Какви се разликите меѓу ковид и настинката? - Канал 5

Здравје

Какви се разликите меѓу ковид и настинката?

Кашлицата и кивањето се неизбежни во ова време од годината.

Какви се разликите меѓу ковид и настинката?

Покрај тоа, и нови соеви на коронавирусот се раширени, а во морето од информации и лажни информации, сè потешко е да се каже дали болното грло и растечениот нос е знак на ковид-заболувањето или обична сезонска настинка.

Што предизвикува настинка, а што - ковид? Според лекарите, настинката е предизвикана од низа различни вируси, но најчестиот причинител е риновирусот.

- Тој „сака да се насели“ во носот и грлото. Ковидот, од друга страна, е предизвикан од вирусот САРС-КоВ-2, а тоа е еден вид коронавирус. И двата вируса го напаѓаат вашиот систем за дишење, но ковидот е склон да влијае и подлабоко - понекогаш на белите дробови, па дури и на други органи, појасни д-р Чун Танг од „Пал-мал медикал“ - приватен здравствен центар во Велика Британија.

Својства на новите соеви и варијанти на ковид

„Стратус“ (Stratus, Икс-еф-ге) и „Нимбус“ (Nimbus, НБ.1.8.1) се некои од новите варијанти на сојот омикрон-коронавирус.

- „Стратус“ е поврзан со засипнатост и замор, а „Нимбус“ со чувство на гребење во грлото и дигестивни симптоми како што се гадење и надуеност. И двата се многу заразни, но не се поопасни од претходните варијанти, објаснува д-р Бруно Силвестер Лопез, професор на Универзитетот „Тиссајд“ во Велика Британија.

Како што е познато, и коронавирусот и настинките се шират главно преку капки од телесните течности.

- Односно, кога некој (заболен) кашла, кива, па дури и кога зборува во ваша близина. Сепак, ковидот може да се шири и низ воздухот преку ситни честички, аеросоли, коишто остануваат во воздухот, особено во преполни или лошо проветрени простори. Значи, додека настинката бара малку поблизок контакт за да се пренесе, ковидот може да се прикраде и на другата страна на просторијата, ако немате среќа, додаде Танг.

Знаците на настинка и ковид може да бидат тешки за разликување бидејќи многу од тие симптоми се преклопуваат.

Можеби ќе ве интересира: Дали мРНК вакцините против Ковид-19 можат да се користат и во борбата против ракот?

- Со обете болести, може да имате болно грло, течење или затнат нос, да кивате и кашлате. Сепак, ковидот може да предизвика и треска, замор, болки во мускулите и она карактеристичното губење на чувството за вкус или мирис, иако е поретко кај поновите варијанти. Кај ковидот, исто така, има поголема веројатност „да ве нокаутира“, како „да ве удри“ камион, а настинката нема такво својство, вели лекарот.

Прашан, дали симптомите на настинка и ковид траат исто, Танг вели дека настинка обично трае меѓу една недела и 10 дена, а пак, симптомите на ковид обично траат до две недели, но и подолго, дури и со месеци.

- Ковидот може да предизвика и сериозни компликации, како што се пневмонија или долгорочен ковид, што влијае не само на респираторниот систем, туку и повеќе, нагласи Танг.

Дали постојат различни третмани за настинки и ковид?

Настинката, според докторите, може да мине и со одмор, многу течности и лекови без рецепт како „Ацетаминофен“. И благите случаи на ковид се третираат слично, но на луѓето изложени на поериозна опасност, обично им се препишуваат антивирусни лекови.

Д-р Танг вели дека сепак треба да се тестирате за ковид, особено ако не се чувствувате добро или работите со здравствени работници, или во дом за стари лица.

- Тестирањето ви помага да донесувате информирани одлуки, како на пр. да останете дома ако добиете позитивен тест. Така, ако имате висока температура што не се намалува, или пак, тешкотии со дишењето, болка во градите или ако вашите симптоми траат повеќе од 10 до 14 дена без подобрување, треба да го посетите вашиот матичен лекар, советува Танг.

На крај, лекарот повторно препорача почесто миење раце, проветрување на просториите и „да не го допирате лицето премногу“, нагласи Танг.

- Избегнувајте и близок контакт со луѓе кои очигледно не се чувствуваат добро, а ако се чувствувате лошо, бидете внимателни кон другите, останете дома и одморете се. За ковид, вакцинирањето со најновите препорачани вакцини за моментно циркулирачките соеви обезбедува одлична заштита и не ја потценувајте моќта на добриот сон, урамнотежената исхрана и редовната физичка активност, истакна лекарот.

Неговиот совет, во оваа смисла, гласи: Секогаш верувајте им на вашите инстинкти, па ако сте загрижени, одете на лекар.

Тагови: Ковид-19 настинка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на БЈБ Јанев во работна посета на Полициското одделение и Граничниот премин Ново Село

Вчера (23.06.2026) директорот на БЈБ Јанев оствари работни посети во Струмица, Полициското одделение Ново Село и Граничниот премин Ново Село, каде се запозна со состојбите и предизвиците на полициските службеници на терен.

Директорот на БЈБ Јанев во работна посета на Полициското одделение и Граничниот премин Ново Село

На средбите беше разговарано за безбедносната состојба, одржувањето на јавниот ред и мир, како и за спречување на прекуграничниот криминал. Посебен акцент беше ставен на унапредување на условите за работа, техничката опременост и зајакнување на координацијата со надлежните служби и соседните држави.

Беше истакнато дека ГП Ново Село е важна точка за проток на патници и стоки, при што останува приоритет обезбедување на ефикасна, професионална и безбедна услуга за граѓаните.

Тагови: БЈБ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Во изминатите 24 часа најмногу дожд во Битола, Демир Капија и Виница

Дадените вредности за количината на врнежи се измерени на дождомерните места на УХМР.

Во изминатите 24 часа најмногу дожд во Битола, Демир Капија и Виница

КОЛИЧИНА НА ВРНЕЖИ за изминатите 24 часа до 08 часот во (l/m2)

26 Битола, 24 Демир Капија, 21 Виница, 17 Лазарополе, 14 Берово, 13 Крива Паланка, 8 Гевгелија, 2 Скопје – Петровец, 1 Кавадарци, Крушево, Маврови Анови.

Забелешка: Дадените вредности за количината на врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен.

Сообраќајот на државните патишта се одвива непречено, по суви коловози.

ВРЕМЕН РЕЖИМ НА СООБРАЌАЈ: На ден 23.06.2026 г. сообраќајот на патниот правец Прилеп- Битола близу железничката пруга Лознани е спроведен времен режим на сообраќај, сообраќајот ќе се одвива со пренасочување од магистралниот кон регионалниот пат заради изведување на градежни работи на терен.

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер