Ковачевски бара опозицијата да биде дел од уставните измени, Мицкоски нема промена на Уставот

Ковачевски бара опозицијата да биде дел од уставните измени, Мицкоски вели дека промена на Уставот нема да има во вакви околности.

Премиерот Димитар Ковачевски вчера од Охрид повторно ги повика опозициските партии да делегираат свои луѓе во работна група за уставни измени во која што ќе учествуваат експерти по уставно право формирана во Министерството за правда нагласувајќи дека сите треба да учествуваат во носење на одлуките важни за нашиот европски пат. Лидерот на опозициската ВМРО-ДПМНЕ, Христијан Мицкоски, исто така од Охрид, рече дека уставни измени во овој пратенички состав и во овие околности нема да има.

Ковачевски во интервју за МИА рече дека тој не е политичар дојден да убедува или да разубедува некого за нешто, бидејќи сите треба да имаат јасна визија и одговорност во однос на одлуките коишто треба да се носат. Тој израи надеж оти и во опозицијата постои демократски капацитет, постојат луѓе коишто веруваат во европската иднина на државата.

- Постојат одлуки коишто се стратешки за државата, коишто сите политички партии треба да ги поддржат. Тоа низ примери на други држави е многу јасно направено во минатото. Еве да го земеме само примерот на Хрватска, или да го земеме примерот на Словенија коишто исто така носеа стратешки одлуки со широк државен консензус којшто не биле дел од дневната политичка дебата којашто се водела во тие општества и затоа брзо и квалитетно пристапиле кон Европската унија, вели премиерот.

Премиерот Ковачевски посочи дека уставните измени се процес којшто е пропишан согласно со Закон и Устав во нашата држава и дека сите треба да учествуваат во носењето на овие одлуки, вклучително и опозицијата.

- Во рамки на Министерството за правда е формирана работна грпа за уставни измени во која што ќе учествуваат експерти по уставно право, меѓутоа во која што ќе бидат повикани и експерти од опозициските партии да земат учество исто како што на првиот ден од отпочнување на преговорите во првата фаза на скринингот беа повикани претставници од опозицијата да учествуваат во сите работни групи, истакна Ковачевски.

Како што рече не е доволно само декларативно да се поддржува одредена цел, туку треба со чекори, со одлуки, со одлучност да се настапи и да се обезбеди европска иднина за сите наши граѓани.

Советот за стабилизација и асоцијација на вчерашниот состанок во Скопје, како што потсети Ковачевски, испрати многу јасни пораки за тоа дека нашата држава напредува во процесот на европските интеграции.

- Секако дека секоја држава која што пристапува кон ЕУ на тој пат има обврски коишто треба да ги исполни. Една од обврските која што е пред нас е секако усвојување на уставните амандмани коишто се дел од преговарачката рамка и коишто се само една од одлуките коишто треба да се носат со две третини во Собранието. Пред нас ќе има и други одлуки коишто се носат со две третини во Собранието, а тоа се однесува на реформи во владеење на правото, реформи во владеењето на демократските институции, реформи на јавната администрација, како и Акцискиот план за унапредување на малцинските права коишто и во моментов кај нас е на највисоко можно ниво споредувано со која било друга држава во Европа, рече Ковачевски.

Претседателот на ВМРО-ДПМНЕ Мицкоски, кој беше исто така во Охрид, изјави дека уставни измени во овој пратенички состав под бугарски диктат и во овие околности нема да има. Тој ова го кажа во коментар во однос на најавата на Владата за формирање на работни групи за подготовка на текстот на амандманите на Уставот.

- Уставни измени во овој пратенички состав под бугарски диктат и во овие околности нема да има. Тоа што го прави власта е процес кој што на крајот ќе се удри во ѕид, односно ќе заврши неуспешно. Предупредивме дека за тоа што го превземаат како обврска од името на сите нас, не само што немаат кредибилитет, туку и не можат физички да го поминат. Тогаш се сеќавате правеа некакви реминисценции и потсетувања од времето на Преспа, но ги предупредивме дека е друго време дека ова не е времето кога можеа да се договараат со одредени уценети политички поранешни структури кои што за жал функционирале во ВМРО-ДПМНЕ. Такви нема сега повеќе, изјави Мицкоски.

Тој истакна дека од власта доаѓале најави дека процесот на уставни измени ќе започне во септември-октомври 2022, а кога тоа не се случи потоа како темин најавувале кон крајот на годината во декември, па потоа во февруари, а сега го префрлаат тежиштето на мај-јуни.

- Тоа нема да се случи ниту во мај, ниту во јуни, затоа што ние имаме принципиелен став од самиот почеток. Создадоа проблем кој што не можат да го решат, создадоа проблем кој што сите ние го имаме и ако продолжат дополнително да го комплицираат ќе се треснат сите во една мртва улица, но за жал тоа ќе биде еден огромен проблем за сите граѓани и за Македонија како држава. Но, јас еве ви ветувам дека за сето ова што го прават ќе има и одговорност, веднаш откако новата влада на ВМРО-ДПМНЕ ќе ја преземе одговорноста во владата, изјави Мицкоски.

