Кучињата на богатите од Емирати тренираат во климатизирани теретани- било жешко за шетање - Канал 5

Живот

Кучињата на богатите од Емирати тренираат во климатизирани теретани- било жешко за шетање

Оскар ги победува летните горештини во Обединетите Арапски Емирати со вежбање во разладена теретана, трчајќи на лента за трчање два до три пати неделно. Ништо необично - освен што Оскар е куче.

Кучињата на богатите од Емирати тренираат во климатизирани теретани- било жешко за шетање

И додека растечките температури во Заливот стануваат опасност по здравјето поради зголемените стравови од брзината на климатските промени, оние кои можат да си дозволат да не работат надвор на силното сонце, остануваат внатре со климатизери. А за сопствениците на разгалените миленичиња кои имаат пари за трошење, климатизираните теретани за кучиња станаа погодно решение.

„Во зима би го носела надвор, но во лето останува дома. Затоа што кога и да го изнесам му е лошо од жештината“, вели сопственичката на Оскар, Мозалфа Кан, иналу пакистанска иселеничка.

Заливот богат со ресурси е еден од најзагрозените региони од глобалното затоплување, а некои градови се соочуваат со можност да станат непогодни за живеење до крајот на векот. Температурите во Емиратите често се искачуваат над 45 степени Целзиусови, а може да останат над 40 степени дури и по полноќ. Обединетите Арапски Емирати, како и другите земји од Персискиот залив, влегуваат во делумна хибернација за време на долгите, топли лета, а оние кои можат да си го дозволат тоа остануваат во климатизираните домови и работни места.

Оскар, велшки корги, сега работи во Posh Pets Boutique and Spa во Абу Даби, салон за дотерување што нуди, како што ја нарекуваат, прва теретана за кучиња во ОАЕ. Персоналот внимателно го врзува на една од двете ленти за трчање пред да почне да трча, со стаклени прегради од двете страни за да не падне. Наместо да се поставуваат на одредени брзини, траките за трчање автоматски се прилагодуваат на темпото на секое куче.

Сопственичката на Оскар почнала да го носи во теретана во главниот град на Емиратите, откако ветеринарот ја советувал да не го шета во лето поради ризикот од топлотен удар. „Минатото лето ми беше многу тешко бидејќи вакво место немаше“, вели Кан. Со голема топлина и влажност „шетаме само две-три минути и готово, не сака да оди“.

Мансур ал-Хамади, сопственикот на Posh Pets, љубител на кучиња, наплаќа 25 американски центи за минута за користење на лентата за трчање или 7,50 долари за половина час трчање. Кучињата треба да вежбаат најмалку 30 минути дневно, велат експертите.

„Замислете да можете да пешачите само една или две минути дневно“, изјавил Хамади за АФП.

„Внимателно го проучувавме проектот за да биде 100 отсто безбеден. Сè беше избрано внимателно, не случајно, за да се избегнат идни проблеми и да не се повредат кучињата“, додава тој.

Дестин, седуммесечниот германски овчар, исто така е редовен, оди во теретана и си игра со другите кучиња.

„За здравјето на кучето, подобро е малку да вежба и да се умори“, вели сопственикот на Дестини, Фаед ал-Монџед.

На неодамнешниот натпревар за трчање, Дестини постигнал најголема брзина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Линдзи Лохан сподели фотографии од одморот со сопругот и синот

Линдзи Лохан го завршува својот европското летување, а новите фотографии што ги сподели со обожавателите покажуваат дека го искористила максимално својот одмор.

Линдзи Лохан сподели фотографии од одморот со сопругот и синот

40-годишната актерка објавува детали од своето патување во последните недели, а во четврток сподели нови моменти од својот одмор на Инстаграм.

На фотографиите се нејзиниот сопруг Бадер Шамас и нивниот тригодишен син Луаи.

Таа сподели фотографии од својот одмор

„Ти благодарам, лето. Беше одлично“, напиша актерката која живее во Дубаи. „Благодарна сум за времето што го поминав со моите пријатели и семејство и за светот во кој живееме. Се чувствувам благословена.“ Покрај фотографиите од себе и пријателите, Лохан објави и неколку моменти со својот сопруг.

Парот, кој е во брак од април 2022 година, го поминал својот одмор на луксузен брод. Во претходните објави од нивниот одмор, таа откри дека била „некаде на море“ и се пошегува за својата „морска фризура“.

Иако Лохан ретко открива детали за животот на својот син, овој пат направи исклучок. Таа сподели неколку фотографии од Луаи како поминува време со својот татко додека пливаат и возат кајак.

„Следната деценија ќе биде поинаква“

Лохан неодамна се осврна на својот 40-ти роденден. Во објава на Инстаграм, таа го спомена своето минато и грешки и нагласи дека е благодарна за животните лекции и луѓето што останале покрај неа. Таа ја започна пораката со зборот „четириесет“ и се осврна на изминатите четири децении:

„Благодарна сум за секое поглавје што ме доведе до оваа точка. За лекциите, смеата, љубовта, неочекуваните пресврти и луѓето што беа со мене низ сето тоа. Оваа следна деценија се чувствува поинаку. Јас сум поприземјена, посвесна и посреќна. Ги славиме семејството, пријателството, новите почетоци и создавањето на најубавите спомени досега. Ви благодарам на сите за честитки за роденден.“

Извор: Индекс.хр

Тагови: Линдзи Лохан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Инстаграм го претстави „First Draft“

Функцијата ќе им се допадне на сите корисници на „Reels“.

Инстаграм го претстави „First Draft“

Инстаграм воведе нова опција за „Reels“ наречена „First Draft“, алатка што им овозможува на корисниците да креираат нови видеа со автоматско спојување на најдобрите клипови од постоечките снимки. Системот независно ги избира најинтересните делови и ги составува во првата верзија на видеото.

Автоматизирано креирање видеа

Новата функција работи со составување на работна верзија на нов „Reels“ врз основа на избраните видеа. Апликацијата ги извлекува најдобрите делови од секој клип и ги спојува во целина. „Само изберете ги вашите клипови и апликацијата ќе ги отстрани паузите и ќе ги скрати клиповите со еден допир. Ова ви дава основа за понатамошно уредување за само неколку секунди“, објасни Инстаграм.

Креаторите на содржини потоа можат да го уредуваат и прилагодуваат генерираниот нацрт според нивните сопствени преференции, што им олеснува да започнат со работа на нов проект. „Сè што генерира „First Draft“ може да се уредува подоцна. Корисниците можат да го прилагодат или преуредат кој било дел пред објавување“, соопшти компанијата, додавајќи: „Алатката го извршува почетното сечење на видеото, така што корисниците можат да се справат со помалку технички дел од продукцијата и побрзо да продолжат со креативната работа.“

Заштедете време и фокусирајте се на креативноста

Инстаграм верува дека оваа функција ќе го поедностави процесот на креирање содржина со тоа што ќе понуди клучни алатки на едно место. Корисниците позитивно реагираа на новината. „Ова заштедува огромно време на видеа каде што некој зборува во камерата“, коментираше еден корисник на „Treads“.

„Рачното отстранување на тишината трае цела вечност!“

Алатката е корисна затоа што им дава на креаторите почетна структура за нова содржина, користејќи материјали што веќе ги поседуваат. Нејзината важност се зголемува дополнително кога ќе се земе предвид дека гледањето „Reels“ сочинува приближно 50 проценти од вкупното време што корисниците го поминуваат на Инстаграм. Затоа интегрирањето на „Reels“ во редовното производство на содржини стана клучно.

Достапност и иден развој

Опцијата „First Draft“ моментално се воведува за корисниците на „iOS“ и се очекува наскоро да биде достапна и на „Android“. Корисниците можат да пристапат до неа директно од галеријата „Reels“ или преку камерата на „Instagram“. Некои корисници изразија желба да ја видат алатката интегрирана во посебната апликација „Instagram Edits“, што би можело да се случи во идно ажурирање.

Тагови: Инстаграм First Draft

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Голем јубилеј: „BMW“ брои до два милиони!

„BMW“ достигна важна пресвртница во својата електрична офанзива - германскиот производител испорача два милиони целосно електрични автомобили.

Голем јубилеј: „BMW“ брои до два милиони!

Продадениот модел за јубилејот беше „BMW i5 M60 xDrive“, произведен во фабриката во Динголфинг и испорачан на клиент во Шпанија.

Вклучувајќи ги и „plug-in“ хибридите, „BMW Group“ вели дека продала околу 3,5 милиони електрифицирани возила од 2013 година. Во првата половина на 2026 година, повеќе од еден од четири автомобили продадени од компанијата ширум светот имале некаков облик на електричен погон.

Европа го предводи патот

„BMW“ бележи особено силен раст на европскиот пазар. Продажбата на целосно електрични модели на„ BMW“ во Европа се зголеми за 38 проценти во вториот квартал на 81.445 возила.

Целосно електричните автомобили учествуваа со околу 28 проценти од вкупната продажба на „BMW“ во Европа во првата половина на 2026 година.

Растот на електричните возила не е ограничен само на „BMW“. Речиси 1,5 милиони целосно електрични автомобили беа регистрирани низ цела Европа до крајот на јули, што е зголемување од 30 проценти во споредба со истиот период минатата година.

Само во јули, електричните автомобили учествуваа со 35 проценти од пазарот на нови автомобили во Франција и 29 проценти во Германија, додека Данска достигна дури 80 проценти.

Новиот „iX3“ веќе привлекува клиенти

„BMW “ сега смета на големиот успех на новиот модел „iX3“. Компанијата вели дека бројот на нарачки се приближува до 100.000, а од неговото лансирање, секое трето електрично „BMW“ нарачано во Европа е „iX3“.

Уште поинтересно е што дури половина од сите нарачки за модели од семејството „BMW X3“ на европскиот пазар веќе се однесуваат на целосно електричната верзија.

Овој резултат покажува колку брзо се менува европскиот пазар на автомобили, но и колку „BMW“ сега има корист од повеќе од една деценија развој на електрични модели, што започна со лансирањето на тогаш многу неконвенционалниот „BMW i3“.

Извор:Б92

Тагови: BMW

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер