Бизарно

Крадец се обидел да ѝ го украде мобилниот на атлетичарка- многу згрешил

Крадец во Лондон избрал погрешна жртва кога се обидел да го украде мобилниот телефон на атлетичарката Елизабет Лопез Агилар (24) додека таа снимала видео за TikTok.

Атлетичарката веднаш потрчала по него и брзо го вратила телефонот со помош на нејзиното момче.

Агилар, која е од Тексас, била на одмор во Лондон, славејќи го роденденот на своето момче Абрахам Тахту. Таа го ставила мобилниот телефон пред себе на Викторија Ембанкмент, во близина на Лондонското око, за да сними видео, кога еден маж дотрчал и ѝ го украл уредот додека камерата сè уште снимала.

„Искрено, не мислам дека крадецот знаел на кого налетува“, рече Агилар. „На почетокот дури и се смеев затоа што мислев дека момчето ми се потсмева. Потоа сфатив дека е вистинско. Бев во шок, но веднаш потрчав по него.“

Тахту исто така тргнал во потера, и заедно го стигнале крадецот и го зеле мобилниот телефон назад. Не повикале полиција. „Брзо го фативме, успеав да го фатам за рака и да го земам телефонот. Не направивме ништо понатаму бидејќи не се спротивстави и си замина штом го вративме уредот“, објасни таа.

Агилар се натпреварува во атлетика и триатлон, а моментално тренира за Ironman.

Епидемија на кражба на мобилни телефони во Лондон

Овој случај е само еден во низата слични инциденти што ги погодуваат жителите и туристите. Според податоците објавени од Лондонската метрополитенска полиција, во Лондон во 2024 година биле украдени 116.656 мобилни телефони, што е во просек околу 320 дневно и најголем број досега регистриран. Оваа бројка е повеќе од 50 проценти поголема отколку во 2017 година.

И покрај големиот број кражби, само 169 осомничени биле обвинети во текот на таа година. Податоците исто така покажуваат дека жртвите почесто биле жени отколку мажи, во случаите каде што бил евидентиран полот.

Тагови: атлетичарка мобилниот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.