Иако најавено дека ќе стартува од 1ви ноември, сепак законот се уште го нема поминато собранискиот филтер. На пленарна седница, ќе се гласа дури на 5ти ноември.
Па оттука се отвора прашањето, дали законот ќе може да важи за платите кои газдите ги покачиле овој месец, или сепак ќе важи за следниот ?!
„Очигледно на политичарите не им е толку битно економијата, туку битни им се други работи. Законот ако го читате, вика ќе се применува од ноември, или за плата октомври, октомвриска плата се исплаќа од 1ви до 10ти. Ако се закасни во собрание, тогаш сакале или нејќеле ќе мора да е од ноевмриска плата или од први декември“, вели Ангел Димитриов, претседател на Организација на работодавачи.
Во однос на зголемувањето на минималецот кој треба да стартува од декември Димитров вели дека - иако некои од компаниите алармираат дека тоа ќе им донесе клуч на врата, власта не ги сфаќа сериозно нивните поплаки.
„Овие нивни реакции, владата не ги зема доволно озбилно, бидејќи мисли дека пак ќе биде само блеф. Но, ситуацијата не е едноставна, тие се соочуваат не само со притисок за пораст на плати туку и за заминување на одредени комитенти надвор од Македонија, затоа што самите странски компании се свесни дека со порастот на платите во Македонија, текстилната индустрија ќе ја изгуби конкурентноста и тие ќе мора да заминат во далечниот Исток“, додава Димитров.
Инаку во земјава за прв пат се оформи Здружение за трудово и социјално право. Универзитетските професори кои членуваат во него, бараат целосна промена на Законот за работни односи, бидејќи тврдат дека не е во согласност со Европските регулативи.