Шоу биз

Кејт Винслет се соблече топлес!

Во петтата деценија ја раскопча кошулата пред сите и покажа што е надареност! (фото)

Кејт Винслет уште во култниот филм „Титаник“ ги покажа своите адути, а по речиси 30 години реши да го направи истото.

Познатата актерка Кејт Винслет уште еднаш се надмина себеси со нејзиниот најнов филм „Ли“ појавувајќи се целосно гола во одредени сцени. Делови од снимките, кои се појавија од сетот, предизвикаа бура меѓу фановите и медиумите, а за тоа несомнено постои голема причина.

Филмот, снимен во околината на Дубровник, ја прикажува актерката во улогата на воениот фотограф Ли Милер, која не само што се соочува со опасностите од воената зона за време на Втората светска војна, туку се бори и со сексизмот на нејзините колеги, воените дописници.

Филмот е базиран на вистинска приказна за една поранешна манекенка која „се претворила“ во воен дописник. Таа работела за магазинот „Вог“ и набргу, со прикажувањето на суровата реалност од војната преку својот објектив, станала позната. Филмот е снимен во околината на Дубровник, поточно во напуштениот комплекс Купари, кој ги носи лузните од Хрватската војна за независност.

Станува збор за британска биографска драма базирана на книгата „Животите на Ли Милер“. Филмот ги истражува комплексноста на нејзиниот живот и искуствата за време на еден од најтурбулентните периоди во историјата, нудејќи го трогателното истражување на оваа извонредна жена.

Иако Кејт важи за една од најталентираните актерки, интересот на публиката за неа најмногу се должи на филмот „Титаник“ во кој заедно со актерот Леонардо ди Каприо ја доловија вистинската љубов на еден млад љубовен пар.

Инаку, годинава се навршуваат 27 години од филмот, снимањето криело бројни анегдоти кои таа неодамна ги сподели со јавноста и со тоа повторно го разгоре интересот за себе.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Струмица одземени речиси 1,1 милион евра, пари стекнати на нелегален начин

За парите тие немале потекло, па против нив е поднесена кривична пријава поради сомнение за даночно затајување и перење пари.

Полицијата од една фирма и две физички лица од Струмица одзела речиси 1,1 милион евра, од кои во готовина речиси 600.000 евра, а другите се внесени на трансакциска сметка, објавија денеска на заедничка прес-конференција директорот на Бирото за јавна безбедност, Александар Јанев, претставници на СВР Струмица, УЈП, Финансиската полиција и Јавното обвинителство.

За парите тие немале потекло, па против нив е поднесена кривична пријава поради сомнение за даночно затајување и перење пари.

Надлежните институции проверуваат како и на кој начин биле стекнати средствата, како и евентуалната поврзаност со кривичните дела за кои се води постапката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

„Западен нил“ попушта, но тројцата пациенти кои се на респиратот се во критична состојба

Епидемиолошката крива на западно-нилската треска почнува да опаѓа, но Скопје останува епицентарот на вирусот со општините каде што е прогласена епидемија, а досега има евидентирано само два случаи во внатрешноста - Куманово и Велес.

Според официјалните податоци од Инфективната клиника, поради воспаление на мозокот предизвикан од вирусот „западен нил“ сега се хоспитализирани 9 пациенти, 8 се потврдени на вирусот, а од нив тројца се во критична состојба и се приклучени на апарати за дишење. Како оздравени се водат 40 случаи.

Од регистрираните случаи, 44 или околу 79% се машки, а 12 или 21 отсто се жени.

Според епидемиолошките податоци, најинтензивен период на појава на симптомите бил август што се смета за досегашен пик бидејќи дури 36 случаи, односно 64 проценти од вкупниот број се регистрирани тогаш. Во јули имало 17 случаи, два во јуни и еден во мај.

Дека вирусот циркулира и понатаму потврдуваат и од Агенцијата за храна и ветеринарство бидејќи по угинатиот гавран во Ресен, и кај уште два гаврани кои биле подигнати во Карпош 2 кај Драмски театар, и во Карпош 4 е детектирана западно нилска треска.

-Досега се добиени три позитивни лабораториски резултати. Присуството на вирусот е потврдено кај уште два угинати гаврани пронајдени на подрачјето на Скопје. Со досегашното следење на западнонилската треска е потврдена циркулација на вирусот кај птиците на територијата на град Скопје и нема потреба од понатамошно лабораториско испитување на поединечни случаи на угинати птици.- Агенција за храна и ветеринарство

Во Карпош досега нема евидентирано случаи со тешка форма на болеста, а според според интерактивната мапа на Министерството за здравство најголемата концентрација на потврдени случаи останува во општините каде е прогласена епидемија. Кисела вода, поточно Драчево останува на врвот по бројот на потврдени случаи 11, Бутел – 6, Гази баба - 5 потврдени, Аеродром – 4, а случаи има и во Чаир и Центар, како и во повеќе општини во скопската околина.

Инаку, според анализите на Институтот за јавно здравје најпогодени се повозрасните граѓани – 45 од заболените, односно 80,4 проценти, се на возраст над 60 години. Сите починати пациенти се мажи од Скопје, со просечна возраст околу 70 години, само кај еден од нив не се потврдени други хронични состојби, односно коморбидитети.

Според податоците од Институтот за јавно здравје досега 56 те потврдени случаи се бројка што е поголема од вкупниот број на евидентирани случаи во Македонија во последните 15 години. Во последната недела, според извештајот на ИЈЗ има шест нови случаи, а вирусот зеде 7 жртви со што смртноста кај тешката форма на болеста е околу 12 проценти.

Додека здравствените власти велат дека се преземаат сите активности со цел да се намали ризикот од пренос особено покрај потенцијалните жаришта како што се канали со застоена вода со прскања од копно, опозициската СДСМ бара одговорност за институционалните пропусти, и како што велат оттаму задоцнетата реакција што чини животи. Левица пак освен за ненавременото постапување, обвини и за неажурност од страна на Инстутутот и криење на извештаите за статистички податоци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Божиновска: Од денеска и Македонија е дел од вертикалниот гасен коридор

Македонија и официјално се приклучи кон вертикалниот гасен коридор.

Откако министерката за енергетика Божиновска денеска во Солун потпиша меморандум за соработка. Со приклучувањето кон овој коридор, како што нагласи Божиновска, земјата треба да обезбеди дополнителна енергетска стабилност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.