Ковачевски: Оваа криза заеднички ќе ја пребродиме

Ова не е време за политички поени, пратениците да ги усвојат законите за енергетиката и продолжувањето на кризната состојба, рече на вонредната прес конференција премиерот Димитар Ковачевски. 

Економскиот енергетски совет што туку заврши и донесовме одлуки кои сакам да ги споделам со јавноста, а се однесуваат на сигурно, стабилно снабдување со енергенси во наредниот период.

За граѓаните на град Скопје.

1. На 15 октомври започнува грејната сезона. Парно за скопјани ќе има. Донесена е одлука за почнување на постапката за издавање на лиценца за производство на топлинска енергија од регулиран пазар согласно член 6 од законот за енергетика на ЕСМ. Ги повикувам Град Скопје, Регулаторна комисија за енергетика и Комисијата за заштита на конкурентност во најбрзо време да дадат позитивно мислење, со што ќе се створат условите за целосно функционирање на ЕСМ со топланите.

2. Обезбедени се финансиски средства за потребните енергенси за топлинска енергија.

Во однос на електрична енергија. Домаќинствата и малите потрошувачи ќе добијат сигурна, стабилна и континуирана испорака на електрична енергија. 80 % ја субвенционираме сметката за електрична енергија за 650 илјади домаќинства, а над 70 илјади компании и други правни субјекти (до 2 милиони евра годишен промет) ќе добијат субвенционира електрична енергија која е три пати пониска од берзанската.

Дополнително донесовме одлука, на регулиран пазар да бидат и основните и средни училишта на територијата на цела држава, без разлика што обврската за обезбедување на образовниот процес е на самите општини.

Исто така донесовме одлука со која сите јавни здравствени установи ќе бидат обезбедени со електрична енергија преку ЕСМ продажба по поволна цена од берзанската. Затоа што грижата за граѓаните и обезбедување на здравствена заштита е императив на оваа влада.

Владата се грижи за сите подеднакво.

Оваа криза рековме дека заеднички ќе ја пребродиме како што ја пребродивме и Ковид кризата.

Ја користам оваа прилика, покрај овие одлуки кои вечерва ги донесовме за справување со енергетската криза, да апелирам до сите граѓани да продолжиме со мерките за штедење. Секој киловат час заштеден значи заштеда на нашиот буџет и повеќе пари за инвестиција во нови енергетски и инфраструктурни проекти кои ќе го ,го подобрат во иднина снабдувањето со електрична енергија и ќе го подобрат квалитетот на животот.

Заврши времето на изобилие со електрична енергија во Европа. Сега е време на штедење и тоа штедиме за да имаме електрична енергија.

Утре како што знаете почитувани имаме седница за пратенички прашања.

Сакам да им укажам на Собранието и на пратениците од сите политичките партии да се одважиме заедно и конечно да се обединиме за интересот на граѓаните, и пред започнувањето на седницата да ги изгласаат Законот со кој се обезбедуваат финансиски средства од ЕБРД, пари одобрени од ЕБРД за справување со енергетска криза на РСМ по исклучителна каматна стапка, измените во Законот за енергетика и Законот за нафта и нафтени деривати и усвојување на кризна состојба.

Ова не време за политички поени, туку е време за разум, солидарност и социјална грижа.

Ова е само прв сет на одлуки на економско енергетскиот совет.

Како што ветивме, се грижиме за ранливи категории на граѓани кои ќе бидат подржани преку соодветен сет на дополнителни мерки кои што наскоро ќе бидат објавени.

На вонредната прес-конференција во Владата вечерва, покрај Ковачевски, присутни се вицепремиерот Фатмир Битиќи, министрите за финансии и за економија, Фатмир Бесими и Крешник Бектеши, министерката за труд и социјална политика Јованка Тренчевска, како и директорот на ЕСМ, Васко Ковачевски.

На новинарски прашања Ковачевски рече дека се преговара со Србија за набавка на гас за работа на нашата гасна централа, а тимовите се во тек на преговори. Тој рече дека не се работи за купопродажба на гас и дека Србија ќе треба финално да каже што може да реализира од претпоставената конструкција што се прави во однос на размена на гас за електрична енергија.

– Ние ги имаме донесено сите одлуки и одобрено меморандум за соработка. Не се работи за купопродажба на гас туку за размена на гас за електрична енергија зашто ние имаме когенеративна централа која работи на гас. Србија има резерви односно складишта на гас кои може да бидат искористени за производство на електрична енергија во нашата централа. Врз основа на договор, кој се преговара и не е се уште финален, зашто од Србија треба да се проверат сите претпоставки за негово успешно реализирање, ќе биде доколку за тоа постојат 100 проценти шанси да биде реализирано. Нашите тимови и во моментов преговараат, ќе продолжат и утре и штом ќе имаме резултат, ќе им биде соопштено на граѓаните, рече Ковачевски.

Во однос на денешната презентација на Мицкоски со понуда на контакти за набавка на енергенси и производство на двојно поевтина струја за стопанството, премиерот одговори дека опозицискиот лидер внимателно ги следел сите негови прес-конференции и на владиниот економски тим на оваа тема и дека денеска направил, како што рече, добар сублимат од тоа што тие го имаат кажувано.

Бајден наредната седмица ќе ја објави поддршката за прием на Африканската унија во Г20

Американскиот претседател, Џо Бајден, наредната седмица ќе ја соопшти поддршката на СAД за прием на Африканската унија во Групата Г20 на најголемите светски економии како постојани членки, изјави денеска претставник на Белата куќа.

Бајден ќе го соопшти тоа за време на Самитот на американско-африканските лидери во Вашингтон, изјави советникот на Белата куќа, Џад Девермонт.

„Потребни ни се повеќе африкански гласови во меѓународните разговори за глобалната економија, демократијата и управувањето, климатските промени, здравјето и безбедноста“, посочи тој.

Претседателот на Африканската унија и претседател на Сенегал, Меки Сал, и претседателот на Јужна Африка, Сирил Рамафоса, го повикаа Бајден да ја зголеми нивната застапеност во Г20, изјави Девермонт за весникoт „Вашингтон пост“.

Јужна Африка е единствената земја членка на Г20 од Африка.

Маричиќ: Напредокот кон ЕУ е загарантиран со ефикасна борба против корупцијата.

Заменик претседателот на Владата задолжен за европски прашања, Бојан Маричиќ, организираа состанок со претставниците на сите институции кои се надлежни за борба против корупција.

Маричиќ, денес, по повод Меѓународниот ден на борба против корупцијата, во соработка со заменичката на претседателот на Владата задолжена за политики за добро владеење, Славица Грковска и евроамбасадорот Дејвид, организираа состанок со претставниците на сите институции кои се надлежни за борба против корупција.

-Борбата против организираниот криминал и напредокот на патот кон ЕУ се два меѓусебно поврзани процеси кои ја забрзуваат нашата евроинтеграција. Меѓународниот ден на борба против корупцијата оваа година го одбележавме како земја преговарач со ЕУ и земја која преку нов Акциски план во наредниот период се фокусира на негово доследно спроведување, за брзи резултати и исполнување на европските стандарди и принципи, истакна Маричиќ на состанокот.

Вицепремиерот за европски прашања и главен преговарач со ЕУ посочи дека владеењето на правото, независноста на правосудството, доследната и неселективна борба против криминалот и корупцијата, со широка и обврзувачка транспарентност, остануваат стратешки приоритет на оваа Влада, на патот кон ЕУ.

- Борбата против корупцијата и спроведувањето на антикорупциските политики и мерки е една од главните цели и приоритети на државата. Токму тоа ни беше целта кога во преговарачката структура ја воведовме и позицијата на Главен антикорупционер, одговорен за хоризонтална координација на сите политики од точка на борба против корупцијата и спречување судир на интереси, рече Маричиќ, додавајќи дека тоа е владиниот одговор и препознавање на важноста на оваа област за Европската унија.

Маричиќ на состанокот пред дипломатскиот и претставниците на институциите увери дека постои политичка волја и желба за справување со овој општествен феномен и дека неколку пати до сега го имаат докажано во меѓународни извештаи каде се бележи подобрување на позицијата на Македонија во борбата против корупцијата.

- Најновиот индекс за перцепција за корупцијата за 2021 година на „Транспаренси интернешнл“ нотираше подобрена позиција на земјата во однос на претходната година – 87 место, за разлика од извештајот од 2020 година кога беше на 111. Македонија се наоѓа на 63 место од 140 држави според „Индексот на владеење на правото“ на вашингтонската невладина организација „World Justice Project“ што е за едно место подобро рангирана во споредба со минатата година кога бевме на 64 место, потенцираше Маричиќ.

За него овие извештаи се доказ за вистински промени, напредок и искрена намера која ја имаат во пристапот кон борбата со корупцијата, но не е доволно.

- Пред нас е голем предизвик за успешно да ги затвориме преговорите со ЕУ, за кој ни е потребен реформски евроентузијазам. Затоа корупцијата треба да ја гледаме како точка на обединување на секој еден граѓанин и секоја институција, со пристап кој ќе биде инклузивен во нејзино искоренување, порача Маричиќ.

Главниот преговарач со ЕУ брифираше дека на билатералниот скрининг за Кластер I „Фундаментални вредности“, било забележано од страна на Европската комисија дека треба да се продолжи со напорите за борбата против корупцијата, да се спроведуваат и имплементираат препораките на ГРЕКО и секако да се доделат доволни ресурси на Основното јавно обвинителство за гонење на организиран криминал и корупција, со цел да се обезбеди ефективна одговорност за предметите на корупција на високо ниво.

Дополнително на скринингот биле поздравени активностите кои веќе се преземаат, а се во насока на зајакнување на статистиките во борбата против корупција иако имавме забелешка во рамки на Поглавјето 24 за бројот на реализирани активности во областа.

На состанокот присуствуваа и министерот за финансии Фатмир Бесими, министерот за информатичко општество и администрација Адмирим Алити, потпретседателот на Собранието Горан Мисовски, претседателката на Комисијата за политички прашања Соња Мираковска, државниот јавен обвинител Љубомир Јовевски, претседателката на Судскиот Совет Весна Данева и дел од дипломатскиот кор во земјава.

Лојд Остин тврди дека Русија го проширува и модернизира својот нуклеарен арсенал

Русија го проширува и модернизира својот нуклеарен арсенал, изјави американскиот секретар за одбрана Лојд Остин.

Тој ја коментираше темата за нуклеарниот арсенал на Русија на церемонијата на инаугурација на командантот на Стратешката команда на САД, која го надгледува американското нуклеарно оружје.

– Кремљ ја продолжува својата брутална и неиспровоцирана војна против Украина, а целиот свет го виде Путин како се впушта во крајно неодговорно ѕвецкање со нуклеарно оружје, рече Остин.

притисни ентер