Курти најави кандидатура за членство во ЕУ - Канал 5

Балкан

Курти најави кандидатура за членство во ЕУ

Косовскиот премиер Албин Курти денеска, во екот на новите тензии и блокади на патиштата на северот, најави дека Приштина оваа недела ќе поднесе барање за членство на Косово во Европската унија, објави РТК на српски јазик.

Курти најави кандидатура за членство во ЕУ

Барикадите на северот на Косово не беа отстранети ниту денеска, и покрај барањата на амбасадите на САД и Велика Британија во Белград и Приштина и повторениот повик на Европската унија до двете страни да ги деескалираат последните тензии и за „опасното зголемување на тензиите во Косово“ денеска ќе разговараат министрите за надворешни работи на Унијата.

Србите од северот, кои се политички поддржани од Белград, поставија барикади во саботата во знак на протест против апсењето на еден сонародник, до неодамна припадник на косовската полиција, кого косовските власти го обвинуваат за тероризам и за рушење на уставниот поредок, а на кого му е одредена мерка притвор до 30 дена.

Белград и Приштина меѓусебно се обвинуваат дека предизвикуваат нова криза, која САД и ЕУ се обидуваат да ја решат со дополнително интензивирање на дипломатскиот ангажман. Брисел повикува на деескалација, а Вашингтон испрати делегација која ќе се обиде да ја смири ситуацијата и да се врати на дијалогот на двете страни.

Објаснувајќи ја најавената кандидатура за членство во ЕУ, Курти, како што пренесуваат приштинските медиуми, рекол дека ЕУ е „место на мирот“ и дека Косово „има природно место во таа куќа“. Апликацијата на Косово за членство е, вели тој, одговор на самитот во Солун во 2003 година и покана од овогодинешниот самит на ЕУ и земјите од Западен Балкан во Тирана.

„Пред една недела на самитот во Тирана, во заедничка изјава, ЕУ повика на забрзан процес за членство“, рече косовскиот премиер, наведувајќи дека кандидатурата на Приштина „е одговор на ветувањето што ЕУ му го даде на регионот за членство од самитот во Солун во 2003 година, но и директен одговор на поканата од Самитот во Тирана“.

Тој тврди дека Косово било „подобро подготвено во споредба со другите земји“ во времето кога тие аплицирале за членство.

„Косово има природно место во ЕУ како мирна и демократска земја“, рече Курти. Српскиот претседател Александар Вучиќ во саботата, по повод најавената кандидатура на Косово, изјави дека тоа е „многу непријатен настан“ за Србија и дека тоа „секако не е добра одлука“.

Вучиќ рече дека испратил индивидуални писма до лидерите на петте земји од ЕУ кои не го признаваат Косово и посочи дека намерата на Косово не е во согласност со членот 49 од Договорот за ЕУ, според кој „суверените и независни држави можат да бараат прием, а не оние кои не се признати од повеќе од половина свет“, алудирајќи дека независноста на Косово не ја признаваат приближно половина од земјите-членки на ОН.

Вучиќ најави дека до крајот на неделата српската влада ќе испрати барање до КФОР да дозволи враќање на илјада припадници на српските безбедносни сили на Косово, според Резолуцијата 1244 на СБСОН, и праша кој од важечките договори Западот го почитува за и Србија да го почитува.

„Кажете ни еден, ние ќе го почитуваме тој, вие одберете - сакате Кумановскиот договор, Повелбата на ОН, Резолуцијата 1244, Бриселскиот договор, Вашингтонскиот договор. Кажете ни што сакате?“ праша Вучиќ вчера, тврдејќи дека Приштина не почитува ниту еден од тие документи.

Српската премиерка Ана Брнабиќ рече дека „меѓународната заедница ги слуша косовските Срби само кога се на барикадите“, велејќи дека тоа „не е фер пристап“. Таа оцени дека кризата во Косово може да ги загрози странските инвестиции во Србија, ниската стапка на невработеност, растот на платите и пензиите и инфраструктурните проекти.

„Интересот на Белград е да ја зачува стабилноста на Косово, а интересот на косовскиот премиер Албин Курти е да предизвика нестабилност“, тврди Брнабиќ.

