Нејзиниот менаџер изјави дека пејачката е „стабилна“ и „реагира на терапија“, а нејзината пријателка Пени Аркад изјави за „Ролинг Стоун“ дека Маријана е во болница уште од вторникот.
Таа најпрво се „изолирала“ затоа што ги почувствувала симптомите на настинка, а потоа се прегледала во болница минатиот понеделник, каде нејзиниот тест за коронавирус бил позитивен.
Во меѓувреме, пневмонијата се развила како резултат на коронавирусот.
„Таа претрпе и преживеа многу во нејзиниот живот, па затоа би било трагично да заврши од вирус“, рече Аркад, додавајќи дека разговарала со Маријана на телефон минатата недела додека била во изолација, но се чини дека била заразена од едно од лицата кои се грижат за неа и повремено се враќаат дома кај неа или кај некој друг.
И поранешниот сопруг на Маријана Фејтфул, Џон Данбар, потврди дека пејачката досега е добра, но дека и е тешко да зборува и не треба да прима посети.
Фејтфул во минатото страдаше од голем број здравствени проблеми. Во раните 1970-ти, кога беше бездомник во Лондон, страдаше од анорексија. Едно време беше зависник од хероин. Во 2006 година, таа беше дијагностицирана со карцином на дојка, по што беше извршена успешна операција.
Во 2007 година, таа објави дека има хепатитис Ц, дијагностициран пред 12 години. Исто така, боледува од артритис, а по повредата на колкот и операцијата, таа развила инфекција која ја натерала да ја откаже турнејата во 2015 година.