Ќе има ли преструктуирање во редовите на владејачкото мнозинство?

Ние од август ја имаме донесено одлуката, неколку пати на барање на СДСМ сме ја одложувале примената. 

Напуштањето на пратеничката група предводена од СДСМ на двајцата пратеници на ЛДП е единствено од практични причини за посамостојно делување во Собранието, тврди за Канал 5 претседателот на партијата Горан Милевски и уверува дека нивната одлука нема да предизвика тектонски поместувања во владината коалиција, ниту пак приклонување кон опозицијата.

-Ние од август ја имаме донесено одлуката, неколку пати на барање на СДСМ сме ја одложувале примената. Сега излезе во јавност одлуката, се крена фама дека сме дел од ново мнозинство и затоа моравме да реагираме, да објасниме дека тоа нема врска со мнозинството и не знам зошто премиерот толку бурно реагирал вчера претпоставувам, тежок ден поради бегството на Мијалков и можеби затоа така реагирал,вели Горан Милевски.

По стапките на ЛДП, ќе тргне и Павле Трајанов од Демократскиот Сојуз, но и тој вели дека владеачкото мнозиство е цврсто и одделувањето од мнозинството ќе допринесе за зголемување на плурализмот и одговорноста, а воедно се дава поголема можност на пратениците да ги спротиставуваат нивните мислења.

-Има шпекулации дека берзата на пратеници е отворена, дека се нудат суми, јас тоа не можам да го потврдам, зборам за шпекулации и за тоа што се зборува во ходниците, во куларите, но како и да е, коалиција се прави пред изборите, се настапува заедно и се додека главните партиски програмски определби се дел од програмата на владата, таа треба да ја ужива поддршката,истакна Павле Трајанов..

Одлуките за одвојување на помалите партери во колаицијата на СДСМ доаѓаат во време кога лидерто на опозициската ВМРО-ДПМНЕ Мицкоски најави дека ќе поднесат иницијатива за гласање за недоверба на Владата за што побара поддршка од пратениците од двата табора.

АстраЗенека го продала уделот во Модерна за над милијарда долари

АстраЗенека продала 7,7% од акциите на Модерна за повеќе од 1 милијарда долари откако акциите на американската компанија за биотехнологија пораснале благодарение на пробивањето на вакцината на пазарот, објави британски Тајмс.

Не е јасно во кој период британско-шведската компанија го продала својот удел во Модерна, со што планира да одржи партнерство за други терапии.

AstraZeneca во иднина може да ја продава вакцината на комерцијална основа доколку вирусот стане ендемичен, се додава во извештајот.

Модерна, чија вакцина е одобрена за итна употреба во САД, соопштила дека очекува приход од околу 18,4 милијарди долари од вакцината против коронавирус оваа година.

Легендарниот Ferrari 250 GTO се враќа (ФОТО)

Рестомод сцената станува се посилна, а работите се уште поинтересни кога приказната се врти околу безвременските класици.

GTO Engineering е компанија од Велика Британија што го најави „ Project Moderna “, со што ќе се појави мрежно модерно толкување на легендарниот модел на Ферари. Објавувањето на проектот било проследено со ентузијазам кај обожавателите на оваа класика, па затоа компанијата одлучила да ја информира јавноста за напредокот на проектот. И да, освен изгледот, сè ќе биде ново, па тие претпочитаат својот иден автомобил да го нарекуваат „преродба“ , а не „рестомод“.

И покрај сегашните трендови, атмосферскиот мотор V12 е избран за напојување на овој специјален автомобил. „За нашиот тим, моторот и естетиката се двата најважни делови на автомобилот, така што започнавме од таму со толку голем ентузијазам“, објаснува Марк Лион, основачот на компанијата, кој работи на проектот.

Моторот ќе се спои со мануелен менувач, додека основата на автомобилот ќе биде тубуларна челична шасија, но со подрамки изработени од алуминиум. Целта е јасна, а тоа е да се остане под 1000 кг. Изгледот на автомобилот е целосно дефиниран од оригиналот, а единствениот проблем ќе биде потребата да се прилагоди на фактот дека луѓето денес се во просек повисоки отколку во 1960-тите.

GTO Engineering сега формално го отворил списокот со нарачки, но јавно не ја објавува почетната цена, ниту датумот на испорака на автомобилот.

Пукотници во средно училиште во САД, застрелан ученик (ВИДЕО)

Ученик е повреден во денешното пукање во средното училиште Вотсон Чапел во Пајн Блаф, во американската сојузна држава Арканзас, соопштила управата на окружното училиште.

„Родителите на повредениот ученик се информирани“, се вели во соопштението, додавајќи дека сите други ученици се безбедни, а станувало збор за „изолиран инцидент“, пренесува Ројтерс.

Наставата започнала денеска во училиштето во Пајн Блаф, што се наоѓа на околу 70 километри од главниот град на државата Арканзас, Литл Рок.

притисни ентер