Короната заминува, туристите се враќаат на црногорскиот брег - Канал 5

Балкан

Короната заминува, туристите се враќаат на црногорскиот брег

 По пауза од една сезона туристите од регионот и надвор од него полека се враќаат на брегот на Јадранското Mоре во Црна Гора, во Херцег Нови и Игало.

Короната заминува, туристите се враќаат на црногорскиот брег

На почетокот на сезоната се чувствува раздвиженоста на шеталиштето покрај брегот и на плажите. Иако поголем број од угостителските објекти најавија отворање на средината на овој месец, сепак на традиционалните собиралишта во Херцег Нови може да се слушне џагорот и говор од различни јазици.

Туристичките работници од овој дел на Црна Гора потенцираат дека има голем број причини зoшто да се избере Херцег Нови за дестинација за летување, посебно за земјите од поранешна Југославија. На почетокот на овој месец влезот во оваа земја е дозволен без тестови, а неодамна од Скопје до таму почна да функционира и автобуски превоз, со кој се патува преку Косово и Албанија и по десетина часови се пристигнува во Херцег Нови.

-Понудата за престој на гостите е голема-како тука во градот, така и на блиските околни дестинации. Сликата за Херцег Нови од изминатите десетина години како дестинација со малку хотели, сега е сменета. Имаме 41 регистриран хотел, а тука имаме повеќе групации со големи сместувачки капацитети, како и отворање на хотел од еден од големите светски хотелски ланци, како и хотелот „Лазуре", кој се наоѓа во Мељине, вели Наталија Терзиќ од Туристичката организација на Херцег Нови.

По колапсот на туризмот предизвикан од пандемијата на Ковид-19, туристичките работници за оваа сезона се свртени кон регионот, кон БиХ, Србија, Македонија, Албанија, Хрватска и Словенија, кон рускиот пазар, Украина и дел од Западна Европа, а засега најбројни се туристите од Србија и Босна и Херцеговина.

-Се надевам дека плажите кај нас ќе изгледаат како некогаш, кога туристите можеа само со крпата да уживаат на каменот или песокот. Се надевам дека ќе се промени и законската регулатива за закуп на плажите за да има место за сите кои сакаат мирен и релаксиран одмор без да изнајмуваат лежалки и чадори, а цените во сместувачките капацитети се пониски за 10 до 30 отсто, посебно во приватното сместување, во споредба со 2019 година, која е оценета како една од најдобрите, додава Терзиќ.

Инаку, цените во приватното сместување се движат од 15 евра за кревет, односно од 30-35 евра за сместување во пооддалечените објекти и 50 евра доколку сакате да сте поблиску до морето.

Вилата на Тито во Игало споменик на едно минато време и на земјата која ја нема повеќе

Прошетката во овој дел на црногорскиот брег групата новинари од БиХ, Хрватска, Македонија и Србија, организирани од FIJET Србија и нашиот колега Ѓорѓе Михајловиќ, почна од Титовата вила „Галеб" во Игало, која била летна резиденција на Јосип Броз.

Изградена е во 1976 година за само 6 месеци на површина од повеќе од 5.500 метри квадратни покрај Инстутот „Симо Милошевиќ" во Игало заради минералните извори и лековитата кал. Материјалите за нејзината изградба и опремување се носени од сите делови на тогашната држава-килими од Македонија, камен од Брач, кој е вграден и во Белата куќа во Вашингтон, електроника од Ниш и од многу други места.

Во неа се уште можат да се видат масата на кое заседавало највисокото раководство на Југославија, работното биро на маршалот, потоа кино салата за гледање филмови, огромната соба за шминкање на Јованка Броз и нејзиниот розе салон, синиот салон на Тито со кревет за аѓутантот, базен со подвижно дно, атомско засолниште со 36 кревети, бања со бразилски мермер, единствен сив мермер на планетата, берберски стол со пепелник за пурите на Тито, како и аквариум за специјална врста рибичка донесена од Блискиот Исток, која ја тестирала чистотата на водата во базенот и во вилата и која во случај водата да не е чиста таа умирала.

