Ковачки: Заедно испишавме уште една значајна страница од нашата историја, 36 години ВМРО-ДПМНЕ - посветеност, единство и доверба - Канал 5

Ковачки: Заедно испишавме уште една значајна страница од нашата историја, 36 години ВМРО-ДПМНЕ - посветеност, единство и доверба

Вчера, по повод одбележувањето на 36 години од постоењето на ВМРО-ДПМНЕ на стадионот „Благој Истатов“ во Струмица, имавме чест и задоволство да бидеме заедно со десетици илјади граѓани.

Ковачки: Заедно испишавме уште една значајна страница од нашата историја, 36 години ВМРО-ДПМНЕ - посветеност, единство и доверба

Вчера, по повод одбележувањето на 36 години од постоењето на ВМРО-ДПМНЕ на стадионот „Благој Истатов“ во Струмица, имавме чест и задоволство да бидеме заедно со десетици илјади граѓани кои со своето присуство дадоа силна поддршка и испратија порака на единство и заедништво.

Искрено им благодариме на сите кои беа дел од овој значаен настан. Вашата доверба и поддршка се нашата најголема сила и мотив уште поодлучно да продолжиме да работиме за напредокот на Македонија.

Во изминативе 36 години се соочивме со бројни предизвици, тешки моменти, неправди и разочарувања. Но секогаш кога некој мислеше дека сме ослабени, ние станувавме уште посилни. Токму вие, народот и граѓаните бевте и останувате нашата најголема поддршка и двигател на нашата истрајност.

Идејата на ВМРО, поставена пред 133 години, живее и денес, затоа што 36 години ВМРО-ДПМНЕ е политичка организација создадена од народот и за народот. Затоа ниту еден предизвик, ниту еден напад, нема да може да ја поколеба нашата решеност да работиме во интерес на државата и на граѓаните.

Вчера ja прославивме истрајноста, вербата, надежта и љубовта кон Македонија. Вредностите и идеалите на ВМРО остануваат автентични, македонски и цврсто втемелени во стремежот за просперитетна и успешна држава.

ВМРО-ДПМНЕ за две години власт направи многу. Од историски рекордни 1,255 милијарди евра инвестиции, до силен инвестициски циклус во инфраструктурата. Во моментов се реализираат шест нови автопатски решенија кои треба да бидат завршени до крајот на 2027 година, а се предвидени и 10 милијарди евра капитални инвестиции во наредните десет години за нови автопати, експресни патишта, железничка инфраструктура и обнова на постојните капацитети.

Градиме и обновуваме студентски домови, даваме ваучери за електронски уреди, создаваме услови младите да започнат сопствен бизнис и својата иднина да ја градат дома. Ги зголемивме платите и пензиите, работиме на силна економија, а седум квартали по ред бележиме економски раст од над 3 проценти.

Градиме нови градинки, училишта, патишта, здравствени установи, спортски сали, а се тоа додека враќаме стари долгови во просек од над 2 милијарди евра годишно.

ВМРО-ДПМНЕ покажа дека нема да води политика на попустливост кога станува збор за националните интереси.

ВМРО-ДПМНЕ ја презеде одговорноста во време кога на граѓаните им беа потребни конкретни решенија, стабилност и надеж. Наместо празни ветувања, неизвесност, разочараност денеска имаме развој, иднина, надеж, проекти и конкретни мерки.

Со пораката „Македонија забрзува, наша обврска“, остануваме целосно посветени на иднината на државата и на подобрувањето на квалитетот на животот на секој граѓанин. Продолжуваме да работиме за посилна економија, повисок животен стандард, нови можности за младите и модерна Македонија која достоинствено чекори кон својата европска иднина.

Ви благодариме што сте дел од оваа заедничка приказна и што заеднички ја градиме иднината на Македонија.

Македонија се исправува чекор по чекор. Сега е време да забрза. Тоа е нашата обврска, рече Драган Ковачки, генерален секретар на ВМРО-ДПМНЕ и пратеник.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рускиот енергетски гигант „Гаспром“во првата половина од 2026 заработил милијарда долари

Рускиот енергетски гигант „Гаспром“ објави нето-добивка од 78,4 милијарди рубљи – што е приближно една милијарда долари – за првата половина на 2026 година. 

Рускиот енергетски гигант „Гаспром“во првата половина од 2026 заработил милијарда долари

Ова претставува значителен пресврт во споредба со истиот период минатата година, кога компанијата забележа загуба. Во првите шест месеци од минатата година, „Гаспром“ книжеше загуба од 10,76 милијарди рубљи, односно 137 милиони долари. Оваа година, приходите на компанијата пораснаа за 2,9 отсто на годишно ниво, а бруто-добивката за 15 отсто, додека добивката пред оданочување остана стабилна.

„Гаспром“ и понатаму е еден од најголемите светски производители на природен гас, но изгуби значителен дел од европскиот пазар по руската инвазија врз Украина. Европа брзо ја намали својата зависност од рускиот гас што се испорачува преку гасоводи, а ЕУ планира целосно да го укине увозот на руски гас до 2027 година.

Пред инвазијата, во 2021 година, Европа набавуваше околу 50 отсто од својот природен гас од Русија, главно преку гасоводи. Истовремено, приходите на Русија од енергенти не се целосно прекинати. Во првата половина на 2026 година, Европа увезе рекордни количества течен природен гас (LNG) од рускиот погон „Јамал ЛНГ“, со кој управува „Новатек“, а не „Гаспром“. Според податоците на „Кплер“ (Kpler), увозот од „Јамал“ достигна 9,89 милиони тони, што претставува зголемување од 18 отсто во споредба со истиот период минатата година. Во последните месеци, Русија исто така најави планови за пренасочување на испораките на гас од европскиот пазар кон Азија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Романија поради ниско ниво на Дунав, исклучува реактор во нуклеарна централа

Нивото на водата на најдолгата европска река Дунав е најниско во последните 30 години.

Романија поради ниско ниво на Дунав, исклучува реактор во нуклеарна централа

Романија го исклучува реакторот во нуклеарната централа.

Романската државна компанија „Нуклеарелектрика“ (Nuclearelectrica) денес исклучи еден реактор во нуклеарната централа „Чернавода“ како мерка на претпазливост поради рекордно ниското ниво на водата во Дунав; Министерството за енергетика соопшти дека овој потег има за цел да го заштити системот за ладење.

Реакторот е привремено исклучен за да се спречи евентуално оштетување на системот за ладење, кој зависи од водата од Дунав, истакнаа од министерството.

Нивото на водата во романскиот дел на Дунав минатата недела падна на најниско ниво во последните три децении, што ги натера властите да ја ограничат употребата на речната вода за наводнување, според „Романија инсајдер“ (Romania Insider).

„Нуклеарелектрика“ денес изјави дека реакторот во „Чернавода“ е исклучен во согласност со контролираните процедури за постапување при екстремно ниско ниво на реката, додавајќи дека мерката има за цел да обезбеди нуклеарна безбедност и сигурност во работата на централата.

Компанијата наведува дека одлуката се заснова на најновите прогнози на Романскиот национален институт за хидрологија и управување со води, при што нагласува дека состојбата на Дунав внимателно се следи.

Доколку нивото на водата дополнително опадне, компанијата може привремено да го исклучи и вториот реактор.

Недостатокот ќе се надомести преку увоз. Според податоците на Светската нуклеарна асоцијација, нуклеарната централа „Чернавода“ располага со два реактора базирани на канадската технологија CANDU, секој со капацитет од 706 мегавати, и обезбедува приближно една петтина од потрошувачката на електрична енергија во Романија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Јанчев: Напредуваат градежните активности на затворениот базен

[⤵️] Напредуваат градежните активности на затворениот базен на локацијата на поранешна „Ла Луна“, објави на Фејсбук, првиот човек на Кавадрци, Митко Јанчев.

Јанчев:  Напредуваат градежните активности на затворениот базен

Овој затворен базен е со димензии 25×9 метри и длабочина од 1,20 метри. Истиот првенствено ќе се користи за децата од основните и средните општински училишта, но рекреативно ќе можат да го користат и сите останати граѓани.

Во моментов започна лепењето на плочките во базенот, паралелно се работи во машинската просторија, а интензивно се изведува и партерното уредување на просторот околу објектот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер