Живот

Керќата на Путин, Катерина во врска со Зеленски?!

Ќерката на рускиот претседател Владимир Путин, Катерина Тихонова наводно има љубовник кој се презива Зеленски, исто како и украинскиот претседател Володимир, пишува Дејли Мејл.

Наводно, ќерката на Путин има двегодишна ќерка со Игор Зеленски, кој е водечки балетан и врвен режисер кој до неодамна беше на чело на Баварскиот државен балет, а работеше како танчер и режисер во Њујорк и Лондон.

Нивната наводна поврзаност ја открија рускиот независен весник IStories и германскиот Der Spiegel.

Рускиот независен медиум вели дека Тихонов поради своето момче морала многу често да лета на линијата Москва-Минхен од 2017 до 2019 година.

Наводно, таа патувала на оваа реалција повеќе од 50 пати за две години.

Катерина живееше во Русија, а Зеленски во Минхен, каде што режираше во Баварскиот државен балет. Меѓутоа, санкциите што и беа наметнати на Тихонова поради инвазијата на Украина нарачана од нејзиниот татко, го оневозможија патувањето од Москва до Минхен.

Претходно, Катерина беше во врска со рускиот милијардер Кирил Шамалов, со кој раскина во 2017 година, пред да започне врска со Зеленски.

Инаку, според „Дејли мејл“, Зеленски е Русин со грузиски корени и се верува дека нема врска со украинскиот претседател.

Свет

ЕУ бара независна истрага за масовните гробници во болниците во Газа

ЕУ денеска објави дека бара „независна“ истрага за масовните гробници во близина на двете главни болници во Појасот Газа.

„Бараме независна истрага за сомнежите и околностите на тоа откритие, бидејќи тоа создава впечаток дека можело да има прекршување на човековите права“, рече Петер Стано, портпарол на Европската служба за надворешни работи (ЕЕАС).

ОН вчера повика на независна истрага за масовните гробници откриени во двете главни болници во Појасот Газа.

Во изјавата, високиот комесар на ОН за човекови права Фолкер Турк рече дека е „ужасен“ од уништувањето на најголемата болница во Газа, болницата Ал Шифа и медицинскиот комплекс Насер во Кан Јунис, како и од откривањето на масовните гробници до нив.

Израелската армија негираше каква било одговорност и рече дека е „неосновано верување“ дека ги закопала телата на Палестинците.

Претставник на цивилната одбрана во Појасот Газа вчера изјави дека неговите тимови во саботата откриле тела на 340 луѓе во масовни гробници во кругот на болницата „Насер“. /МИА

Живот

Повеќе од 280 милиони луѓе се соочиле со акутен глад минатата година, покажува извештај на ФАО

Над 280 милиони луѓе во 59-те земји во светот каде кризата со храна е најтешка, се соочиле со акутен глад минатата година, покажува извештајот на Организацијата за храна и земјоделство на Обединетите нации (ФАО).

Се забележува дека иако вкупниот удел на луѓето во светската популација кои се соочуваат со голем недостиг на храна во 2023 година беше малку помал отколку во 2022 година, тој остана над нивото пред пандемијата.

Во него се нагласува дека процентот на луѓе кои се соочуваат од акутен глад останува висок, а главни фактори зад овој тренд се воените конфликти, екстремните временски услови и економските шокови, кои продолжуваат да го загрозуваат одржливиот развој на светот.

Организацијата за храна и земјоделство на Обединетите нации предупредува дека влошувањето на ситуацијата во светот како резултат на овие фактори претставува сериозна закана за глобалната безбедност на храната во тековната 2024 година.

Извештајот на ОН ги става Авганистан, ДР Конго, Нигерија, Судан и Етиопија во првите пет земји погодени со најакутна криза со храна. /МИА

Свет

Владата на Словачка ја одобри контроверзната реформа на јавната радио и телевизија

Владата на Словачка денеска ја одобри контроверзна реформа на јавната радио и телевизија во земјата, чекор, кој според критичарите, ќе доведе до преземање на целосна контрола врз медиумите од страна на Владата.

Минатиот месец, илјадници луѓе се собраа во главниот град за да го осудат планот, кој беше широко критикуван од локалните новинари, опозицијата, меѓународните медиумски организации и Европската комисија.

Премиерот Роберт Фицо рече дека промените се неопходни, бидејќи јавниот радиодифузен сервис РТВС бил политички пристрасен и е „во конфликт со словачката Влада“. Предложените измени ќе значат дека тој ќе има нова организација.