Канал 5 репортажа - што доби, а што изгуби Старата Скопска чаршија изминативе децении? - Канал 5

Македонија

Канал 5 репортажа - што доби, а што изгуби Старата Скопска чаршија изминативе децении?

Што доби, а што изгуби Старата Скопска чаршија изминативе децении? Што треба да се поправи и како тече сегашната реконструкција на дел од патеките... 

Канал 5 репортажа - што доби, а што изгуби Старата Скопска чаршија изминативе децении?

Автентичниот изглед на Старата скопска чаршија полека, но сигурно се губи. Веднаш по поминувањето на камениот мост и навлегувањето кон чаршијата, може да се забележи дека покрај естетиката која се помалку се задржува, претставува и небезбедно место за движење на пешаците поради искршените плочки. Од другиот влез кадешто е плочникот кај плоштадот Скендер Бег, се наоѓа фонтаната која е оградена со стакло, а искршени се и дел од клупите.

Кај споменикот на Скендер Бег кадешто луѓето можат да ја видат фонтаната и да седнат да одморат може да се забележи дека едно од стаклата коишто се наоѓаат зад мене е искршено и не е поправено, додека овие што се здрави, не се исчистени.

При спуштањето од плочникот кон влезот на чаршијата, може да се забележи дека се поставени тезги коишто продаваат сувенири карактеристични за Скопје и Македонија. За истите, пред околу месец дена од општина Центар рекоа дека се отстранети бидејќи биле бесправно поставени и со тоа беше расчистен еден од најфреквентните делови на историската и туристичка локација.

При обиколката во околината на чаршијата поразговаравме со дел од луѓето кои ги сретнавме. Најголем дел од нив беа туристи кои се дојдени на прошетка во Скопје. Дел од нив и претходно ја посетиле земјава и забележуваат промени во изгледот.

„Ако ја споредам состојбата пред три години, има големи промени и навистина повеќе туристи, кога ќе споредам од пред три години.“

„Ние во Италија се грижиме за спомениците, но има премногу историски споменици. И вообичано не може за се, да се грижиме.“

Затекнавме и еден наш сограѓанин кој живее долги години во странство кој вели дека драстично е променет изгледот на чаршијата и дека во Италија многу подобро би било третирано вакво историски значајно место.

„Не ја гледам старата чаршија како што била.Во Италија овие коцките малецки си остануваат секогаш исти. Имаат измени, подобрувања, но секогаш во истиот стил.“

При одењето преку чаршијата кон црквата свети Спас има бројни локали кои имаат поставени тераси и го стеснуваат просторот за движење на пешаците. Од општина Чаир до почетокот на овие вести сеуште не добивме одговор колку такви има и дали се легално поставени или станува збор за дивоградби, а оштетени се и скалите кои водат нагоре.

Кај црквата свети Спас не дочека нешто поразително. Главната врата за влез во неа, кадешто е и гробот на Гоце Делчев беше недостапна за влез, а околу неа се наоѓа дива депонија.

На само неколку метри од главната врата во цркавата св. Спас кадешто е закопан великанот Гоце Делчев се наоѓа ваквата депонија во којашто може да се забележи дека има од лименки, преку кабаст отпад до градежен шут.

Старата скопска чаршија не се знае од кога точно постои, но првите документирани податоци за постоење трговски центар датираат од XII век, а претрпело огромни штети од земјотреси, но и во двете светски војни. Таа е културен споменик на културата во која може да се види наследство од повеќе култури и цивилизации кои учествувале во нејзиното создавање.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер