Кошта: Иднината на Украина, Молдавија и Западниот Балкан е во ЕУ - Канал 5

Свет

Кошта: Иднината на Украина, Молдавија и Западниот Балкан е во ЕУ

Кошта посочи дека ЕУ мора да преземе поголема одговорност за сопствената одбрана, за да гарантираме траен мир во Европа и за таа цел да ги зајакне најважните партнерства, да ги зголеми трошоците и инвестициите во одбраната. 

Кошта: Иднината на Украина, Молдавија и Западниот Балкан е во ЕУ

Проширувањето на ЕУ со Украина, Молдавија и шесте земји од Западниот Балкан е најдобрата геостратешка инвестиција што сите заедно можеме да ја направиме за нашиот мир, безбедност и стабилност, порача денеска претседателот на Европскиот совет, Антонио Кошта.

- Нивната иднина е во рамките на Европската Унија. Ова докажува дека Европската Унија е атрактивна и моќна. Сега имаме нов моментум за проширувањето. Да ги создадеме потребните услови, од сите страни, и да го искористиме тоа, рече Кошта во обраќањето на Годишната конференција на амбасадорите на Европската Унија, насловена „Надворешна политика на ЕУ што испорачува“, што се одржува во Брисел.

Кошта посочи дека денес се соочуваме со свет на фрагментација и поларизација и на неред и сложеност, во кој се врати политиката на моќ, во кој некои работат на слабеење на правилата на меѓународниот поредок и во кој Русија ја наруши повоената европска безбедносна архитектура со својата агресија врз Украина.

- Свет во кој видовме помалку мултилатерални обврски за справување со глобалните предизвици, како климатските промени и намалувањето на сиромаштијата, војна која се користи како геополитичка алатка за унапредување на националните интереси, хибридни напади врз нашите критични инфраструктури и демократски процеси, протекционизмот како економски начин за решавање на проблемите, економската принуда за вршење притисок врз другите и нови технологии што ја нарушуваат рамнотежата во политичките системи и меѓу народите, рече Кошта.

Според него, во вакво свет на неред, на парадокс, на нијанси и плуралност, на ризици и закани, на мултиполарност и на неизвесност, Европската унија треба да биде доверлив партнер кој обезбедува предвидливи и јасни заложби за поредок заснован на правила.

Говорејќи за војната во Украина, Кошта нагласи дека таа беше неиспровоцирана, предизвика огромно човечко страдање и ги наруши украинскиот суверенитет и територијален интегритет и правото на земјата на самоопределување.

- Јасно е дека војната во Украина не е само војна на европско тло. Тоа е војна која ги загрозува основите на целата меѓународна заедница. Наградувањето на агресорот, наградувањето на повредата на територијалниот интегритет е закана за сите. Нашиот став е јасен. Европската Унија ќе ја поддржува Украина онолку долго колку што е потребно, и за што и да е потребно, ќе ја зајакнеме позицијата на Украина под какви било околности за сеопфатен, праведен и траен мир. Мир избран од Украина и Украинците, рече Кошта.

Сепак, според него, и покрај сите геополитички предизвици, ова не е свет во кој ЕУ треба да очајува, туку свет кој и нуди можности за градење, зајакнување, ревитализација, проширување и зајакнување на билатерални и мултилатерални односи.

- Со САД имаме партнерство вкоренето во нашата заедничка историја и длабоки врски. САД се наш пријател, наш сојузник и наш партнер. Проблеми и разлики во ставовите може да се појават и меѓу пријателите. Кога ќе се случи тоа, треба да им се обратиме, да разговараме и да најдеме решенија. Европската унија и САД заедно беа столбови на поредокот заснован на правила, почитувајќи го националниот суверенитет, територијалниот интегритет, стабилноста на границите и Повелбата на ОН, истакна Кошта.

Тој додаде дека ЕУ ќе се залага за универзално почитување на меѓународното право и поредокот заснован на правила каде и да било - во Украина, на Блискиот Исток, во Африка и секако и во Данска, дотолку повеќе ако се доведе во прашање територијалниот интегритет на земја членка на Европската Унија.

