Кинескиот Ауди доби нов модел: Петметарски „ѕвер“ со голема моќност и ниска цена (ФОТО) - Канал 5

Кинескиот Ауди доби нов модел: Петметарски „ѕвер“ со голема моќност и ниска цена (ФОТО)

Пристигна вториот модел на оној другиот, кинескиот Audi.

Кинескиот Ауди доби нов модел: Петметарски „ѕвер“ со голема моќност и ниска цена (ФОТО)

Другиот Audi, кој се пишува AUDI и нема прстени, носи само електрични модели и е резервиран за кинескиот пазар. Веќе со премиерата на првиот модел, E5 Sportback, ги заинтригира европските фанови, и со својот дизајн и со намалената цена.

Сега пристигна и вториот модел, AUDI E7X. За потсетување, целосно електричниот премиум SUV е дел од понудата на сестринската марка и е создаден во соработка со SAIC. Целта на проектот е да ги поврзе класичните компетенции на Ауди со дигиталните и мрежните барања на кинескиот пазар. Официјалната светска премиера е закажана за Auto China 2026 во Пекинг.

Голем премиум SUV со акцент на просторност

AUDI E7X во голема мера ги пренесува дизајнерските елементи од студијата во сериско производство. Со должина од 5049 милиметри, ширина од 2002 милиметри и висина од 1708 милиметри, моделот е јасно позициониран во сегментот на големи премиум SUV возила. Меѓуоскиното растојание на овој ѕвер од 3.060 милиметри обезбедува многу простор во ентериерот, но и динамична стабилност и удобност на долги патувања.

Дизајнот го следи претходниот пристап со јасно структуриран идентитет. Светлосните потписи на предниот и задниот дел, кои му даваат на возилото препознатлив идентитет, особено се издвојуваат. На предниот дел доминираат вертикално поставени дигитални Matrix LED светла, интегрирани во континуирана црна рамка што ги заменува класичните елементи на решетката на ладилникот. Изразените браници и кратките надвиснувања дополнително ја нагласуваат масивноста на возилото.

Две нивоа на моќност

За погонот се обезбедени две варијанти. Основната верзија развива 300 kW (408 КС), додека помоќната носи вкупна системска моќност од 500 kW (680 КС). Деталните податоци за забрзувањето, опсегот или капацитетот на батеријата сè уште не се објавени. Сепак, Audi нагласува дека динамиката на возење и енергетската ефикасност биле меѓу клучните развојни цели.

Фермин Сонеира, извршен директор на проектот за соработка Audi-SAIC, го опишува E7X како постојано развиен SUV со јасен фокус на секојдневната употребливост и разновидност. Покрај надворешниот изглед, посебно внимание се посветува на хармонијата на просторниот концепт, погонскиот склоп и дигиталните функции, нагласува компанијата.

Цената за E7X сè уште не е објавена, но не се сомневаме дека ќе биде значително пониска од она на што сме навикнати од Audi во Европа. За потсетување, E5 Sportback во Кина започнува од цена од 28.200 евра, износ за кој во Европа можеме да ги избереме само најевтините верзии на моделите A1 и A3.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Секси мајка: Дилет изгледа неверојатно по породувањето

Една од најибавите телевизиски водителки на светот, атрактивната Италијанка, Дилета Леота го официјализираше враќањето кон својот препознатлив провокативен изглед на својот Инстаграм профил.

Секси мајка: Дилет изгледа неверојатно по породувањето

Нејзините следбеници беа изненадени и не можеа да поверуваат дека таа се врати во топ форма толку брзо по породувањето.

Една од најибавите телевизиски водителки на светот, атрактивната Италијанка, Дилета Леота го официјализираше враќањето кон својот препознатлив провокативен изглед на својот Инстаграм профил.

Италијанската спортска водителка се породи пред три недели и донесе син на свет. Таа веќе има ќерка со сопругот, германскиот голман Лорис Кариус.

Дилета, која многумина ја сметаат за една од најатрактивните жени во светот, објави фотографија на која лежи на кауч во црна облека.

Носеше облека што личи на костим за капење. Нејзините следбеници беа изненадени и не можеа да поверуваат дека толку брзо се вратила во врвна форма по породувањето.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фото: Ирина Шајк зрачи со сексипил

Познатата руска манекенка, Ирина Шајк, повторно ги излуди сите на социјалните мрежи. 

Фото: Ирина Шајк зрачи со сексипил

Како да не беше доволно нејзиното претходно појавување на Мет Гала кога се појави речиси гола и ви го одзеде здивот.

Овој пат, убавата Русинка објави серија фотографии од разни настани, меѓу кои се издвои онаа на која Ирина позира во едноставно бикини.

Сè почесто кога ја гледаме во вакви публикации, имаме и можност да се увериме дека моделот обожава едноставност.

А сега се одлучи за „обично“ бикини, но доволно мало и провокативно за повторно сите да зборуваат за нејзиното тело, наместо за моделот.

„Кралица“, „Ти си најубавата жена на светот“, „Гориш“, „Толку едноставна и единствена“, „Сјаеш, жено“, беа само дел од коментарите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонско еколошко друштво: Во полн ек се теренските истражувања на дивиот свет во Преспа

Преспанскиот Регион претставува вистинска лабораторија на отворено, што јасно го потврдуваат и тековните теренски истражувања на биолошката разновидност кои Македонското еколошко друштво ги спроведува во соработка со локалните заштитени подрачја.

Македонско еколошко друштво: Во полн ек се теренските истражувања на дивиот свет во Преспа

Преспанскиот Регион претставува вистинска лабораторија на отворено, што јасно го потврдуваат и тековните теренски истражувања на биолошката разновидност кои Македонското еколошко друштво ги спроведува во соработка со локалните заштитени подрачја како дел од проектот „Иницијатива за зелена и сина Преспа“, финансиран од Европската Унија во рамки на програмата „ЕУ за Преспа“.

Долж крајбрежјето на Преспанското Езеро е веќе отпочнат мониторингот на повеќе видови птици, вклучувајќи ги големиот северен нуркач, белиот пеликан и секако кадроглавиот пеликан - како еден од најрепрезентативните симболи на Преспа. Овие истражувања овозможуваат континуирано следење на состојбата со нивните популации и навремено препознавање на потенцијалните закани со кои се соочува живиот свет во езерскиот екосистем.

Особено внимание се посветува и на влажните живеалишта и нивните жители. Во фокусот на истражувањата се македонскиот мрморец, жолтиот мукач и блатната желка - клучни видови чиј мониторинг дава значајни информации за состојбата со влажните екосистеми, кои сè почесто се изложени на притисоци од климатските промени и човековитеактивности.

Островот Голем Град продолжува да го привлекува вниманието на меѓународната научна јавност. Здружен тим на истражувачи од Македонија, Србија, Грција и Франција учествуваа во годишните студии на неколку видови влекачи, меѓу кои змиите- рибарки, поскокот и шумската желка. „Овогодинешните истражувања укажуваат на позитивните ефекти на необично влажната пролет, видливи не само во нивото на езерската вода и во снежните покривки на високите падини на Галичица и Пелистер, туку и во големиот број на заловени и обележани животни на Голем Град (>500). Меѓу другото, за прв пат по многу години успеавме да обележиме голем број на бебиња и млади шумски желки. Тие се поактивни од вообичаено заради обилната храна во интензивната зелена пролетна покривка на островот. Ова навидум нуди надеж за оваа популација на која и се ближи истребување, но сепак, најверојатно е само резултат на влажната пролет, додека пак малиот број на јајца забележани во островските женки, во споредба со оние од копното, нѐ потсетува на трагичната судбина на оваа популација. Можеби следната година ќе сведочиме подобра ситуација потпомогната од наталожените резерви од оваа година, но генералните климатски проекции ни укажуваат дека оваа година е само исклучок во една многу сушна иднина“ - објаснува д-р Драган Арсовски од Македонското еколошко друштво.

Собраните податоци од сите овие истражувања, заедно со истражувањата на ренџерските служби на Паркот на природата „Езерани“ при Општина Ресен и националните паркови „Галичица“ и „Пелистер“, ќе бидат интегрирани во единствена дигитална платформа којана различните засегнати страни ќе им овозможи сеопфатен увид во состојбата и трендовите со биолошката разновидност во регионот.

„Спроведувањето континуирани и систематски истражувања е неопходно за обезбедување релевантни податоци за состојбата со дивата флора и фауна во Преспа, како предуслов за паметно планирање на мерките за заштита, зачувување и одржливо управување со природното наследство на еден од најубавите и најуникатни прекугранични региони во Европа“ - посочува м-р Даниела Заец, раководител на канцеларијата на Македонското еколошко друштво во Ресен.

Активностите за мониторинг на биолошката разновидност во Преспа се реализираат во рамки на проектот „Иницијатива за зелена и сина Преспа - Зајакнување на заштитата преку истражување, едукација и комуникација“, финансиран од Европската Унија (ЕУ) во рамки на програмата „ЕУ за Преспа“ и кофинансиран преку Фондот за природа „Преспа - Охрид“ (ПОНТ). Покрај Македонско еколошко друштво, партнери во имплементацијата на проектот се Општина Ресен, Националниот парк „Галичица“, Друштвото за заштита на Преспа (SPP) од Република Грција и Друштвото за заштита и зачувување на природната средина во Албанија (PPNEA) од Република Албанија. Спроведувањето на проектните активности е поддржано од Министерството за животна средина и просторно планирањена Република Македонија и Националниот парк „Пелистер“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер