Клоп: На Меси секогаш можевте да му дадете Златна топка, Лева сега требаше да ја добие

Меѓу милионите кои се изненадени од позициите на фудбалерите во борбата за Златната топка е и менаџерот на Ливерпул, Јирген Клоп.

Германскиот тренер е најмногу изненаден што неговиот играч Мохамед Салах завршил на седмото место зад победникот Лионел Меси, второпласираниот Роберт Левандовски, третопласираниот Жоргињо, четвртиот Карим Бензема, петтопласираниот Н`Голо Канте и шестопласираниот Кристијано Роналдо. .

„Изненаден сум од позицијата на Салах. Новинарите гласаат за Златната топка, па ако мислите дека Салах требаше да биде подобро пласиран, тогаш требаше да ги убедите колегите“, им рече Клоп на новинарите во пресрет на градското дерби со Евертон.

„Секоја година можете да му ја давате Златната топка на Меси за кариерата што ја направи, но ако не сте му ја подариле сега на Левандовски, тогаш никогаш нема да му ја дадете... А Салах требаше да биде подобро пласиран, нема сомнение во тоа“.

Средба на претседателот Пендаровски со Ана Лирман, германска државна министерка за Европа

Претседателот Стево Пендаровски денеска ја прими Ана Лирман, државна министерка за Европа во Министерството за надворешни работи на Сојузна Република Германија.

Честитајќи ѝ за преземањето на функцијата, претседателот Пендаровски оцени дека посетата на министерката Лирман набрзо по нејзиното именување, ја демонстрира јасната посветеност на германските власти за аспирациите на државите од Западен Балкан за членство во Европската Унија. Претседателот Пендаровски се заблагодари што проширувањето на Европската Унија и Западниот Балкан се меѓу клучните приоритети на новата Влада на канцеларот Олаф Шолц.

Претседателот Пендаровски истакна дека Република Македонија останува посветена на европската агенда и го реафимираше очекувањето за скорешен почеток на пристапните преговори за членство во Европската Унија. Во таа насока, претседателот Пендаровски посочи на подготвеноста на нашата држава за продолжување на дијалогот со Република Бугарија, во духот на добрососедските односи, со цел надминување на блокадата во однос на европските интеграции.

Во контекст на билатералните односи, претседателот Пендаровски оцени дека Германија е клучен политички и економски партнер на земјава и еден од најзначајните трговски партнери во годините наназад. Претседателот Пендаровски изрази очекување за натамошно јакнење на пријателството и партнерството меѓу двете држави, вклучувајќи го сојузништвото во НАТО, како и очекување за натамошно зголемување на трговската размена.

Водата во Скопје безбедна и квалитетна за пиење

Водата во Скопје изминатата недела била безбедна и квалитетна за пиење, покажуваат примероците за физичко-хемиска и микробиолошка анализа земени од 47 мерни места во Град Скопје, информираат од ЈП „Водовод и канализација – Скопје".

Ова го покажува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола, во кој земените 196 примероци за физичко-хемиска и 196 примероци за микробиолошка анализа на вода за пиење, од 47 мерни места во град Скопје, во периодот од 10 до14 јануари 2022 покажува дека сите примероци одговараат на Правилникот за барања за безбедност и квалитет на водата за пиење.

Снежно невреме во источниот дел на САД, 200.000 домаќинства без струја

Силно снежно невреме го погоди источниот дел на САД, поради што дојде до прекин на електричната енергија. Повеќе од 200.000 домаќинства во Џорџија, Северна и Јужна Каролина се без струја.

Властите ги предупредија граѓаните да се воздржат од патување поради лошите временски услови. Откажани се 3.000 летови, а 8.000 полетале со доцнење.

Снежното невреме стигна и до Канада, каде за само неколку часа паднаа 20 до 40 сантиметри снег.

притисни ентер