- Пораката за ова што ја добив од сите 27 земји членки на масата на вчерашната средба на лидерите беше гласна и јасна. На светот му е потребен европски ангажман. Европа треба да ги зближи своите глобални партнери, порача Кошта.

Во вакви глобални услови, според Кошта, и покрај нередот и сложеноста Европската Унија мора да остане проект на мирот, а дел од него треба да биде и зајакнувањето на одбраната со цел заштита на европските демократии, граѓани и граници.

Кошта посочи дека ЕУ мора да преземе поголема одговорност за сопствената одбрана, за да гарантираме траен мир во Европа и за таа цел да ги зајакне најважните партнерства, да ги зголеми трошоците и инвестициите во одбраната.

- Европската Унија е стабилен меѓународен актер, сигурен, веродостоен, предвидлив. Имаме јасно чувство за цел и јасен пат напред, пообединети и поангажирани. И покрај сиот неред и сложеност во светот и покрај песимизмот и нашата тенденција понекогаш да се сомневаме во себе, со единство можеме да успееме, заклучи Кошта. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдено е: Си на средба со Трамп

 Кина потврди дека претседателот Си Џинпинг ќе оствари државна посета на Соединетите Држави, соопшти кинеското Министерство за надворешни работи. 

Потврдено е: Си на средба со Трамп

Кинескиот лидер ќе престојува во САД од 23 до 25 септември, на покана на американскиот претседател Доналд Трамп.

Првиот човек на САД, Трамп го покани Си во Белата куќа на 24 септември, за време на неговата посета на Пекинг во средината на мај.

Оваа посета ќе биде прва посета на Си Џинпинг на САД од 2023 година, кога тој отпатува во Калифорнија за состанокот на форумот за Азиско-пацифичка економска соработка (APEC) и се сретна со тогашниот американски претседател Џо Бајден.

Тагови: Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Отворен повик за 2027: Македонија2025 продолжува со Програмата за извршно образование Зафировски

Нова можност за македонските бизнис-лидери за усовршување на Келог школата за менаџмент.

Отворен повик за 2027: Македонија2025 продолжува со Програмата за извршно образование Зафировски

Македонија2025 го отвори повикот за стипендии во рамки на Програмата за извршно образование - Зафировски за 2027 година, наменет за искусни македонски менаџери, претприемачи и бизнис-лидери кои сакаат да ги унапредат своите лидерски и раководни способности преку образование на една од најпознатите светски школи за менаџмент.

Избраните кандидати ќе имаат можност да учествуваат на Програмата за развој на извршни раководители (Executive development program) на Келог школата за менаџмент при Нортвестерн универзитетот во САД.

Од започнувањето на Програмата за извршно образование Зафировски во 2017 година, досега 51 македонски професионалец успешно ја има завршено програмата и се приклучи на заедницата на Зафировски стипендисти. Во периодот од 11 до 30 октомври 2026 година, на Келог ќе замине и нова група од седум истакнати македонски професионалци, со што програмата продолжува да ја проширува мрежата на лидери и да вложува во развојот на македонската деловна заедница.

Програмата се реализира со поддршка на Фондацијата Робин и Мајк Зафировски, во партнерство со Келог школата за менаџмент. Нејзината долгорочна цел е да придонесе кон создавање силна заедница на македонски лидери кои стекнатото меѓународно знаење, искуство и контакти ќе ги преточат во развој на своите компании, индустрии и македонската економија. Мајк Зафировски, еден од основачите на Македонија2025 и покровител на програмата, од нејзиното основање активно придонесува кон остварување на визијата за развој на 100 македонски бизнис-лидери преку врвно меѓународно образование.

Интензивна програма за искусни лидери

Програмата на Келог е интензивна тринеделна програма наменета за искусни менаџери и раководители кои се подготвуваат за пошироки лидерски и стратешки одговорности. Наставата опфаќа клучни области од современото деловно работење, меѓу кои стратегија, финансии, маркетинг, операции, управување со луѓе, иновации, дигитална трансформација, податоци и вештачка интелигенција, преговарање, комуникација и водење организации низ промени и сложени деловни предизвици.