Германските угостители не може да пронајдат доволно работници за Еврото

Германските ресторани и хотелиери очекуваат рекорден број посетители за време на Европското фудбалско првенство, но истовремено стравуваат од недостиг на кадар, пишуваат германските медиуми.

„Речиси е невозможно да се најде персонал на пазарот, ќе мораме да управуваме и за одреден временски период преку приватни агенции за посредување да привлекуваме кадар од други гранки“, вели Сами Нофал, менаџер на Heiner's Parkhotel во Гелзенкирхен во Западна Германија. на јавниот сервис АРД.

Хотелот располага и со голема тераса, на која ќе биде организирано јавно гледање на натпреварите од Европското првенство кое ќе се одржи во Германија од 14 јуни до 14 јули.

„Персоналот „позајмен“ за време на Еврото нѐ чини значително повеќе, но немаме излез“, вели Нофал.

На рестораните низ Германија им е тешко да најдат нов персонал пред ЕП во нивната земја, кој делумно ја напушти индустријата за време на пандемијата на коронавирус.

Синдикатот на вработени во хотелиерството и угостителството НГГ смета дека работниците го свртеле грбот на угостителството и хотелиерството и во голема мера не се вратиле по пандемијата поради традиционално ниските саатници.

„Ова, како што покажа анкетата меѓу нашите членови, е главната причина поради која вработените му вртат грб на гостопримството“, соопшти НГГ.

По правило, рестораните им плаќаат на своите вработени околу 13 евра на час за келнери.

Угостителските здруженија причината за кадровските проблеми првенствено ја гледаат во „академизацијата“ на општеството и демографските промени.

Критичарите на социјалната политика на актуелната власт посочуваат дека на овие работни места тешко се добиваат милионите бегалци кои од 2015 година пристигнаа во Германија бидејќи по правило социјалните бенефиции се повеќе од заработувачката во угостителството. Покрај тоа, бегалците и барателите на азил генерално не зборуваат доволно добро германски за да работат директно со клиентите.

И покрај проблемите со персоналот, рестораните и хотелиерите очекуваат позитивен биланс на претстојното ЕП во Германија и слични поволни ефекти како за време на одржувањето на СП 2006 во Германија.

„Дури и ако сите хотели и угостителски објекти не го зголемат сообраќајот директно поради ЕП, не треба да се потцени позитивната атмосфера и плус за Германија како туристичка дестинација“, вели Ингрид Хартгес, директорка на чадор здружението на угостители и хотелиери Дехог.

И додека хотелите досега не забележале експлозија на резервации во деновите кога се играат натпреварите во градовите каде што се наоѓаат, платформата Airbnb забележа двојно поголем број на резервации во споредба со истиот период минатата година, и покрај тоа што сопствениците на сместувачките драстично ги зголемија цените.

Така, за наједноставен стан во просек треба да одвоите околу 180 евра за ноќ, додека собите во просек чинат околу 90 евра. Најмногу странски гости доаѓаат од Велика Британија.

Во одморалиштето Марк Бранденбург во малото гратче Нојрупин, недалеку од Берлин, цената на една соба за време на првенството е околу 300 евра за ноќевање.

Нови правила во Грција: Електричните автомобили можат на траект, но под еден услов

Сопствениците на електрични автомобили кои патуваат на траекти во Грција сега мора да ги почитуваат новите правила за полнење на батериите на нивните возила.

Со цел да се намали ризикот од пожар, Грција воведе регулатива со која се наложува батериите на електричните возила да не се наполнети повеќе од 40% кога се качуваат на фериботи.

Министерството за поморска и островска политика на Грција ја донесе оваа одлука како безбедносна мерка, пишува ХАК преглед. Правилото стапи на сила во средината на април и веќе го применуваат главните фериботи во земјата, пренесува ADAC.

Оваа мерка е воведена поради опасноста од пожар на литиум-јонските батерии, што може многу тешко да се контролира и изгасне. Фериботите, со голем број автомобили во непосредна близина, се особено ризични места за вакви инциденти. Дополнителен предизвик е гаснењето пожари на возилата додека се на море, што ја прави превенцијата уште поважна.

Грција се надева дека ова ново правило значително ќе го намали ризикот од пожари на траектите и со тоа ќе ја зголеми безбедноста на сите патници.

Во недела на Канал 5 ТВ во 23.00 часот на „На кавга со Иван“ со Ивона Талевска

На кавга со Иван е нов проект на Канал 5 ТВ и нашиот 5CASt на Youtube каналот, каде како водител и дебатер се појавува Иван Мирчевски.

Во недела во 23.00 часот ќе ја гледате емисијата со новинарката Ивона Талевска, каде Иван ќе ја прашува но и ќе констатира факти.

Не заборавајте да го гледате оригиналното шоу - на кавга со Иван…и да, навистина е кавга во Недела во 23.00 часот

притисни ентер