Градоначалникот на Морез, мало индустриско гратче на истокот на земјата, рече дека вредноста на откритието е повеќе од 650 000 евра.
Вработените во градското собрание нашле три теглички со златни шипки и монети од 500.000 евра на задниот дел од прашлива полица, а потоа отвориле сеф скриен зад кутиите во плакарот и пронашле повеќе златници во вредност од околу 150.000 евра, пишува Гардијан.
Градоначалникот Лоран Петит рече дека четири сирачиња живееле во трикатната зграда во центарот на градот. Кога минатата година последниот починал во деведесеттите години, роднина ја понудил зградата на продажба во градското собрание за 130 илјади евра. Морез, како и многу други градови во Франција, се обидува да ги откупи и обнови старите згради за да ги привлече семејствата назад во нивниот сè попразен центар.
„Куќата беше полна со предмети и мебел“, рече Петит. „Имаше неколку генерации кои не фрлале ништо, чувале сè и живееја навистина штедливо. Се согласив дека ќе го откупиме имотот како што беше и постепено самите ќе ја испразниме содржината на објектот“.
Со оглед на тоа дека Морез, сместен во близина на границата со Швајцарија, некогаш бил познат по производство на часовници и очила, градските власти сакале да проверат дали има некаков историски артефакт меѓу овие предмети.
Вработените во општината, вклучително и градоначалникот, менаџерот за услуги и управителот на локалниот музеј, одлучиле самите да проверат дали постојат такви предмети. Тие ги следеле правилата за социјално дистанцирање, земале по еден кат, и внимателно сортирале кутии и отворале плакари.
„Три тегли полни со златни шипки стоеја зад многу други предмети на полицата“, рече градоначалникот. "Бевме изненадени и запрепастени. Никој од нас никогаш не држел парче злато. Златни прачки сум видел само на фотографии и помислив дека мора да бидат огромни. Но, тие беа мали, тешки 1 кг и со големина на кутија цигари, " тој додаде.
Се проценува дека пет златни прачки и повеќе од 1.000 златници се во вредност од 500.000 евра.
Второто откритие се случило неодамна кога зад картонски кутии бил пронајден сеф кој содржел стотици други златници во вредност до 150.000 евра. Тој вели дека е невозможно да се процени кој од семејството што живеело таму стекнало толку многу богатство.
Петит вели дека постар братучед на сопственикот кој му ја продал куќата на советникот бил „сериозен“ кога ја слушнал веста за пронајденото богатство. „Тој беше многу филозофски настроен- слушна за златото од семејството, но сметаше дека тоа е подарок“.
Откритието е мало во споредба со годишниот буџет на градот од шест милиони евра, но ќе се потроши за посебен јавен проект за кој допрва ќе се одлучува. „Не можам да кажам дека ова откритие нè претвори во Лас Вегас, но донесе насмевка на нашите лица“, рече Петит.