Македонија

Костадинов: СДСМ исплати 22 милиони евра субвенции за тутунарите

Владата преводена од СДСМ продолжува со водење на успешни политики и преку конкретни мерки покажува што значи вистинска грижа за граѓаните, за земјоделците и нивниот труд.

За прв пат навреме и неселективно исплатени се зголемени субвенции за тутунот.

Овие денови, 20.880 тутунари на своите сметки добиваат околу 22 милиони евра субвенции, за тутун.

Субвенциите се зголемени и по класи: 80 денари за прва класа, 70 денари за втора класа и 60 денари субвенции по килограм тутун за трета, односно четврта класа.

Овој нов модел на субвенционирање им овозможува на тутунарите подобри услови за производство на поквалитетен тутун и повеќе приходи за нив и нивните семејства.

Реколтата 2017 година е со историски највисока цена од 217.6 денари по килограм, што е потврда за успешноста на мерките и политиките во земјоделството.

Со ова се остварува уште едно клучно ветување од Планот за живот: исплатата на субвенциите е неселективна, зголемена, редовна и навремена, односно земјоделците ги добиваат субвенциите тогаш кога им се најмногу потребни.

Со зголемените субвенции уште еднаш се потврдува нашата заложба за обезбедување на повеќе пари кај граѓаните. Наша цел е достоинствени земјоделци коишто спокојно ќе живеат од својот труд.

СДСМ преку парламентарното мнозинство и Владата што ја предводи продолжува на остварувањето на зацртаните мерки кои обезбедуваат развој на земјоделството, повисок животен стандард и повеќе пари кај граѓаните.

Коста Костадинов, пратеник на СДСМ во Собранието на РМ

Регион

Во голема полициска акција во Албанија запленет имот вреден над 4,5 милиони евра

Во голема полициска акција, во содејство со Специјалното обвинителство против организиран криминал и корупција (СПАК), спроведена во повеќе градови во Албанија, запленет е имот вреден над 4,5 милиони евра.

- Пронајдени и одземени како материјални докази се 2.996.760 евра готовина; значителни количини злато и скап накит; часовници од скапи марки со приближна вредност од 500.000 евра; огнено оружје; прилагодени регистарски таблички; луксузни возила (од кои пет блиндирани возила во вредност од над 500.000 евра); системи за надзор со камера, покер маса и слично, објави Министерството за внатрешни работи.

Се додава дека во рамки на оваа мега-операција, биле погодени седум структурирани криминални групи со значителна моќ и географски опфат на нивните криминални активности во некои од поголемите градови во земјата, како што се Тирана, Драч, Валона, Лежа, Фуш Круја и Решен, а биле издадени 43 налози за апсење.

Уапсени се 20 лица, а по останатите, меѓу кои и поранешен пратеник и четворица високи полициски раководители се трага./МИА

Регион

Додик: Односите меѓу Бања Лука и Сараево можеби се на најлошо ниво

Претседателот на Република Српска, Милорад Додик изјави денеска дека односите меѓу Бања Лука и Сараево можеби се на најлошо ниво и дека мирот е единствената вредност за која се залага.

Додик истакна дека ситуацијата во БиХ е катастрофална, пренесе новинска агенција на Република Српска.

Тој рече дека претседавачот со Претседателството на БиХ, Денис Беќировиќ, кажува лаги за Република Српска и дека со него не може да се отвори дијалог. /МИА

Свет

Во Иран обесени седум луѓе осудени на смрт, меѓу кои и две жени

Невладината организација „Иран Хјуман рајтс“ денеска соопшти дека од почетокот на годинава во Иран биле егзекутирани 223 лица и го осуди отсуството на фер судење.

Седум лица, меѓу кои две жени, беа обесени денеска во Иран, бидејќи Исламската Република ја зголемува употребата на смртната казна за политички цели, соопшти организацијата со седиште во Норвешка, објави „Фигаро“.

Парвин Мусави (53), мајка на две деца, беше обесена во затворот Урмија во северозападен Иран со пет мажи, од кои сите беа осудени за трговија со дрога, се вели во соопштението на организацијата.

Фатемех Абдулахи (27) е обесена во Нишапур на истокот на земјата поради убиство на нејзиниот сопруг, кој воедно и бил братучед.

Огранизацијата соопшти дека забележала 223 егзекуции годинава, вклучително и најмалку 50 само во мај, по крајот на персиската Нова година и Рамазан во април.