почетокот на преговорите. Тогаш, предлогот изнесуваше 11,4 милијарди евра, значително намалување и во однос на предлогот на Европската Комисија од 2018, но и значително намалување во однос на претходниот седумгодишен буџет на Унијата, која ИПА фондовите изнесуваа 13,2 милијарди евра.

Во меѓувреме, во текот на мај, Европската комисија излезе со ревидиран предлог во однос на оној од 2018, и оцени дека ИПА фондовите треба да достигнат 12,9 милијарди евра.

Се чини дека повикот на Европската комисија допрел до Мишел, но сепак со мало намалување. Сега Советот предлага ИПА 3 да изнесува околу 300 милиони евра помалку од тоа што го предложи Европската Комисија, од 12,9 на 12,565 милијарди евра. Истовремено новиот предлог на Европскиот Совет претставува и зголемување во однос на февруарскиот предлог од 1,2 милијарди евра.

Лидерите на земјите членки ќе се сретнат на 17 јули во Брисел, за прв пат физички после пет месеци. Претпристапните фондови не се најконтроверзната тема, и фокусот на лидерите ќе биде на бројни други буџетски ставки, така што не се очекува голема разлика во конечниот компромис.

Кога ќе биде постигнат овој конечен компромис е пак исто така огромна непозната. Ставовите на 27 членки на ЕУ остануваат дијаметрално спротивставени помеѓу „четирите скромни", Холандија, Шведска, Финска, Данска и јужните земји, со поддршка на Германија и Франција.

Буџетскиот предлог на Мишел е веќе мета на критики во Брисел денеска, многумина сметаат дека претставува голема отстапка кон четирите скромни земји во време кога Европската Унија се соочува со најдлабоката рецесија во својата историја. /МИА.

Британија ги укинува мерките за карантин за десетици дестинации

Мерките за карантини за луѓето кои патуваат во Велика Британија од околу 70 земји и прекуокеански територии, вклучително и Франција и Италија, повеќе нема да се применуваат, пренесува Ројтерс.

Станува збор за обид за заживување на авио и туристичката индустрија, кои се погодени од ковид-19.

Патниците кои доаѓаат од земји со висок ризик, сепак ќе треба да се изолираат 14 дена, но многу популарни дестинации се слободни од обврската, што значи дека милиони Британци ќе можат да одат на одмор без да бидат ставени во самоизолирање по враќањето од тие земји.

Извршниот директор на аеродромот Хитроу, Џон Холанд-Кеј ја поздрави одлуката, но додаде дека треба да се направат повеќе за да се олесни патувањето од други земји и области со низок ризик, како Сингапур или Канада.

„Исто така, треба да размислиме како да се поврземе со нашите многу важни трговски партнери, како САД, што спаѓаат во земјитер со висок ризик, но некои делови од земјата сепак се со низок ризик“, рече Холанд-Кеј.

Историска ждрепка на УЕФА – спектакли во четвртфиналето

Ждрепката за самиот крај на Лигата на шампионите се одржа напладне во Нион.

Непосредно пред финишот на натпреварувањето, во систем кој никогаш не се случил во историјата на Лигата на шампионите,затоа што турнирот ќе се игра во Лисабон, беа извлечени двојките за 1/4 финалето.

Првиот пар и веднаш дерби во најава, подобрите од осминафиналните пресметки, Манчестер Сити - Реал Мадрид (првиот натпревар 2: 1 за „Граѓаните“) односно Јувентус и Лион (0: 1).

Загарантиран е нов спектакл во второто четвртфинале, германскиот гигант Барен Минхен го очекува подобриот од реваншот Барселона - Наполи (1: 1) . Шампионот на Бундеслигата во осминафиналето го декласираше Челси (3: 0).

Во преостанатите два пара, Пари Сен Жермен и Атлетико Мадрид се големи фаворити против Аталанта и Лајпциг, но оваа сезона нè научи дека изненадувањата се вообичаени.

Особено бидејќи финалето ќе се игра на еден натпревар .

Познат е и потенцијалниот пат до финалето, односно колку е првата група посилна од втората на прв поглед, затоа што ја сочинуваат Реал, Сити, Јувентус, Барселона и Баерн, во споредба со ПСЖ и Атлетико, кои се посилните во втората група.

Полуфинале:

Реал Мадрид / М. Сити / Лион / Јувентус - Наполи / Барселона / Челзи / Баерн

Лајпциг / Атлетико Мадрид - Аталанта / Пари Сен Жермен

Правилата на ждрепката се такви што нема привилегирани екипи, што е логично, но и дека оние од истата земја ќе можат да ги исполнат.

Домаќинот на Лигата на шампионите, Лисабон, обезбеди два прекрасни објекти за најдобри - стадионот на Бенфика Ла Луз и Спортинг - Хозе Алваладо, наместо претходно договорениот Истанбул, кој е погоден од коронавирусот.

Едно е сигурно - ќе добиеме нов европски шампион затоа што актуелниот првак Ливерпул беше елиминиран во осмина финалето од Атлетико Мадрид.

притисни ентер