Лицата со Ковид-19, во самоизолација, болни, немоќни и хронично болните можат да се пријавуваат за гласање за изборите

Почнува пријавувањето до Општинските изборни комисии на лицата со Ковид-19 и во самоизолација, на болните, немоќните и хронично болните за гласањето на предвремените парламентарни избори на 15 јули.

Оние што сакаат да гласаат тоа треба да го сторат најдоцна до 8 јули на полноќ.

Болните од Ковид-19 и лицата во самоизолација треба да се пријават за гласање до Оштинската изборна комисија, преку полномошник, најмалку седум дена пред гласањето. Дотогаш за гласање треба да се пријават и другите болни и немоќни лица, а за овие избори и лица со хронични болести. Тие до ОИК треба да достават соодветна медицинска документација со која треба да го поткрепат барањето.

На оние што во периодот од 8 до 15 јули ќе им биде потврден позитивен тест за Ковид-19 или лица кои ќе мора да бидат во самоизолација нема да можат да се пријават за гласање и да гласаат на изборите.

Рокот за пријавување за гласање на на лицата во домашен притвор е 11 јули на полноќ.

Поради состојбата со Ковид-19 за остварување на правото на глас на лицата позитивни на болеста и во самоизолација формирани се околу стотина здравствени избирачки одбори составени од по тројца здравствени работници и претставници на политичките партии.

За овие петти предвремени парламентарни избори, најспецифилни досега поради коронавирусот, кампањата завршува на 12 јули на полноќ, од кога почнува молкот. На 13 јули (понеделник) ќе гласаат лицата со Ковид-19 и во самоизолација, на 14 јули (вторник) болните, немоќните, хронично болните и лицата во затворите и во домашен притвор. На 15 јули гласањена парламентарните избори ќе започне во 7:00 часот наутро и, поради состојбата со Ковид-19, гласањето ќе биде продолжено два часа. Гласањето ќе се одвива согласно задолжителните препораки за гласање усвоени од Државната изборна комисија согласно укажаното од Комисијата за заразни болести.

На 13 јули избирачкиот процес ќе го спроведе Посебен избирачки одбор (ПИО), што ќе се состои од здравствени работници и претставници на политичките партии. Членовите на ПИО, ќе бидат опремени со лична заштитна опрема која се состои од: мантил за еднократна употреба, ракавици за еднократна употреба, стандардна заштитна маска и средство за дезинфекција. Членовите на ПИО, според утврдените задолжителни препораки, заштитната опрема ја менуваат по завршување на гласањето во домот на секој гласач, односно толку пати колку што ќе одат да посетат домови на лица каде што ќе се гласа. Лицето кое ќе гласа задолжително треба да носи заштитна маска преку носот и устата. При самото влегување во просторот (домот) најпрво лицето кое гласа ги дезинфицира рацете. При влезот во домот на гласачот пред да му се даде гласачкото ливче, на гласачот му се дава заштитна маска доколку ја нема и задолжителни заштитни ракавици. При подавањето на личната карта лицето кое ќе гласа накратко ја симнува маската за идентификација и ја одржува препорачаната дистанца минимум од членовите на избирачкиот одбор, кои исто така се целосно заштитно опремени. Пред да му се даде ливчето за гласање на гласачот задолжително е да ги дезинфицира рацете на кои исто така има заштитни ракавици. По завршувањето на гласањето, лицето кое гласа повторно ги дезинфицира рацете. Во целиот процес на гласање задолжително се обезбедува минималната физичка дистанца од еден, до еден и пол метар.

Нема да се спроведува дезинфекција на гласачката кутија после секој гласач.

Сличен процес на гласање ќе се одвива и на 14 јули, но за разлика од 13 јули, процесот на гласање во домовите на болните, хроничните лица на 14 јули ќе го спроведат Основните избирачки одбори (ОИО). Тие нема да носат мантили како заштита, заради тоа што не се работи за позитивни случаи од Ковид-19, но, ќе носат заштитна маска, ракавици и ќе треба да одржуваат дистанца. Маската членовите на ОИО треба да ја менуват на секои четири часа.

На гласање на 15 јули сите 3.840 избирачки места ќе бидат дезинфицирани од ДИК. На денот на гласањето секој гласач е должен да држи пристојно растојание од метар и пол или два пред објектот на гласачкото место, како и пред влезот на секое гласачко место, и во самото гласачко место. Пред влегување е должен да ги дезинфицира рацете и должен да држи маска. На ниту еден гласач нема да му биде дозволено да влезе во гласачкото место ако претходно не ги дезифицира рацете и не носи маска. Следниот чекор е кога гласачот влегува со маската во избирачкото место и истиот е должен при идентификација на кратко да ја извади маската за избирачкиот одбор да го утврди неговиот идентитет. Рацете ќе треба да се дезифинцира при влегувањето и излегувањето од гласачкото место.

Избирачките одбори внатре во просторијата се должни да седат на дозволено растојание од метар до метар и половина, и постојано да носат заштитна маска, како и ракавици. Гласачите не треба да носат ракавици кога ќе влегуваат во гласачките места./МИА.

ОЈО: Притвор за напад врз службени лица

Јавен обвинител од Основното јавно обвинителство Прилеп до судија на претходна постапка при Основниот суд Прилеп поднесе предлог за определување мерка притвор против осомничените. 

По поднесена кривична пријава од Министерството за внатрешни работи – ОВР Прилеп, Основното јавно обвинителство Прилеп донесе Наредба за спроведување истражна постапка против десет лица од Прилеп поради постоење основано сомневање дека како соизвршители го сториле кривично дело – Напад врз службено лице при вршење работи на безбедноста од член 383 став 3 во врска со став 1 во врска со член 22 Кривичниот Законик.

Осомничените на 24.9.2020 година, околу 20.00 часот, на стариот пат Прилеп-Велес над манастирот ”Св Ѓорѓија” село Присад, со употреба на сила физички нападнале пет службени лица – полициски службеници од Полициско одделение Чашка, кои вршеле работи на јавната безбедност што се однесуваат на спречување и откривање на кривично дело и фаќање на сторители на кривично дело. Оштетените полициски службеници при вршење на службени дејствија забележале три моторни возила без регистерски таблици и ги запреле заради проверка. Притоа, едно патничко моторно возило избегало, а другите две патнички моторни возила од кои едното марка Гранд Чироки, а другото марка Лада Нива биле сопрени и било утврдено дека се натоварени со бесправно пресечени дрва. Додека полициските службеници изготувале службен материјал во врска со постапувањето, пристигнала поголема група лица меѓу кои и осомничените, кои почнале со бејзбол палки, метални шипки, рачки од секири, дрва, камења и други предмети да удираат по петте полициски службеници и службеното возило на полицијата. Од ударите, на еден од полициските службеници му нанеле тешки телесни повреди – скршеница на десна рака и фрактура на главата со обилно крварење, а останатите оштетени се задобиле со телесни повреди изразени со набиеници по главата и телото.

Јавен обвинител од Основното јавно обвинителство Прилеп до судија на претходна постапка при Основниот суд Прилеп поднесе предлог за определување мерка притвор против осомничените. Судот со решение, на осомничените им определи мерка притвор траење од 30 дена.

Без струја утре повеќе делови на Скопје

 Заради технички зафати во дистрибутивната електро мрежа утре без електрична енергија ќе останат дел од корисниците од општините Аеродром, Карпош, Сарај и Ѓорче Петров, соопштуваат од РЦУК – Скопје.

Во периодот од 08:30 до 11:30 часот без напојување со електрична енергија ќе останат дел од корисниците од улицата „Анастас Митрев" броевите 12, 12а, 14 и 14а, Општина Аеродром.

Во периодот од 09:00 до 14:00 часот без струја ќе останат дел од корисниците од улицата „Франц Прешерн", Општина Карпош.

Во периодот од 09:00 до 15:00 часот без електрична енергија ќе бидат дел од корисниците од село Крушопек, дел од село Сарај лоцирани околу општината, дел од населбата Ѓорче Петров кај „Кристина Дамил", општина Сарај и Ѓорче Петров.

Паркингот на Водно во текот на викендот го искористиле 193 возила

Како дел од континуираните заложби да се овозможи безбедно рекреирање на пешаците и на велосипедистите во деновите кога е најпосетено Водно, Градот Скопје и ЈП „Градски паркинг“ воведоа зонско паркирање на паркиралиштата на Средно Водно. 

Паркирањето се наплаќа за време на државните празници и за викендите од 9 до 16 часот. Цената за првиот час паркирање изнесува 100 денари, а секој нареден час – 50 денари. На паркиралиштата е поставена соодветна хоризонтална и вертикална сигнализација, како и информативни табли. Паркирањето е бесплатно за хендикепираните лица, како и за туристичките автобуси, а паркирањето во зеленило се санкционира.

Паркингот на Водно во текот на продолжениот викендов го искористиле 193 возила според бројот на испратени СМС пораки.

Градот Скопје апелира до граѓаните да го чуваат зеленилото и другите јавни површини, а своите возила да ги паркираат исклучиво на означените паркиралишта.

притисни ентер