Клоп сака да ја искористи кризата во Барселона и да донесе ѕвезда за 90 милиони евра

Јирген Клоп по испаѓањето од Лигата на шампионите од Атлетико сака да го засили офанзивниот дел на тимот, а најде и решение за проблемот во Барселона.

Каталонскиот весник Sport тврди дека тренерот на Ливерпул сака да го донесе Оусман Дембеле, 22-годишниот француски крилен играч, кој претрпе дури 11 повреди откако пристигна во Барселона пред три години за 120 милиони евра.

Повредениот Дембеле има одиграно само девет натпревари оваа сезона, а во Барселона тврдат дека се уште сметаат на него, но би можеле да се премислат доколку Ливерпул излезе со понуда од 90 милиони евра. Барселона ќе ги потрошела тие пари за да го донесе Лаутар Мартинез од Интер или Нејмар од ПСЖ.

Англичаните сметаат дека Барселона ќе биде клуб со најмногу економски последици од пандемијата на коронавирус, и тие сакаат да го искористат тоа до следниот рок.

„Клоп е за вљубен во играта што Дембеле ја покажа во единствената сезона во Борусија, клуб што го донесе од Рен една година откако Клоп ја напушти Борусија“, пишува Спорт.

Општина Кавадарци спроведува целосна реконструкција и модернизација на уличното осветлување

Општина Кавадарци спроведува целосна реконструкција и модернизација на уличното осветлување во градот и населените места. 

-Се менува ниско напонската мрежа, се поставуваат нови канделабри и светилки, а целта е да се заштети електрична енергија, а да се добие подобро осветлување на улиците и јавните површини. На денешната прес конференција од општината информираа и дека граѓаните можат онлајн преку веб страницата на општината да пријавуваат проблеми, но и да закажуваат прием кај градоначалникот Митко Јанчев.

ВМРО-ДПМНЕ денеска ќе избира нов Ивршен комитет

Централниот комитет на опозициската ВМРО-ДПМНЕ денеска попладне ќе одржи седница за избор на Извршен комитет на партијата.

Според партиското соопштение, новиот Извршен комитет ќе има помалку членови од актуелниот и ќе содржи неколку нови имиња.

Новиот извршен комитет е дел од пакетот промени кои ги најави и почна највисокото актуелно партиско раководство. По изгласувањето на новиот статут, ВМРО-ДПМНЕ избра нов претседател и нов Извршен комитет на УМС, распиша оглас за избор на нов претседател на унијата на жени, а во меѓувреме беа назначени и нови претседатели во дел од општинските комитети.

Украден мртовец од струмичката болница

Претпладне околу 9 часот група струмичани украле мртовец од Инфективното одделение на болницата, потврди за МИА директорот, д-р Наќе Гогов.

– Се се случи како во хорор филм. Пациент на 49 годиншна возраст бил примен во амбулантата во тешка состојба, откако претходно го донеле неговата ќерка и сопругата. Отако набргу починал дваесетина граѓани од Турското маало во Струмица го извлекле починатиот со кревет надвор во дворот на болницата, го префриле преку оградата и го ставиле во комбе по што се упатиле во непознат правец. Го осудуваме овој чин, бидејќи не дозволиле на лекарите да потпишат посмтрница и да ги пополнат потребните документи. Веднаш ја алармиравме полицијата, но додека таа да дојде тие веќе заминаа, рече директорот Гогов.

Според него не може да се каже дали починатиот бил заразен од Ковид-19, бидејќи не му бил направен тест./МИА.

притисни ентер