За Ливерпул сезоната продолжува со гостувањето во Евертон во недела, на 21 јуни.
Германецот, како и обично, ја отвори прес-конференцијата со шега што ги натера новинарите преку Зум да се насмеат.
„Гледам дека не сте биле на фризер некое време“, им рече Клоп на новинарите на почетокот и продолжи со многу посериозен тон:
"Сè е различно за сите нас, но ова сепак е дерби и тоа е многу важно за двата тима. Со нетрпение го очекуваме. Се обидовме да се навикнеме на измените за време на овие подготовки. Одигравме еден пристоен натпревар против Блекбурн. Изгледаше како фудбал. Иако ќе играме без навивачи, дефинитивно сакаме да победиме. Сепак, знаеме дека сите ќе ги бараме навивачите за време на натпреварот. Јас навистина го чекам денот кога ќе можат да дојдат на стадионите “.
Германецот особено ги пофали Џордан Хендерсон и Маркус Рашфорд за одличните акции што ги направија за време на паузата.
"Она што го направија Хендо и другите играчи за време на паузата не ме изненади, туку ме направи крајно горд. Фудбалерите прават многу, но не зборуваат за тоа. Тие помогнаа многу за време на оваа криза. Она што го направи Рашфорд ... Не можам да го почитувам повеќе отколку што веќе го почитувам. Срамно е што мораше да го стори тоа, но тој направи фантастична работа “.
Натпреварите во Премиер лигата во првото коло продолжуваат со минута молчење, а играчите го поддржуваат движењето „Блек лајвс Матерс“ на различни начини.
„Секако дека сите животи се подеднакво вредни, но да се надеваме дека ова го покажуваме последен пат.Ако можеме да ја промениме иднината, мора да дадеме се од себе за да го сториме тоа“.
Што се однесува до самиот натпревар, Клоп е свесен дека Евертон ќе биде мотивиран да го освои градското дерби, а тој изјави дека ова дерби е уште посоодветно затоа што доаѓа по многу тешка ситуација.