Особена вредност на програмата е можноста учесниците да учат и да разменуваат искуства со раководители и претприемачи од различни земји и индустрии, како и да изградат меѓународна професионална мрежа која продолжува и по завршувањето на програмата.

За 2027 година се предвидени две сесии: 2 – 21 мај 2027 година и од 10 – 29 октомври 2027 година. Двете сесии ќе се одржат со физичко присуство во кампусите на Келог во Еванстон и Чикаго, САД.

Кој може да аплицира?

Повикот е наменет за искусни македонски менаџери, раководители на повисоки позиции, претприемачи и сопственици на компании кои имаат значајно професионално искуство, потенцијал за понатамошен лидерски развој и амбиција да создадат пошироко влијание во своите организации и во македонската економија.

Кандидатите треба да имаат најмалку 10 години релевантно професионално искуство, добро познавање на англискиот јазик, поддршка од компанијата во која работат и можност целосно да се посветат на програмата.

Покрај учеството на програмата на Келог, избраните стипендисти ќе работат и на индивидуални и групни проекти поврзани со конкретни деловни или општествени предизвици во Македонија, со цел стекнатото знаење да добие практична примена и поширока вредност.

Следната генерација македонски лидери

Со отворањето на повикот за 2027 година, Македонија2025 продолжува да вложува во луѓе кои имаат амбиција, искуство и потенцијал да направат значаен исчекор во својата професионална кариера и да придонесат кон развојот на Македонија.

Повикот е можност за оние професионалци кои се подготвени да излезат од рамките на секојдневното управување, да ги преиспитаат своите досегашни пристапи, да стекнат нови знаења и перспективи и да станат дел од силна заедница на македонски лидери со меѓународно искуство.

Рокот за поднесување апликации е 20 октомври 2026 година.

Сите информации за условите, критериумите и начинот на пријавување се достапни на: https://macedonia2025.com/en/news/zafirovski-executive-education-program-open-call-scholarships

За повеќе информации: Нена Манчев, [email protected]

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хутите предупредуваат земјите да не се приклучуваат кон Саудиска Арабија во обновената граѓанска војна во Јемен

Висок функционер на бунтовниците Хути , поддржани од Иран, ги предупредува земјите да не се приклучуваат кон Саудиска Арабија во обновената граѓанска војна во Јемен.

Хутите предупредуваат земјите да не се приклучуваат кон Саудиска Арабија во обновената граѓанска војна во Јемен

Висок функционер на бунтовниците Хути , поддржани од Иран, ги предупредува земјите да не се приклучуваат кон Саудиска Арабија во обновената граѓанска војна во Јемен, посочувајќи дека неговата група ја уверила администрацијата на трамп дека нема да нападне американски бродови во црвеното море,информираше Асошиејтед прес.

Мохамед Ал-Бухаити, член на политичкото биро на Хутите, рече дека Вашингтон им се обратил на бунтовниците по нивното брзо напредување по западниот брег на Јемен до теснецот Баб Ел-Мандеб претходно овој месец.

Трамп минатиот викенд изјави дека неговата администрација „имала разговори“ : „Хутите нè повикаа и не сакаат да се борат со нас“, рече тој.

„Тие би претпочитале да не бидеме вклучени, а ги пуштаат повеќето бродови да поминат“.

Асошиејтед прес објави дека оман бил домаќин на состанок меѓу претставници на САД и Хутите минатиот викенд, повикувајќи се на официјален претставник на Хутите . Со тоа завршија еднонеделните американски бомбардирања против бунтовниците, во замена за прекин на нападите врз американските бродови во Црвеното море.

„Целта на нашите воени операции не е да се затвори теснецот Баб Ел-Мандеб, туку да се обезбеди слобода на пловидба низ него за сите, вклучително и за јемен“, рече претставникот на Хутите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер