Кампања „16 дена активизам против родово базирано насилство“ - Канал 5

Македонија

Кампања „16 дена активизам против родово базирано насилство“

Дигаме глас за секоја жена и секое девојче да се чувствува охрабрено и заштитено

Кампања „16 дена активизам против родово базирано насилство“

Како да ја префрлиме дискусијата од работи за кои не зборуваме кон работи за кои задолжително треба да зборуваме беше во фокусот на денешниот настан во Скопје за покренување на заедничката кампања „16 дена активизам против родово базирано насилство“. Делегацијата на Европската Унија во Скопје, Мисијата на ОБСЕ во Скопје и семејството на Обединетите нации уште еднаш ги здружија силите за да ја подигнат свеста за долгорочното нарушување на општеството предизвикано од родово базирано насилство.

По отворањето на централниот настан во Скопје со театарската претстава „Работи за кои не зборуваме“, во наредните 16 дена ширум земјата ќе се организираат и други настани, меѓу кои театарски претстави, дискусии во заедници, концерти, изложби и панел дискусии.

Темата на годинешната кампања UNITE е „ОБЕДИНЕТЕ СЕ! Вложете напори за да го спречите насилството против жените и девојчињата“ затоа што секој труд вложен во спречувањето насилство против жените е чекор напред кон побезбеден, поеднаков и просперитетен свет.

„Овде сме за да ги поттикнеме жртвите и сведоците да пријават родово базирано насилство – и да им порачаме: Законот е на ваша страна“, изјави Бен Нупнау, Заменик амбасадорот на Делегацијата на Европската Унија во Скопје.

Клучниот приод во кампањата е создавањето на обединета платформа со цел да се даде можност на сите што се идентификуваат со каузата да се приклучат и да помогнат да се поттикне дискусијата за потребата да се стави крај на насилството против жените и девојчињата.

„Ние, како Мисија, работиме напорно да ги подржиме промените на законите кои ќе понудат подобра заштита на жртвите од родово – базирано насилство. Уште повеќе, вложуваме во стратешки напори да го зајакнеме целиот правoсуден систем, од првата точка на заштита, до законодавството и судовите, а се со цел да се одговори брзо и соодветно на потребите на жртвите,“ рече Селма Меховиќ, посебен советник на Шефот на мисијата на ОБСЕ во Скопје.

Поставени се две крајни цели: прво, да се создаде критична маса која ќе го стимулира креирањето политики на нула–толеранција кон сите облици на насилство; втората цел е да се подигне свеста за штетата која што насилството против жените и девојчињата ја нанесува на нашите семејства, нашето општество и на нашиот севкупен развој.

„Ми претставува неизмерно задоволство да дадам признание на Македонија затоа што во голема мера ги воспостави правните механизми неопходни за елиминација на насилството против жените и девојчињата. Сега е потребно уште повеќе да дигнеме глас. Уште повеќе да дејствуваме. Законите не се доволни ако се само празни зборови на хартија“, изјави Росана Дуџак, Постојана координаторка на ОН во Македонија. „Имаме заедничка должност да се погрижиме законите целосно да се спроведуваат, да станат општествена норма и дел од нашето однесување.“

16 дена активизам е меѓународна кампања која се спроведува секоја година, со почеток на 25 ноември, Меѓународниот ден на елиминација на насилството против жените, а завршува на 10 декември, Денот на човековите права. Оваа кампања е најдобриот пример како луѓето и организациите можат и треба да ги здружат силите за да се справат со општествените проблеми за кои нема место ниту денес ниту во иднината.

ЕУ и ОБСЕ се традиционалните партнери на семејството на ОН во оваа кампања, но секоја година бележиме раст на бројот на заинтересирани меѓународни и домашни партнери од речиси сите сектори на општеството. За повеќе информации за кампањата, посетете ја Facebook страницата.

фото: ОН Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

„Беше прекрасен татко, но падна во депресија по отказот“- мајка за сопругот кој ги уби нивните две деца

Мајката на две деца чиј татко ги убил фрлајќи ги од покривот на гаража, а потоа извршил самоубиство, проговори за околностите околу нивната трагична смрт!

„Беше прекрасен татко, но падна во депресија по отказот“- мајка за сопругот кој ги уби нивните две деца

Шестгодишната Каролин Линч и нејзиниот брат Џејмс Линч, на осум години, беа пронајдени во вторник, 3 ноември, пред општинска зграда во Маунт Либан, Пенсилванија, со повреди за кои се сомнева дека се предизвикани од падот, објави Пипл.

Нивниот татко, Патрик Линч, исто така е пронајден со слични повреди. Сите тројца починаа во инцидент што полицијата го истражува како убиство-самоубиство, соопшти шерифската служба на округот Алегени.

Според PennLive, Патрик ги фрлил децата од петкатна паркинг гаража. По убиствата, мајката на децата објави на Фејсбук дека Патрик бил депресивен откако неодамна ја изгубил работата.

На снимка од екранот од објавата, која ја споделија Daily Voice, WPXI TV и PennLive, Ана ДеМеј Линч напиша дека Патрик „донел неповратна одлука да ги убие нашите две деца и себеси“, додавајќи дека тој бил „прекрасен татко“.

„Тој беше отпуштен во август и набргу потоа, стана депресивен“, додаде таа во објавата.

На профилот на Патрик на LinkedIn е наведен како научник за податоци, кој работел на машинско учење и вештачка интелигенција, а неговата последна работа завршува во август.

Ана во својата објава на Фејсбук напиша дека успеала да го убеди Патрик да оди на терапија и дека тој имал закажан преглед за следниот ден.

„Еден ден предоцна“, напиша таа. „Никогаш не помислив дека нашата приказна ќе заврши вака“.

За Ана е отворена страница GoFundMe додека се бори со загубата на Каролин и Џејмс и се подготвува за нивните погреби.

Заедницата на Маунт Либан, исто така, се собира за да им оддаде почит на децата, за кои канцеларијата на медицинскиот испитувач соопшти дека починале од „повеќе повреди од тап предмет“.

„Таа беше само мало снопче радост. Ги сакаше луѓето“, изјави Вики Хефелфингер, која го познаваше семејството Линч преку нивното учество во училиштето за пливање.

„Секој пат кога ја гледавме, таа им мавташе на сите. Ги гледаше другите деца и беше едноставно толку храбро мало девојче“.

Тагови: деца татко

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Познато е колку заработува Ламар Одом за една недела на OnlyFans (ВИДЕО)

Поранешната НБА ѕвезда Ламар Одом би можела да заработи повеќе од 180.000 евра благодарение на својот нов профил на платформата OnlyFans. 

Познато е колку заработува Ламар Одом за една недела на OnlyFans (ВИДЕО)

Поранешниот кошаркар на Лос Анџелес Лејкерс заработил повеќе од 45.000 евра за само осум дена, изјавил извор за TMZ.

Месечната претплата за пристап до неговите ексклузивни фотографии и видеа е околу 13,45 евра.

Одом отвори профил на OnlyFans минатиот месец, што го прави првата поранешна НБА ѕвезда што се приклучила на платформата, според медиумските извештаи.

Тој ја објасни својата одлука велејќи дека смета дека времето е вистинско за тоа. Призна дека во текот на својот живот поминал низ многу бурни периоди, но исто така рече дека подготвува уште неколку изненадувања за своите фанови.

„Сите опции се отворени“

Поранешниот кошаркар на Лос Анџелес Клиперс објави дека на неговиот профил ќе има разновидна содржина, вклучувајќи изненадувања што неговите фанови можеби не ги очекуваат.

„Сè уште нема да откривам премногу. Ќе мора да се претплатите за да дознаете. Само знајте дека сум искрен и сите опции се отворени“, рече тој.

Одом рече дека во текот на целиот свој живот често донесувал непредвидливи одлуки и дека сè уште може да ја изненади јавноста. „Отсекогаш сум бил отворена книга, но има поглавја што луѓето сè уште не ги виделе“, изјави тој.

Неговата девојка Рејчел Бредли исто така отвори профил на OnlyFans. Извор близок до двојката откри за TMZ дека постои можност тие да објавуваат содржина заедно во иднина.

Беше во брак со Клое Кардашијан

Одом јавно ја потврди својата врска со Рејчел Бредли во април, кога објави видео на Инстаграм од нив како заедно влегуваат во Crypto.com Arena во Лос Анџелес. Неколку дена претходно, тие споделија и заедничка фотографија со актерот Тери Крус и неговата сопруга Ребека Кинг Крус.

Пред врската со Бредли, Одом беше во долгогодишна врска со Лиза Моралес, со која има две деца, ќерката Дестини (28) и синот ЛЈ (24).

Тој е особено познат на јавноста по бракот со ријалити ѕвездата Клое Кардашијан, со која се ожени во 2009 година. Нивниот брак западна во криза, а во 2013 година решија да се разделат. Разводот официјално беше финализиран во 2016 година.

Тагови: OnlyFans Ламар Одом

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Фицо тврди: Резултатите од референдумот за пристапување во ЕУ беа фалсификат

Словачкиот премиер Роберт Фицо денес тврдеше дека референдумот за пристапување на земјата во Европската Унија бил наместен и дека немало да има пристапување доколку не било така.

Фицо тврди: Резултатите од референдумот за пристапување во ЕУ беа фалсификат

„Одржавме референдум кој, доколку не беше наместен, немаше да биде успешен. Тоа мора да се каже. Разликата беше толку мала што, според мене, беа направени одредени корекции за да се обезбеди дека исходот е онаков каков што беше потребен за Словачка да го одобри пристапувањето кон оваа организација“, изјави Фицо за телевизијата TA3.

Зборувајќи за атмосферата во Словачка во 2004 година, кога земјата се приклучи кон ЕУ, Фицо оцени дека пристапувањето било проследено со голем ентузијазам од една страна, но дека од друга страна, резултатот од референдумот бил многу тесен.

Референдумот за пристапување кон Европската Унија во Словачка се одржа во мај 2003 година, со излезност од 52 проценти, а мнозинството гласаше позитивно за пристапувањето.

Словачка се приклучи кон Европската Унија во 2024 година.

Тагови: Роберт Фицо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер