Шоу биз

Легендарен актер е болен од рак, на децата им напишал проштално писмо

Ѕвездата на „Паркот Јура“ Сем Нил (76) откри каква проштална порака подготвил во случај да му останат само уште неколку месеци живот.

Имено, актерот неодамна објави сериозна дијагноза на рак на крвта, која е утврдена во третата фаза.

Сем тажно откри дека веќе планира што да им каже на својот син Тим, ќерката Елена и внуците откако му бил дијагностициран не-Хочкинов лимфом.

- Не знам колку долго ќе живеам. Затоа мислев дека веројатно треба да им напишам нешто на моите деца и внуци бидејќи можеби нема да бидам тука за неколку месеци. Би било добро да имаат нешто мое, како и некои работи што ги направив - изјави актерот.

Тој исто така откри дека почнал да зема нов експериментален лек за борба против чудната лимфомна болест откако хемотерапијата не успеала.

И покрај ветувачките вести, Нил знае дека нема да трае вечно. Лекарите му рекле дека еден ден лекот ќе престане да делува, за што рекол дека е „подготвен“.

- Во никој случај не се плашам од смртта. Тоа не ме загрижува. За почеток не ме загрижуваше, но ќе ме изнервира. Би се изнервирал бидејќи има работи кои сè уште сакам да ги правам. Умирањето е многу иритирачко. Но, не се плашам од него – додаде тој.

Нил рече дека дознал дека има рак минатата година за време на неговото прво патување во Нов Зеланд, по две години карантин што му оневозможило да се врати дома и да се сретне со семејството.

Неговиот син Тим за „Australian Story“ раскажал дека едвај еден час по враќањето на татко му во Нов Зеланд, лекарот му се јавил со страшната вест.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бруцошите добија дополнително време за да аплицираат за место во студентски дом

Министерството за образование и наука го продолжи рокот за аплицирање на бруцошите за сместување во студентските домови.

Министерството за образование и наука го продолжи рокот за аплицирање на бруцошите за сместување во студентските домови, откако се покажа дека дел од студентите примени во вториот уписен рок немаат доволно време да го завршат уписот и да обезбедат потврда дека се редовни студенти.

Проблемот се појави кај кандидатите од вториот уписен рок.

На дел од факултетите при уким запишувањето на примените студенти е закажано за 21 септември, односно еден ден по првично утврдениот рок за студентските домови.

Без завршен упис, тие не можат навреме да обезбедат потврда за редовен студент – еден од документите потребни при аплицирањето. Токму поради тоа мон го продолжи рокот, со цел и студентите кои ќе го завршат уписот во вториот уписен рок да можат да ја обезбедат потребната документација и рамноправно да конкурираат за сместување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тројца осомничени за горење кабли на депонијата Буково — го загадиле воздухот додека собирале бакар

Основното јавно обвинителство Охрид донесе наредба за спроведување истражна постапка против три лица за кривично дело – загрозување на животната средина и природата со отпад.

Тројцата соизвршители, на 17 септември дошле со товарно возило полно со отпад кај депонијата „Буково”. Започнале да ги горат гумените отпадни кабли со цел да ги издвојат од нив бакарните жици.

Од согорувањето се создал чад и биле испуштени штетни материи во воздухот.

Јавниот обвинител до судијата на претходна постапка од Основниот суд во Охрид достави предлог за определување мерка притвор за тројцата осомничени, пред се имајќи ја предвид опасноста од бегство и можноста да влијаат врз сведоци во постапката., велат од обвинителството..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Филипче рече дека Македонија не е на продажба откако со Заев ја распродадоа за стан, зграда и златна виза за Дубаи

Филипче рече дека Македонија не е на продажба откако со Заев ја распродадоа за стан, зграда и златна виза за Дубаи.

Филипче со Заев го променија името на државата и ветуваа членство во ЕУ, а добивме само слика од авион.

Филипче и Заев ветуваа бесплатно здравство, а добивме провизии за вакцини, провизии за модуларни болници и провизии за тендери и набавки.

Филипче вели дека Македонија не била за продажба, а има потпишан бланко лист за барањата на Бугарите.

Со ова Филипче е директно против Македонија.

На Филипче му смета успехот на Македонија. Затоа е против дата центри, рудници и фабрики. Ама не е против бугарски фирми, златни визи и акции во индиски авиокомпани.

Исто така, на Филипче му пречи Дејвид Гета, ама не му пречи Харис Џиновиќ.

Тоа се двојните стандарди на Филипче и СДС. Затоа и ќе бидат вечна маргинална опозиција.

Бране Петрушевски, пратеник на ВМРО-ДПМНЕ.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.