-Пред доѓањето на Титово вилата во аквариумот е ставана оваа риба, која може да живее само во чиста вода. Најинтересно е што покрај цел овој систем тука постојано имало еден човек, чија единствена работа била да седи тука и да ја надгледува рибата и доколку таа не е жива можел рачно да го исклучи системот за проверка на водата. Инаку, вилата се снабдувала со вода од извор од планината зад градот, а денес од него со вода се снабдува Херцег Нови, објасни Ален Филиповиќ, наш домаќин во вилата на Тито.

Денес овој објект пропаѓа, иако е монументален споменик на едно минато време и на земјата која ја нема повеќе. Според најавите од нашите домаќини се бара решение за одржувањето и иднината на Титовата вила, која формално е дел од Институтот во Игало.

Крузери, скривници за подморници и прекрасното Роса на полустровот Луштица

Пловењето по влезот во Заливот Бока Которска не однесе на спротивниот брег од Херцег Нови. Во кусото патување сретнавме засидрен крузер среде заливот, од чија големина едноставно ви застанува погледот, а позади него е луксузната марина Порто Ново. Погледот ви го земаат неколкуте скривници за подморници на брегот на полуосторовот Луштица, кои некогаш биле бази на подморниците на морнарицата на ЈНА, а над нив се издигнуваат големи вили до самиот брег.

На крајот од ова кусо патување застанавме во малото селце Роса, до кое се стигнува со брод или по кривулестиот пат од Тиват. Сликата оттаму е како од соништата. Стари куќи, некоја коноба, поплочен брег и прекрасен поглед на високите црногорски планини и на Игало и Херцег Нови. Место за мирен одмор кое може само да се посака. Полни очи со убавина и повторно назад во нашата база, хотелот „Плеј", лоциран веднаш до некогашната Јадранска магистрала во Игало.

Куќата на нобеловецот Иво Андриќ и камените куќи во Жлјеби

Во понудата за запознавање со културно-историското наследство на Херцег Нови значајно место зазема куќата во која живеел нобеловецот Иво Андриќ. Таа е единствената куќа која ја изградил Андриќ во текот на својот живот, откако барал локации на повеќе места во Бока Которска за да може да ја лекува својата сопруга Милица, која боледувала од артритис.

-По совет на лекари од Шведска, каде ја примил Нобеловата награда, му го препорачале Херцег Нови заради климата и лекувалиштето во Игало, бидејќи тие своите пациенти ги испраќале токму тука. Со дел од парите од наградата одлучил да изгради куќа тука во 1963 година. Заедно со сопругата во неа живееле 5 години и откако таа починала тука, во дворот на куќата во 1968 година, одлучил да замине во Белград и никогаш повеќе не се вратил. Куќата и припаднала на сестрата на Милица, која одлучила да ја продаде, а ја купила општината Херцег Нови. Најпрвин во неа бил отворена градинка за деца, па била музичко училиште, клуб на писателите и ресторан, а во 2018 е претворен во музеј, кој е свечено отворен на 31 март годинава, објаснува Тихомир Кољевиќ, водич во музеј-куќата на Андриќ.

По приказната за куќата на единствениот нобеловец од некогашните југословенски простори, неизбежни се уште неколку историски објекти во Херцег Нови. Нашите љубезни домаќини не запознаа со училиштето во кое неколку години учел Петар Петровиќ Његош, Музејот на Мирко Комненовиќ и познатата Канли Кула, која е голема отворена сцена во која се одржуваат повеќе фестивали.

Патот не води кон планинските камени височини над Херцег Нови, кон селото Жлјеби, на 750 метри над морето. Уникатните куќи, изградени и покриени со камен, потсетуваат на многу црногорски филмови и во живо ја враќаат сликата од традиционалните села. Таму не пречека домаќинот Никола Сикимиќ. Со голем жар и енергија раскажува за селото во кое некогаш имало живот и како тој полека исчезнувал. Сепак, тој заедно со брат му решиле да ја обноват семејната ќуќа и со несекојдевна гастрономска понуда ги пречекуваат гостите.

-Иако е камен насекаде околу нас, малата површина земја е плодна и одгледуваме најразличен зеленчук и стока. Конобата е на местото на некогашното поилиште, а најголем дел од куќите се реставрирани со камен кој го вадиме во непосредна близина од нашиот каменелом. Тоа што го подигнавме сакаме да го покажеме и на другите за да можат и тие да уживаат во нашиот рај, вели Сикимиќ.

Готвачот Горан Стјепчиќ, кој е задолжен за подготовка на месо под вршник ни раскажа дека ова јадење се подготвува според традиционален рецепт.

-Важен е огнот и дрвата, но поважни се зачините-лук, кромид, рузмарин, компир и се готви по еден час од двете страни и потоа месото е подготвено, рече Стјепчиќ.

На трпезета покрај јагнешкото и телешкото под вршник имаше и пршут, неколку видови сирење, разни салати, бело и црвено вино, но и печени црвени пиперки зачинети со лук и магданос, кои се исти со нашиот македонски специјалитет.

Посетата на Херцег Нови ја завршивме со вечера во ексклузивниот хотел марина „Лазуре". Изненадувањето дојде од родниот крај на авторот на репортажата. Од шанкот се послужуваа црвени и бели вина на Винаријата „Далвина" од Хамзали кај Струмица. Чувството дека си далеку од дома за миг се претвори во гордост дека заедно со македонското вино сте мал дел од големата туристичка понуда на пријателска Црна Гора./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Нови детали за нападите на фрижидери во маркетите низ Европа: Шифрата била „12345“

Истражувачите за кибербезбедност забележаа обиди на хакери за пристап до системи за ладење поврзани со интернет неколку дена пред бранот напади врз европските супермаркети. 

Нови детали за нападите на фрижидери во маркетите низ Европа: Шифрата била „12345“

На почетокот на ноември, системите беа нападнати во маркетите во девет европски земји и во неколку банки за крв во Франција. Залихите на крв не беа изгубени, а сторителите не се познати.

Во некои продавници, температурите на фрижидерите и замрзнувачите се искачија на 50 степени Целзиусови, поради што мораа да фрлат расипана храна.

Компанијата за кибербезбедност Луповис регистрираше повеќе од 276 обиди за пристап до компоненти на контролерите за ладење на Данфос помеѓу 20 и 30 октомври. Според компанијата, обидите дошле од 91 различен актер на закана, а активноста достигна врв на 26 октомври.

„Одеднаш, во текот на десет дена, видовме големо зголемување на активноста. Напаѓачите се обидуваа да користат стандардни лозинки и да искористат некои ранливости“, изјави за Euronews Next Ксавиер Белекенс, извршен директор на Луповис.

Обидите беа снимени на таканаречени „медени стапици“, лажни системи што истражувачите намерно ги ставија онлајн за да ја следат хакерската активност.

„Замислете крадци како возат низ вашата населба барајќи куќи за да провалат“, го опиша извидувањето на системот.

Луповис гледа можна руска врска

Луповис, исто така, ги следеше дигиталните траги од нападите и откри дека се користени услуги за хостирање, чии провајдери го отежнуваат исклучувањето на серверите и соработката со полицијата. Некои од тие услуги, рече Белекенс, биле користени во минатото од руски хакерски групи.

„Сето ова укажува на противник кој не е аматер или осамен напаѓач. Операцијата се чини дека е добро испланирана, а државен актер одговара на тој опис“, рече тој. Тој додаде дека, следејќи ги индициите, се чини дека Русија може да стои зад нападот.

Самата компанија не може да докаже дека напаѓачите се поврзани со Русија. Нејзиниот извршен директор вели дека сензорите регистрирале слична активност во Европа, но не и во Јужна Америка, Африка, Северна Америка или Азија.

Џорџ Нот, уредник за технологија во The Grocer, предупреди да не се донесуваат цврсти заклучоци за одговорните.

„Сè уште не е јасно кој стои зад нападот или што сакал да постигне со него. Можеби никогаш нема да дознаеме. Бидејќи немало барање за откуп или прифаќање на одговорност, сторителот можел да биде државен актер, но и група тинејџери кои го направиле тоа чисто за забава.“

Системите биле достапни преку Интернет

Хакерите можеле да пристапат до системите за ладење бидејќи контролните единици биле поврзани на Интернет, според Белекенс. Некои системи наводно имале активни фабрички стандардни акредитиви за најавување, како што се корисничкото име „Супервизор“ и лозинката „12345“.

Нот вели дека напаѓачите пронашле страници за најавување достапни на интернет и ги искористиле слабите лозинки и ранливостите кои веќе биле поправени. Според него, таков напад не барал напредна технологија.

Белекенс верува дека многу системи би биле подобро заштитени доколку не биле директно изложени на Интернет, туку достапни преку виртуелна приватна мрежа (VPN).

Ризикот не се однесува само на ладилниците

Нападите предизвикаа загриженост за други уреди поврзани со Интернет. Системите за греење, вентилација и климатизација, електронските етикети на полиците и роботите за чистење би можеле да имаат слични ранливости.

„Замрзнувачот не е посебен. Тој е само највидливиот пример од многу поширока категорија“, рече Кумар Сока, директор на „Акре секјурити“.

Истиот тип на контролер, вели Сока, може да контролира врати, камери, аларми, осветлување и системи за греење и вентилација во модерни згради. Во болница или центар за податоци, нападот би можел да ја исклучи камерата или да го оневозможи алармот без никаков очигледен знак дека нешто не е во ред.

Експертите исто така предупредуваат дека вештачката интелигенција би можела да го забрза откривањето на ранливостите и развојот на идните напади. Сепак, нема индикации дека била користена во нападите врз европските системи за ладење.

Тагови: маркети фрижидери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Хонда ја претставува новата електрична Алфа- ќе добие нов знак и ќе се произведува во Индија (ФОТО)

Honda го откри името на својот нов електричен SUV: ќе се вика Alpha и ќе се произведува во Индија за глобалните пазари. 

Хонда ја претставува новата електрична Алфа- ќе добие нов знак и ќе се произведува во Индија (ФОТО)

Исто така, ќе ја има својата светска премиера таму на 2 декември 2026 година, додека цената, досегот и другите технички податоци засега остануваат непознати.

Honda Cars India оваа недела го потврди името, датумот на лансирање и распоредот на производство. Новиот модел ќе носи и редизајниран амблем наменет за следната генерација електрични автомобили на Хонда.

Индија ќе биде првиот пазар и производствен центар

Индија не само што ќе биде домаќин на премиерата. Honda го избра како прв пазар каде што Alpha ќе се продава, туку и како иден глобален производствен центар за моделот.

Тошијуки Јанагисава, претседател и извршен директор на Honda Cars India, го опиша моделот како пресвртница во развојот на електричната мобилност на Honda на индискиот пазар.

„Honda Alpha ја претставува нашата амбиција да им понудиме на клиентите во Индија напредна електрична мобилност со квалитет, сигурност и задоволство при возење по кои е позната Honda“, рече тој.

Тој, исто така, ја поврза одлуката за производство со пошироката стратегија за електрификација на брендот.

„Фактот дека Индија ќе биде глобален производствен центар за овој модел во иднина е важен чекор во електрификацијата на Хонда и ја одразува нашата силна посветеност на индискиот пазар.“

Одлуката доаѓа во време кога Хонда ја проширува својата електрифицирана понуда на модели, а паралелно планира да воведе нови хибриди. Изборот на Индија за производство на глобален електричен модел ја покажува зголемената важност на земјата во плановите на Хонда.

Нов амблем како врска со концептот Хонда 0 Алфа

Алфа ќе биде првиот производствен модел на индискиот пазар со редизајнираниот амблем на Хонда во форма на буквата H. Новиот знак ја продолжува традицијата што датира од почетокот на 1960-тите и е дел од промената во визуелниот идентитет поврзана со новата генерација електрични возила.

Името Алфа доаѓа од првата буква од грчката азбука, за која Хонда вели дека сака да симболизира нов почеток за клиентите.

SUV е тесно поврзан со концептот Хонда 0 Алфа, претставен на Јапонскиот саем за мобилност, а според Motor1, тоа е неговата производствена верзија. Фотографијата што го најавува автомобилот, иако покриена, открива силуета со висок, аголен заден дел што потсетува на концептот.

Хонда сè уште не го објави капацитетот на батеријата, проценетиот досег или цената. Ниту извозните пазари, ниту роковите за почеток на продажбата надвор од Индија не беа прецизирани, па затоа сè уште не е познато дали Алфа воопшто ќе пристигне во Европа.

Повеќе детали се очекуваат на премиерата на 2 декември.

Тагови: Хонда

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Џорџија Мелони се налути и предупреди: Европа ризикува да стане ирелевантна

Италијанската премиерка Џорџија Мелони го загуби трпението и го повика претседателот на Европскиот совет, Антонио Коста, итно да назначи специјален претставник на ЕУ за мировни преговори за Украина!

Џорџија Мелони се налути и предупреди: Европа ризикува да стане ирелевантна

Италијанската премиерка предупреди во писмо објавено на 5 ноември дека ако тоа не се направи, Европа може да биде „осудена на целосна ирелевантност“ и да стане ирелевантна во ваквите дипломатски напори.

Во писмото испратено од Мелони, таа рече дека е загрижена за растечкиот број на конкурентски иницијативи.

Таа конкретно го спомена состанокот одржан на 10 октомври во Мајами меѓу американски, украински и европски претставници, последователниот состанок во Осло на 20 октомври, како и телефонскиот разговор меѓу финскиот претседател Александар Стаб и норвешкиот премиер Јонас Гар Сторе со рускиот претседател Владимир Путин на 27 октомври.

Покрај тоа, во наредните денови се планирани и други состаноци.

Претставници на САД, Украина, НАТО и неколку европски земји се состанаа во Брисел на 4 ноември за да разговараат за напорите за завршување на руската војна, пред следната рунда трилатерални разговори меѓу Украина, Русија и САД, закажани за 10 и 11 ноември во Абу Даби.

Мелони предупреди дека ширењето на мировните иницијативи може да ја направи Европа да изгледа како страна на која „целосно ѝ недостасува кредибилитет во решавањето на едно од најсложените прашања со кои се соочуваат нашите земји“.

„Сигурна сум дека сите сме свесни дека со создавање слика за Европа која изгледа неорганизирана и без единство, не правиме ништо друго освен да им служиме на интересите на оние кои сакаат оваа војна да продолжи. Сметам дека ова е неприфатливо, со оглед на тоа што се во прашање човечки животи и иднината на нашата безбедност“, напиша Мелони.

Поради оваа причина, рече таа, Европа сега се соочува со „неизбежна“ потреба да воспостави унифициран мандат и да „зборува со еден глас“ за војната во Украина.

Функционер на Европската Унија потврди за „Киев Индепендент“ дека содржината на писмото се совпаѓа со верзијата споделена со новинарите на интернет.

Мелони го повика Кошта да го стави предлогот за назначување специјален европски пратеник за мировни разговори на дневен ред на неформалниот состанок на шефовите на држави и влади на ЕУ, закажан за 13 ноември во Даблин.

Таа го повика Европскиот совет да формализира одлука за ова прашање до декември, која потоа би можел да ја разговара со Обединетото Кралство, Норвешка и други заинтересирани земји надвор од ЕУ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер