Културното лето во Кисела Вода: Вечерва забавата продолжува со 2Bona и Voyage - Канал 5

Македонија

Културното лето во Кисела Вода: Вечерва забавата продолжува со 2Bona и Voyage

Одличен настап на Влатко Миладиновски, роденден на сцена за Лозано, еуфорија со Таско, а вечерва забавата продолжува со 2Bona и Voyage.

Културното лето во Кисела Вода: Вечерва забавата продолжува со 2Bona и Voyage

Кисела Вода викендов е центар на одлична забава и квалитетна музика. Втората вечер од Културното лето го претвори плоштадот Расадник во место со неверојатна енергија, каде илјадници посетители од сите генерации уживаа во настапите на познатите музички имиња.

Вечерта започна со одличниот сет на ДЈ Марио Трампет, кој направи совршена увертира за она што следуваше. Паркот ечеше од најубавите македонски народни рефрени во изведба на Влатко Миладиновски, по што сцената ја презеде македонската поп-ѕвезда Влатко Лозаноски - Лозано. За него ова беше двојно празнична вечер бидејќи токму синоќа го прослави својот 41 роденден, па пред бројната публика симболично дувна свеќичка на роденденската торта директно на сцената.

Вистинска еуфорија настана кога пред публиката излезе раперот Таско. Со својот препознатлив урбан звук и големите хитови, тој создаде одлична атмосфера во која публиката

постојано пееше и играше. Настапот донесе и еден посебен, емотивен момент. Имено, зад сцената беше присутна и неговата 75-годишна баба Павлинка, која за првпат дојде на негов концерт за да го поддржи својот внук.

Покрај големиот музички настан, вчерашниот ден попладнето имаше и своја хуманитарна страна. Во паркот „Шопен“ се одржа традиционалната Коријада во организација наЗдружението на пензионери од Кисела Вода, збогатена со изложба на ракотворби од дечињата со посебни образовни потреби. Сите собрани средства од овој настан се наменети за помош на семејствата настрадани од елементарни непогоди.

Програмата на Културното лето на Општина Кисела Вода продолжува во ист, силен ритам и денес, каде акцентот повторно е ставен на модерните звуци, популарните жанрови и атрактивните музички ѕвезди. Денот започнасо „Семеен ден“ во паркот Македонија, каде најмалите уживаа во дружба со аниматори, танцови точки со „Данса Латина Стефи“ и омилените детски песнички од фестивалот „Киселко“.

Нова голема забава следува вечерва на добро познатата локација на плоштадот Расадник, со почеток од 20:00 часот. Загревањето е резервирано за одличните локални млади локални бендови и ДЈ Доријан, кои ќе направат вовед во музичкиот спектакл. Вечерва Кисела Вода ќе биде домаќин на две исклучително популарни имиња – македонското хип-хоп дуо 2Bona, а веднаш по нив на сцената стапува и балканската ѕвезда Voyage! Сите граѓани се поканети и вечерва да бидат дел од одличната атмосфера во Кисела Вода, соопштуваат од Општината.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сергеј Трифуновиќ и неговата сопруга приведени по инцидент во продавница?

Актерот Сергеј Трифуновиќ и неговата сопруга Исидора Мијановиќ наводно се нашле во центарот на инцидент во познат белградски трговски центар, што ја принудило полицијата да интервенира. 

Сергеј Трифуновиќ и неговата сопруга приведени по инцидент во продавница?

Драмата се одвивала во популарна продавница кога во Исидора се посомневало обезбедувањето, кое потоа сакало да ја претресе, пишува Телеграф.

Нејзиниот сопруг Сергеј, јавуваат српските медиуми, реагирал бурно на ова и не им дозволил да ги претресат нејзините работи, што ескалирало во вербален конфликт. Обезбедувањето потоа повикало полициска патрола која го однела парот во полициската станица.

Таа се огласи откако ја напуштила полициската станица

Исидора подоцна сама ја напуштила полициската станица, додека Сергеј, како што се испоставило, си заминал порано. Таа накратко им се обратила на собраните новинари пред станицата.

„Само дојдов да ги земам документите“, рекла кратко, одбивајќи да биде снимена, пренесува Телеграф.

Фото: ВИ

Тагови: инцидент Сергеј Трифуновиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина отвора мегацентар за вештачка интелигенција. Ќе троши два гигавати (ВИДЕО)

Кина отвори индустриски парк за вештачка интелигенција во северниот регион Внатрешна Монголија, за кој инвеститорот тврди дека е најголем во светот.

Кина отвора мегацентар за вештачка интелигенција. Ќе троши два гигавати (ВИДЕО)

Комплексот „Envision Galaxy Campus“, сместен во градот Уланкаб, започна со работа во четврток. Компанијата за зелена технологија „Envision Group“ вели дека е најголемиот поединечен центар за податоци со вештачка интелигенција во светот во однос на капацитетот за обработка на токени, објави „Global Times“.

Капацитет и технички спецификации

Новиот комплекс е исто така најголемиот индустриски парк за вештачка интелигенција во Кина, со планиран капацитет од два гигавати. Зафаќа површина од 120.000 квадратни метри и е дизајниран да ја поддржи компјутерската моќ до еден милион единици за графичка обработка (GPU) кои можат да работат истовремено.

Зелена енергија и глобална иницијатива

Компанијата вели дека повеќе од 80 проценти од електричната енергија потребна за работа на центарот доаѓа директно од обновливи извори. Проектот е водечки развоен напор како дел од иницијативата „Mission Gobi“. Со оваа иницијатива, „Envision“ планира да изгради пет гигавати капацитет за зелено пресметување со вештачка интелигенција во пустински и сушни региони низ целиот свет до 2030 година. Планот комбинира големи центри за податоци со обновливи извори на енергија и системи за складирање.

Извор: Индекс.хр

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ги комбинира минатото и иднината: V12 хибрид инспириран од една од најголемите икони.

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ја претстави специјалната серија „Revuelto Miura 60° Homage“, која ја одбележува 60-годишнината од лансирањето на легендарниот модел „Miura“.

Премиерата ќе се одржи за време на настанот „Monterey Car Week“, а производството ќе биде ограничено на само 99 примероци.

Специјалното издание е развиено од одделот „Ad Personam“, одговорен за персонализација на возилата.

На клиентите ќе им бидат понудени девет бои на каросеријата инспирирани од оригиналната „Miura“, со контрастни детали во златна или сива боја, ексклузивни тркала и значки „Miura 60“ на праговите.

Внатрешноста има седишта со мотиви инспирирани од оригиналната „Miura“, дополнителен кожен тапацир, вез „Miura 60“ и плочка што потврдува дека е еден од само 99 произведени автомобили.

Нема промени под хаубата. „Revuelto Miura 60° Homage“ е напојуван од познатиот „plug-in“ хибриден систем кој комбинира атмосферски 6,5-литарски V12, три електрични мотори и осумстепен менувач со двојна спојка.

Вкупната моќност е 1.015 КС (747 kW), што му овозможува на овој хипер автомобил да забрза од 0 до 100 км/ч за само 2,5 секунди, додека максималната брзина надминува 350 км/ч.

Компанијата вели дека специјалната серија претставува комбинација од богатата историја на брендот и модерните опции за персонализација по кои е познат „Lamborghini“ денес.

Извор: Б92

Тагови: Lamborghini

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер