Свет

Кралицата Камила e именувана за вицеадмирал на британската морнарица, прва жена на таа функција (ВИДЕО)

Британската кралица Камила е назначена за вицеадмирал, што го одразува „високото почитување“ што го има меѓу морнарите, објави командантот на Кралската морнарица.

Генералот Гвин Џенкинс рече дека почесната улога „дополнително ќе го зајакне односот на Нејзиното Височество со службата“, објави Би-Би-Си.

Назначувањето се случи денеска кога Камила ја посети поморската база во Девонпорт, каде што, како покровител на подморницата ХМС Астут, учествуваше на церемонија по повод завршувањето на нејзината прва фаза од работењето.

„Екипажот е исклучително почестен од покровителството на кралицата“

Почесната титула, која датира од средината на 16 век, вклучува доделување од поморски офицер на британската морнарица. Ѝ ја предаде на Камила контраадмиралот Енди Перкс, началник на подморничката служба.

Џенкинс рече за титулата: „Почесната титула го одразува високото почитување што сите го имаме за Нејзиното Височество“.

Подморницата ХМС Астут ќе претрпи голем ремонт во Девонпорт, што ќе ѝ овозможи да продолжи да патролира во британските води.

Нејзиниот командант Кристофер Бејт рече дека екипажот бил исклучително почестен од покровителството на кралицата. „Нејзиното Височество Кралицата нè поддржуваше од самиот почеток, постојано покажувајќи длабока посветеност на сите аспекти од нашата работа“, рече тој.

Тагови: Камила морнарицата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Повторно Иран и САД разменија оган, цените на нафтата пораснаа утринава

Иран лансираше „повеќе“ балистички ракети во „обид за ненадеен напад“ врз американските сили на Блискиот Исток, соопшти американската војска, со што се прекина затишјето во борбите.

Сите ракети беа „успешно пресретнати“, соопшти централната команда на сад . Иран соопшти дека целта била американска база во јордан.во меѓувреме, американската војска и силите на Саудиска Арабија ги нападнаа „терористите поврзани со Иран“ во Ирак, како одмазда за нападите со беспилотни летала. Новите напади ставија крај на краткиот прекин на непријателствата меѓу САД и Иран, кој имаше за цел да ги врати преговарачите на масата за преговори.

Иранската исламска револуционерна гарда, исто така соопшти дека погодила три танкери за нафта во Ормутскиот теснец, според новинската агенција ТАСНИМ.

Цените на нафтата пораснаа утринава поради загриженоста дека ескалацијата на конфликтот би можела дополнително да го наруши транспортот на енергија низ теснецот.

Во утринското тргување во Азија, глобалната референтна цена на суровата нафта од типот брент порасна за 4,3% на 87,70 долари за барел, додека нафтата што се тргува на американскиот пазар беше повисока за 4,2% на 82,62 долари.

Најновите напади се совпаднаа со посетата на израелскиот премиер Нетанјаху на Вашингтон, каде што се сретна со Трамп во Белата куќа и присуствуваше на погребот на американскиот сенатор Линдзи Греам.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево и топло со температура до 38 степени

Според Управата за хидрометеоролошки работи времето денес во Македонија ќе биде сончево и топло со мала до умерена локална облачност.

Ќе дува слаб до умерен ветер од променлив правец. Максималната температура ќе биде во интервал од 30 до 38 степени.

Во Скопје, сончево и топло со слаб ветер од променлив правец. Максималната температура ќе достигне до 35 степени.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Без вода дел од општина Ѓорче Петров

Водоснабдувањето ќе биде прекинато од 07:40 часот до завршување на работните активности.

Поради уличен дефект на водоводна цевка на улицата „Ѓорче Петров“ со булевар „Македонска Војска“ прекинато водоснабдување ќе бидат дел од корисниците на улицата „Ѓорче Петров“, булеварот „Македонска Војска“, „Виа Игнатиа“, „Мице Козар“, „Стоби“, „Александар Мутурков“, „Крсте Гермов-Шакир“ и дел од „Шидска“.

Водоснабдувањето ќе биде прекинато од 07:40 часот до завршување на работните активности.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.