Свет

Колкави се шансите за дипломатски исчекор за крај на кризата на Блискиот Исток?

Или ќе постигнеме добар договор со иран или проблемите ќе ги решиме поинаку, вели американскиот државен секретар Марко Рубио, кој потенцира дека во моментов и се дава шанса на дипломатијата..

Се очекува наскоро да се договори општата рамка за преговори меѓу Иран и САД како клучен развој во тековните дипломатски напори меѓу двете земји во насока на ставање крај на тримесечниот конфликт и кризата на Блискиот исток. Според државниот секретар на САД – Марко Рубио, Ормускиот теснец и нуклеарните прашања се клучни меѓутоа засега се неодговорени од Иранската страна, притоа потенцирајќи дека на дипломатијата ќе и се даде шанса но остануваат и како што рече „други алтернативи„.

„Сè уште има работа во тек. Мислевме дека можеби ќе имаме некои вести синоќа, можеби денес, не би навлегувал премногу во тоа, потребно е време да чуеме одговор. Имаме нешто што мислам дека е прилично солидно на маса во однос на нивната способност да го отворат теснецот, да влезат во многу реални, отворени, значајни, временски ограничени преговори за нуклеарните прашања.“

Иран не се согласува управувањето со Ормускиот теснец да биде дел од договорот, соопшти портпаролот на иранското Министерство за надворешни работи, Есмаил Багаеи. Тој исто така рече дека засега не се дискутираат ни нуклеарните прашања.

„Овој воден пат може да биде од корист за сите земји во светот во однос на безбедната трговија и поморскиот сообраќај. Сепак, како резултат на ционистичката агресија на САД врз Иран, бидејќи овој конкретен Ормутски теснец беше искористен за напади врз земја која е членка на Обединетите нации, правиме сè што можеме, во согласност со меѓународното право, за да постигнеме законска динамика за управување со сообраќајот на овој воден пат.“

Според светските медиуми, очекувањата не се многу високи наскоро да се постигне почетен договор што би овозможил понатамошни преговори. САД и Израел го опишаа договорот како „меморандум за разбирање„ додека пак, иранските медиуми тврдат дека Техеран се однесува со голема недоверба кон САД и нивната подготвеност да ги почитуваат преговорите, што значи дека договорот може во секој момент да биде откажан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Филипче наместо да дигаш паника меѓу земјоделците, кажи каде се парите од неисплатените субвенции

Филипче без тронка срам одиш и ги лажеш граѓаните, но има еден голем проблем, никој не ти верува.

Филипче да те потсетиме дека кога заминавте од власт, оставивте долгови, неисплатени субвенции за 2020, 2021, 2022 и 2023 година. Можеби дојде време да одговорите на земјоделците каде тие пари завршија.

Дали токму со парите на земјоделците си купивте визи во Дубаи, станови по скапи комплекси низ Скопје?

Владата предводена од ВМРО-ДПМНЕ од самото доаѓање на власт исплати 350 милиони денари за неисплатени плати на вработените во ЈП Национални шуми и АД Водостопанство. Владата предводена од ВМРО-ДПМНЕ во периодот од 27.07.2024 до 31.12.2024 исплати близу 4 милијарди денари.

Вкупно од 27.07.2024 година до денес исплатени се близу 14 милијарди денари за заостанати и тековни обврски.

Филипче наместо да дигаш паника меѓу земјоделците, одговори им зошто во ваше време се вметна во законот за вино дополнителни 8%, кои винариите им ги кратат на лозарите.

Филипче одговори на лозарите зошто не ја изготвивте методологијата за пресметка на трошоците за производство на килограм винско грозје, туку Владата на ВМРО-ДПМНЕ ја донесе за 18 дена.

Не ви поминуваат лагите, прочитани сте, подгответе се за длабока опозиција.

Резултатите во земјоделството се видливи, земјоделците имаат партнер во Владата преводена од ВМРО-ДПМНЕ и знаат дека никогаш нема да бидат оставени сами како со СДС.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нема брза пруга, ќе има мигранти

Мицкоски и ВМРО денеска се фалат дека „ќе има брза пруга“, а дека „нема мигранти“.

Ова е уште една во низата нивни лаги.

Пред неколку дена јасно кажавме: Скопје не е на мапата на европската брза пруга.

Нема проект, нема пари, нема ништо. Сега, кога немаат што да кажат, повторно се фалат со празни ветувања.

Сето ова Мицкоски го прави затоа што сака предвремени избори.

Нема ниту еден реален успех на оваа влада, па повторно мора да измислува проекти како предизборни ветувања.

Така ветуваше промена на името, укинување на Преспанскиот договор, па сега ветува брза пруга.

Истото важи и за мигрантите. Уште на почетокот на годината предупредивме дека Мицкоски договара мигранти. Тоа го потврдија и светски медиуми.

Во Давос, освен средбата со 4iG (компанија која сега е под истрага во Унгарија), имал и посебна средба токму за „економски работници“.

Во Европа се зголемуваат протестите против мигранти.

Европската унија усвои правила со кои им овозможува депортација на мигранти во трети земји.

Македонија ја гледаат токму на тој начин - како земја во која може да се носат - затоа што нема напредок во реформите и на патот кон ЕУ.

Мицкоски ја изолира земјата, а потоа ќе прифати мигранти за пари.

Тоа се „економските работници“ како што ги прекрстија со закон.

Владата во јануари донесе уредба за 10.000 оваа година, а Николовски најави зголемување на 50.000 нови економски работници.

Реалноста е едноставна:

Нема да има брза пруга, затоа што нема пари.

Ќе има мигранти, веднаш по изборите, затоа што нема пари.

Кога државата е финансиски исцрпена, а Мицкоски и неговата банда продолжуваат да трошат на клиентелизам и пропаганда, тогаш нема инвестиции, нема развој, туку има само увоз на евтина работна сила за да се одржи системот.

Мицкоски повторно лаже.

Ги лаже граѓаните, ги лаже своите членови, ги лаже и коалиционите партнери. А најмногу – се лаже сам себе дека може да ја прикрие вистината.

Нема пруга. Ќе има мигранти.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

ОН: Мај беше најсмртоносниот месец за украинските цивили од почетокот на војната

Мисијата на Обединетите нации за мониторинг на човековите права во Украина заклучи дека бројот на убиени и повредени цивили во оваа земја во мај бил поголем отколку во кој било друг месец во последните четири години.

Мисијата потврди дека најмалку 274 цивили биле убиени, а 1.763 повредени во мај во Украина како резултат на насилство поврзано со конфликтот. Во претходните години, бројот на жртви постојано се зголемуваше месец по месец во текот на пролетта и летото. Причината е што употребата на моќно оружје од страна на Русија во урбаните средини беше главната причина за големиот број жртви во мај.

Тагови: ОН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.