Крушево домаќин на светската параглајдинг елита - Канал 5

Живот

Крушево домаќин на светската параглајдинг елита

Крушево на едно место ги донесе врвните светски параглајдеристи на Светскиот куп што го рангира градот и полетувалиштето на Мечкин Камен во топ светските дестинации и најдобрите параглајдинг полетувалишта.

Крушево домаќин на светската параглајдинг елита

До четврток градот е домаќин на околу 130, од кои 70 највисоко рангираните светски параглајдеристи.

Според Горан Димишкоски, претседател на светскиот куп во параглајдерство тоа значи дека ова е еден од насилните светски натпревари воопшто.

-Ова е Светски куп во параглајдерство. Станува збор за циклус на натпревари, функционира како меѓународна лига. Тоа е циклус од пет натпревари во годината на најдобрите дестинации во светот и одовде се селектираат најдобрите за светски и европски првенства. Според квалитетот ова е исклучително јак натпревар. По Светското првенство во 2019 година, Крушево е ставено во редот на најдобрите места во светот за параглајдерство и 70 од овие 130 натпреварувачи овде се највисоко рангирани во светот. Тешко дека може на друго место да се собере појака конкуренција. Сите натпреварувачи имаат свои екипи, така што овде се преку 500 учесници и очекуваме да помине во најдобар ред. Овој куп ќе трае до четврток и има седум трки, објаснува Димишкоски.

Мартин Јованоски, организатор на првенството вели дека натпреварот е иницијална каписла за уште поголем развој на алтернативниот туризам.

-Ова е највисокото ниво во параглајдерството. Во Македонија организиравме Светски купови во 2012 и во 2014 година. Во меѓувреме организиравме европско и светско првенство, а сега повторно дојде ред за еден голем натпревар. Би рекол ова е најголемиот натпревар на најдобрите, можеби во историјата на параглајдерството. Овој светски куп е иницијална каписла да продолжи тој развој на алтернативниот туризам што го водевме последните 10 години, изјави Јованоски.

При посетата на полетувалиштето на Мечкин Камен, параглајдеристите отворено и расположено објаснуваат зошто Крушево е во петте топ светски дестинации.

-Местото е чудесно за летање. Има стабилно време, многу погодни денови за летање. Во Крушево сум бил повеќепати во многу натпреварувања, а сега и на светскиот куп, рече Степан Кишиџи од Украина

-Го сакам ова место. Нуди многу опции, прекрасна природа и супер е. Го сакам, вели Руни Хајсен од Холандија

Овде сум да ги следам натпреварите како камерман. Го сакам Крушево, тука сум повеќепати и е едно од најдобрите места во светот за летање. Во топ пет светски места е, заклучува Филип Бровс од Белгиј

Крушевскиот градоначалник Томе Христоски вели дека градот е полн со гости. Во моментов има околу 2 000, а до крајот на сезоната уште преку 7 000 гости и туристи. Крушево ги очекува спортските инвеститори.

-Крушево прерасна во светска препознатлива, примамлива туристичка дестинација, посебно, за авантуристички туризам. За параглајдерство и змејарство. Официјално започна Светскиот куп на кој има околу 40 земји учесници со над 100 натпреварувачи а со вкупно учесници над 600. Се бара место и легло повеќе. Примамливо е да се следи натпреварот. Сакаме да направиме уште натпревари кои ќе привлечат дополнително многу посетители, а со тоа ќе привлече внимание и инвеститори за развој на Крушево. Во наредниот период Крушево е подготвено за другите натпреварувања и манифестации: 10 Дена Крушевска Република, во меѓувреме има саеми за туризам и за инвестиции кои првпат се одржуваат во Крушево. Во наредниот период се и пливачкиот маратон, Крушево на точак, изјави Христоски. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Новиот изглед на Били Ајлиш ги збуни фановите: Изгледа како друга личност (ФОТО)

Били Ајлиш во последните месеци се појавуваше поретко во јавноста бидејќи работи на филмската адаптација на романот „Стаклено ѕвоно“. 

Новиот изглед на Били Ајлиш ги збуни фановите: Изгледа како друга личност (ФОТО)

Добитничката на десет Греми награди и два Оскари претходно привлече внимание со фотографии од снимањето, на кои покажа голема промена во изгледот за улогата. Сега новите фотографии повторно ја разгореа дебатата на социјалните мрежи, а некои гледачи почнаа да ја споредуваат со познати актерки.

Нов изглед во кампањата за накит

Пејачката и нејзиниот брат Финеас О'Конел оваа недела претставија нова колекција накит создадена во соработка со брендот Џон Харди. Кампањата е придружена со фотографии на кои Били изгледа многу поинаку отколку што е навикната публиката, а дел од материјалот од снимањето го сподели на социјалните мрежи нивната мајка Меги Берд.

„Воопшто не личиш на себе“

Промената во изгледот на 24-годишната пејачка не остана незабележана. На платформата X, некои корисници коментираа дека нејзиниот нов изглед ги потсетува на Емили Блант. „Што се случи со неа? Сега личи на Емили Блант“, напиша еден корисник.

Други го привлекоа вниманието на нејзиниот поедноставен изглед, кој го опишаа како естетика на „чиста девојка“. „Изгледа како сосема поинаква личност, мојот мозок не може да го процесира тоа“, напиша еден обожавател. „Што по ѓаволите, воопшто не личи на себе“, додаде друг.

Растење или само различен стил?

Дебатата се прошири на Reddit, каде што корисниците се обидоа да објаснат зошто Ајлиш сега изгледа толку поинаку. Некои од нив веруваат дека тоа е сосема природна промена во изгледот за време на растењето. Пејачката стана светски позната како тинејџерка, па денес, во средината на дваесеттите години, нејзиниот изглед е очекувано различен отколку на почетокот на нејзината кариера.

„Човече, изгуби го тоа бебешко сало од лицето“, напиша еден корисник.

Други заклучија дека нејзината шминка направила најголема разлика. Со години, Ајлиш беше препознатлива по нејзините нагласени очи и карактеристична шминка, додека на новите фотографии има многу посуптилен изглед.

Покрај Емили Блант, корисниците на социјалните мрежи ја споредуваа и со Ема Стоун и Сара Полсон.

Тагови: Били Ајлиш

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Маж среде бел ден киднапира девојче пред безнинска, ја зграпчи за врат- драма во Флорида (ВИДЕО)

Неидентификуван маж бил снимен на надзорна камера како се обидува да киднапира 13-годишно девојче пред бензинска пумпа „Шел“ во Флорида, откако ја зграпчил за вратот, соопшти полицијата.

Маж среде бел ден киднапира девојче пред безнинска, ја зграпчи за врат- драма во Флорида (ВИДЕО)

Кратко по инцидентот во градот Мирамар, на 32 километри од Мајами, властите го именуваа осомничениот како Мајкл Поланко, 32, објави „Дејли меил“.

На вознемирувачката снимка се гледа маж со кацига за велосипед, беж маица и темни шорцеви како се приближува кон девојчето.

Потоа тој покажал во правец на нешто што изгледало како скутер на паркингот, потоа ја обвил раката околу нејзиниот врат и ја одвел во друг дел од областа.

Сепак, девојчето успеало да се ослободи. Не е познато дали е повредена, а мажот веднаш избегал од местото на настанот, соопшти полицијата.

Сведок кој работел во блиска автосервис изјавил дека видел маж како го зграпчува девојчето, кое изгледало како да ќе заплаче.

Таа втрчала во продавница на бензинската пумпа и се јавила на 911 откако сведокот му се развикал на мажот, се вели во извештајот.

Други сведоци ѝ кажале на полицијата дека го слушнале мажот како дава вознемирувачки коментари.

„Девојката рекла дека осомничената ја замолила да го бакне неколку“, според аудио-снимка од разговорот со диспечер, објавена од WSVN.

„Детето се борело, успеало да се ослободи, втрчало во продавницата на бензинската пумпа, врескало најсилно што можело и го привлечело вниманието кон она што се случувало, што им овозможило на луѓето да повикаат помош“, рече началникот на полицијата во Мирамар, Делрих Мос.

„Не знам зошто дошол тука, но ни е мило што бил уапсен пред да може да направи нешто позлобно“, додаде тој.

Полицијата брзо го уапсила осомничениот, откако добила дојава за маж што одговара на описот, а кој бил вмешан во друг инцидент во областа.

Полициските службеници го лоцирале осомничениот и го уапсиле откако сведок и девојчето позитивно го идентификувале, се вели во соопштението.

YouTube video

Тој се соочува со повеќе обвиненија, вклучувајќи напад, телесна повреда и киднапирање, или нанесување телесни повреди или заплашување на жртва.

Судијата во вторникот ја одбила кауцијата за време на судското рочиште. Локалната полициска станица вели дека Поланко има историја на претходни правни проблеми.

Тагови: девојче флорида

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Двајца мажи загинаа во бизарен ритуал- се удавија поради парче земја (ВИДЕО)

Се претпоставува дека спорот за земјиште е за тоа кој е сопственик на одредена парцела земја. 

Двајца мажи загинаа во бизарен ритуал- се удавија поради парче земја (ВИДЕО)

Сепак, на реката Гламанг во Барангај Датал Ангас, општина Алабел, покраина Сарангани, Филипини, двајца земјоделци наводно влегле во водата за да решат таков спор. Ниту еден од нив не излегол жив, објави Дејли Трибјун.

Тони Буланон Мансаг, 69, и Гаспар Тусан Паласанон, 49, двајцата жители на селото, починаа во петок, 16 октомври, откако учествувале во традиционална церемонија позната како „сулиф“, која наводно имала за цел да помогне во решавањето на споровите околу парцела земја.

Според прелиминарните информации од полициската станица Алабел, двајцата мажи влегле во реката околу 10 часот наутро и останале под вода приближно 12 минути. Не можеле да излезат на површина, објави Трибуна.

Тие биле извлечени од водата и итно префрлени во медицински установи. Мансаг бил прогласен за мртов во покраинската болница Сарангани, додека Паласанон бил однесен во болница во градот Генерал Сантос, каде што подоцна починал.

Според првичните извештаи, церемонијата се одржала откако страните во спорот не успеале да најдат друго решение за нивниот спор за земјиштето. Сепак, точните околности на смртта на двајцата мажи, како и деталите за самиот спор, остануваат под истрага.

Нивната смрт покрена прашања за тоа што се случува кога споровите за земјиштето не можат да се решат преку конвенционални средства. Достапните извештаи не објаснуваат зошто мажите се согласиле да учествуваат на церемонијата, какви правила биле во сила за време на нејзиното изведување или дали биле свесни за ризиците на кои се изложувале.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер