„Кризата во Украина звучи како аларм за светот“, рече Си, инаугурирајќи го бизнис форумот БРИКС преку видео врска, додавајќи: „Фактите уште еднаш докажаа дека санкциите се меч со две острици“.
Си повика на посилна координација на макроекономската политика за да се спречи забавување или дури и закана за глобалното закрепнување и рече дека големите развиени земји треба да усвојат „одговорни“ економски политики.
Војната во Украина, која Москва ја започна кон крајот на февруари, уште еднаш го вклучи „алармот за човештвото“, рече тој.
Кинескиот претседател не ја критикуваше Русија, членка на БРИКС.
Си не ги ни спомна Западот и НАТО по име, но рече дека државите ќе завршат во неволја „ако слепо веруваат во сопствената сила, ги прошират воените сојузи и ја бараат сопствената безбедност на сметка на другите“.
„Историјата покажа дека хегемонијата, групната политика и конфликтите меѓу блоковите не носат мир или стабилност, туку војна и конфликт“, рече Си во своето обраќање.
Меѓународната заедница, нагласи тој, мора да работи заедно за да се спротивстави на хегемонијата и на политиката на моќ.
Лидерите на Бразил, Русија, Индија, Кина и Јужна Африка треба утре да се сретнат на вируелен состанок. Овој пат со самитот претседава Кина.
Сите членки на БРИКС (Бразил, Индија, Кина и Јужна Африка) се спротивставија на западните санкции по руската инвазија на Украина.