Шефот на европската дипломатија Жозеп Борел вчера ги повика двете страни да ги деескалираат тензиите и, по нападот врз патролата на мисијата ЕУЛЕКС, рече дека побарал дополнителни сили за судската мисија на ЕУ на Косово и дека ЕУ е подготвена да го стори тоа. .

Борел вчера во Брисел рече дека му рекол на специјалниот претставник на ЕУ за дијалогот меѓу Белград и Приштина, Мирослав Лајчак, дека патува во регионот поради актуелната криза. Лајчак утре ќе отпатува за Приштина и Белград и „ќе ги извести шефовите на држави или влади на ЕУ за исходот од мисијата“, изјави Борел за новинарите.

Во Косово престојува специјална делегација на САД, а американските претставници ќе разговараат и со највисоките претставници на Србија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Мексико веднаш да ги запре колоните кои формираат инвазија на нашата земја

Американскиот претседател Доналд Трамп се закани дека ќе ги удвои царините за Мексико ако не ги спречи големите групи мигранти кои, според него, се движат кон границата со САД. 

Трамп: Мексико веднаш да ги запре колоните кои формираат инвазија на нашата земја

Во објава на неговата социјална мрежа Truth Social, тој тврди дека по поразот на републиканците на конгресните избори, повторно се случува „инвазија“ на САД.

„Еве нè повторно! Поради наводниот пораз на републиканците на конгресните избори - на кои ЈАС НЕ СЕ КАНДИДИРАВ - ИНВАЗИЈАТА на нашата земја повторно се случува“, напиша Трамп.

„Мексико мора да ги запре сега“

Трамп тврди дека во Мексико се формираат големи каравани мигранти и се движат кон Соединетите Американски Држави.

„Се формираат огромни каравани и започнуваат нелегална кампања низ Мексико. Многу луѓе во овие каравани се оние што разни земји не ги сакаат - „Испратете ги во Америка“, велат тие - но нема да бидат прифатени!“, рече тој.

Потоа му се закани на Мексико со економски мерки ако не ги спречи мигрантите. „МЕКСИКО МОРА ДА ГИ ЗАПРЕ СЕГА, а ако не го сторат тоа, царините за Мексико ВЕДНАШ ќе бидат ДВОЈНИ“, напиша американскиот претседател.

„Нема да има отстапки“

Трамп рече дека Мексико, гувернерот на Тексас, американската гранична патрола и Службата за имиграција и царина (ICE) биле информирани за неговото барање. Тој конкретно го спомена новиот гувернер на Тексас, кого го опиша како „многу либерален“. „Нема да има отстапки! Ви благодарам за вниманието“, заклучи Трамп. Трамп не даде докази во објавата за тврдењата за караваните со мигранти, ниту прецизираше за кои постоечки царини ќе се однесува најавеното удвојување.

Тагови: Доналд Трамп Мексико

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Инфлуенсерка открива како за една недела заработила 90.000 евра на Јутјуб (ВИДЕО)

Интернет ѕвездата Триша Пајтас откри дека за само една недела заработила дури 100.000 долари (околу 90.000 евра) на YouTube. 

Инфлуенсерка открива како за една недела заработила 90.000 евра на Јутјуб (ВИДЕО)

Таа ги откри овие информации за време на гостувањето во емисијата „Watch What Happens Live“ на Енди Коен, во која учествуваше во играта „Plead the Fifth“. Откако ја откри сумата, таа отсечно додаде: „Тоа беше добра недела“.

Пејтас, која е домаќин на подкастот „Just Trish“, објавува видеа на Јутјуб од 2007 година. Сепак, не заработувала секогаш толку многу. Во интервју за Polyester Zine во 2023 година, таа објасни дека нејзините приходи варирале многу, во зависност од тоа колку често објавувала содржина и на кои платформи била активна. Инфлуенсерката, исто така, се потсети на периодот кога снимала видеа секој ден и заработувала значително повеќе.

YouTube video

Од mukbang до Холивуд

Триша Пајтас се занимавала со различни видови содржини низ годините. Таа е позната по нејзините вирални мукбанг видеа, во кои јаде големи количини храна пред камера, но и по нејзините музички видеа и влогови за секојдневниот живот. Повеќе од 20 милиони луѓе ја следат на различни социјални мрежи.

Во последните години, нејзината кариера се прошири и надвор од социјалните мрежи. Покрај водењето подкаст и снимањето ASMR видеа, претходно беше активна на платформата OnlyFans, се појавуваше на телевизија и се обидуваше да глуми.

За време на нејзината кариера, таа се појави во повеќе од 50 телевизиски и филмски проекти, вклучувајќи ги „Saturday Night Live“, „Celebrity Big Brother UK“ и „America's Got Talent“. Најавени беа и нејзините улоги во сериите „Hacks“ и „Euphoria“.

Во интервју за британскиот Vogue во 2024 година, таа откри дека реинвестира голем дел од својата заработка во снимање содржини. Како што рече, трошела десетици илјади долари за продукција на раскошни видеа.

Семејство и нови мемоари

Големи промени се случија и во нејзиниот приватен живот. Во декември 2021 година, таа се омажи за израелскиот уметник и фотограф Мозес Хацмон, кој редовно ѝ се придружува во водењето на подкастот „Just Trish“. Двојката има три деца: ќерката Малибу Барби, родена во септември 2022 година, ќерката Елвис, родена во мај 2024 година, и синот Аквамен Мозес, роден во јули 2025 година.

Порано оваа недела, Пајтас објави и мемоари од 368 страници со наслов „Плачење на кујнскиот под“. Во книгата, таа го опишува растењето во Илиноис, обидите да успее во Холивуд, контроверзиите што следеа по нејзината интернет кариера и нејзините проблеми со менталното здравје. Таа, исто така, пишува за тоа како со текот на времето пронашла стабилност во семејниот живот.

Тагови: инфлуенсерка Јутјуб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Руте: Русија месечно губи повеќе војници, отколку САД за време на целиот Виетнам (ВИДЕО)

Русија губи повеќе од 40.000 војници во Украина секој месец, вклучувајќи мртви и тешко ранети, изјави генералниот секретар на НАТО, Марк Руте. 

Руте: Русија месечно губи повеќе војници, отколку САД за време на целиот Виетнам (ВИДЕО)

Тој истакна дека оваа бројка е споредлива со вкупните американски загуби во текот на 14-те години од војната во Виетнам. Руте го изјави ова во говорот на форумот „Атлантска иднина“ што се одржа вчера, пренесува Украинска правда.

Споредба со Виетнам

Руте објасни дека рускиот претседател Владимир Путин не успева да ги постигне своите цели на бојното поле, наведувајќи ги огромните човечки загуби што Русија ги претрпува во последните месеци како причина.

„Соединетите Американски Држави изгубија 56.000 луѓе во Виетнам за 14 години. Тука, Русија има 40.000 мртви или тешко ранети само за еден месец. Првите податоци за октомври покажуваат дека овој број би можел да надмине 50.000. Педесет илјади за само еден месец“, рече Руте.

Напади врз цивили и хибридна војна

Генералниот секретар на НАТО смета дека Путин, откако не успеа на фронтот, се свртел кон напади врз цивили за да ја скрши волјата на Украина за борба. Тој рече дека Русија ги таргетира украинските градови со ракети и беспилотни летала и се обидува да уништи клучна инфраструктура пред зимата.

„Русија, исто така, ја интензивираше својата кампања на непријателски активности низ Европа. Путин се обидува да нè подели, да ги дестабилизира нашите општества и да ја наруши нашата поддршка за Украина преку палежи, инциденти со беспилотни летала, кибернапади и други злонамерни дејствија. Но, да бидеме јасни - тој не успева. Ние одговараме на секој руски хибриден напад врз нашите земји со испраќање уште поголема помош на Украина“, рече тој.

Проценки за вкупните загуби

Алијансата претходно процени дека Русија имала повеќе од 50.000 жртви само во септември, од кои 28.000 биле убиени, што е значително повеќе од загубите на украинските вооружени сили. Според проценка објавена ова лето, НАТО верува дека Русија изгубила повеќе од 1,4 милиони војници од почетокот на инвазијата.

Тагови: Марк Руте русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер